ស្ត្រីឆ្លាតត្រូវតែមានចរិតលក្ខណៈផ្ទាល់ខ្លួន មិនចូលចិត្តពឹងផ្អែកលើអ្នកណាម្នាក់ ចេះរស់នៅដោយឯករាជ្យ តែមិនមែនមានន័យថាពួកគេទទួលយកការងារទាំងអស់របស់បុរសនោះទេ។ អាចនិយាយបានថា ស្ត្រីដែលឆ្លាតវៃមាននិស្ស័យត្រូវតែមាន«ចំណុចពិសេស»៤ប្រភេទខាងក្រោមនេះ៖
១.ស្ត្រីដែលមាន “ថាមពលខាងវិញ្ញាណ”
ថាមពលខាងវិញ្ញាណមិនបែងចែករវាងអ្នកមាន ឬ ក្រ ចាស់ ឬ ក្មេង ឋានៈខ្ពស់ ឬ ទាបនោះទេ ប៉ុន្តែវាជានិស្ស័យពីកំណើត ឬ ប្រសិនបើមាន ត្រូវតែអនុវត្តដោយខ្ជាប់ខ្ជួន។ ថាមពលខាងវិញ្ញាណគឺជាការបង្ហាញខាងក្រៅនៃសភាវគតិនៅក្នុងការគិតរបស់ស្ត្រី។
រស្មីនៃថាមពលខាងវិញ្ញាណ មិនត្រូវបានបង្កើតឡើងដោយការក្លែងបន្លំទេ ប៉ុន្តែដោយភាពស្មោះត្រង់។ ត្រូវចាំថា ទោះបីជាអ្នកមិននិយាយក៏ដោយ គំនិតរបស់អ្នកមានប្រេកង់ផ្ទាល់ខ្លួន ហើយអ្នកដទៃក៏អាចសង្កេតដឹងពីវាដែរ។
ដូច្នេះហើយ ស្ត្រីដែលមានប្រាជ្ញាដែលមានថាមពលខាងវិញ្ញាណពិសេស មិនចាំបាច់និយាយច្រើន ឬ អួតប្រាប់អ្នកជុំវិញខ្លួនអំពីភាពរហ័សរហួន ប៉ិនប្រសប់ ឬ ចិត្តសប្បុរសនោះទេ។ ពួកគេដឹងថាមានតែតាមរយៈការប្រព្រឹត្តដោយស្មោះទេ ទើបពួកគេអាចរំពឹងថានឹងទទួលបានភាពស្មោះត្រង់ជាថ្នូរនឹងការតបស្នង ហើយភាពថ្លៃថ្នូរ និងការប្រុងប្រយ័ត្នគឺជាគោលការណ៍និរន្តរភាព។
ស្ត្រីភាគច្រើនដែលមានថាមពលខាងវិញ្ញាណមានទស្សនៈពិភពលោកដ៏សម្បូរបែប ពួកគេមើលបញ្ហាពីភាគីជាច្រើន ហើយមានសុទិដ្ឋិនិយមខ្លាំងក្នុងជីវិត។
ភ្នែករបស់ពួកគេភ្លឺឡើងនៅពេលដែលពួកគេស្រូបយកចំណេះដឹងថ្មីៗ គំនិតរបស់ពួកគេបន្តវិភាគព័ត៌មាន។ រាល់ចលនារបស់ពួកគេពោរពេញទៅដោយភាពរស់រវើក និងមានការទាក់ទាញពិសេសចំពោះអ្នកដទៃ។ ហើយសូម្បីតែពេលគេស្តាប់ដោយស្ងៀមស្ងាត់ ក៏ភ្នែករបស់គេនៅតែបញ្ចេញរស្មីគួរឱ្យចាប់អារម្មណ៍ផងដែរ។
២.ស្ត្រីដែលមាន “ឯករាជ្យ”
មនុស្សស្រីឆ្លាតមានឯករាជ្យ មានន័យថាពួកគេមានចរិតផ្ទាល់ខ្លួន មិនចូលចិត្តពឹងអ្នកណាម្នាក់ ចេះរស់នៅដោយឯករាជ្យ ប៉ុន្តែមិនមែនមានន័យថាពួកគេទទួលយកការងារទាំងអស់របស់បុរសនោះទេ។
ថ្វីត្បិតតែពួកគេមានជំហររឹងមាំក៏ដោយ ប៉ុន្តែរូបរាងរបស់ពួកគេនៅតែទន់ភ្លន់ និងអាចបត់បែនបាន ដែលធ្វើឲ្យទាំងបុរស និងស្ត្រីមានអារម្មណ៍មិនអាចបំភ្លេចបាន បន្ទាប់ពីជួបគ្នាលើកដំបូង។
ពួកគេឯករាជ្យ តែមិនបំពាន មិនគិតអាក្រក់ ឬ ធ្វើបាបអ្នកដទៃ។
ជាងអ្នកណាទាំងអស់ ស្ត្រីដែលមានចរិតលក្ខណៈដឹងថានរណាម្នាក់ស្រឡាញ់ពួកគេដោយសារតែបុគ្គលិកលក្ខណៈរបស់ពួកគេ ដូច្នេះពួកគេមិនងាយបោះបង់ខ្លួនឯងបច្ចុប្បន្នដោយចំណង់ចំណូលចិត្ត និងក្តីសុបិនដែលដុតបំផ្លាញបុគ្គលិកលក្ខណៈផ្ទាល់ខ្លួនរបស់ពួកគេសម្រាប់នរណាម្នាក់ឡើយ។
៣.ស្ត្រីដែលមាន “ទេពកោសល្យ”
ទេពកោសល្យមិនចាំបាច់មានន័យថាស្គាល់តារាសាស្ត្រ និងភូមិសាស្ត្រទេ ប៉ុន្តែចំណុចសំខាន់គឺអាកប្បកិរិយាចំពោះជីវិត។ ពួកគេជាមនុស្សស្មោះត្រង់ ដាក់ខ្លួន ប៉ុន្តែមានជំនាញខ្លាំង តែងតែមានចិត្តល្អ មិនធ្វើបាបអ្នកដទៃ។
ពួកគេអានសៀវភៅ សិក្សាដើម្បីកែលម្អខ្លួនឯង និងការគិតរបស់ពួកគេ ដោយមានគោលបំណងធ្វើឱ្យខ្លួនឯងល្អឥតខ្ចោះជារៀងរាល់ថ្ងៃ។ ពួកគេធ្វើបែបនេះដោយសារតែចំណង់ចំណូលចិត្តចង់ក្លាយជាម្ដាយគំរូ និងក្លាយជាការគាំទ្រយ៉ាងរឹងមាំចំពោះស្វាមី។
ភាពស្រស់ស្អាតគឺងាយស្រួលឆ្លងកាត់ ភាពឆ្លាតវៃ និងទេពកោសល្យខាងក្នុងអាចកើនឡើងតាមពេលវេលា ពេលវេលាកាន់តែយូរ កាន់តែក្រអូប ដូច្នេះហើយពួកគេតែងតែព្យាយាមកែលម្អខ្លួនឯង។ ប៉ុន្តែនេះមិនមានន័យថាពួកគេធ្វេសប្រហែសចំពោះរូបរាងរបស់ពួកគេទេ។ សូម្បីតែពេលថែរក្សារូបរាងក៏ដោយ ក៏ពួកគេជ្រើសរើសវិធីឆ្លាតវៃ និងសមរម្យ រៀនអំពីនិន្នាការ ប៉ុន្តែជ្រើសរើសតែអ្វីដែលសមរម្យសម្រាប់ខ្លួនគេប៉ុណ្ណោះ។
៤.ស្ត្រីដែលមាន “បរិយាកាសដ៏អស្ចារ្យ”
មនុស្សដែលមានបរិយាកាសដ៏អស្ចារ្យមានការទាក់ទាញបំផុត។ ពួកគេយល់កាន់តែច្បាស់រវាងការគោរពខ្លួនឯង និងមោទនភាព ការគោរពខ្លួនឯង និងការពឹងផ្អែកលើខ្លួនឯង ដូច្នេះពួកគេតែងតែរក្សានូវសុទិដ្ឋិនិយម និងផ្នត់គំនិតល្អប្រសើរ។
ពួកគេមើលឃើញពីភាពលំបាក ឧបសគ្គ ឬ បរាជ័យ ជារឿងដែលមនុស្សគ្រប់គ្នាត្រូវតែជួបប្រទះក្នុងជីវិត ហើយមនុស្សជោគជ័យត្រូវតែជួបប្រទះនូវអារម្មណ៍មិនល្អទាំងនេះអោយកាន់តែច្រើន។
ពួកគេក៏មិនសោកស្ដាយដែរ ដោយសារការកើនឡើងនៃអាយុទៅតាមពេលវេលា ព្រោះយល់ថាត្រូវរស់នៅស្របតាមធម្មជាតិ ហើយគ្រប់វ័យមានភាពស្រស់ស្អាតប្លែក បើគេបង្ខំខ្លួនឱ្យនៅក្មេងជារៀងរហូត នោះនឹងធ្វើឱ្យពួកគេវេទនា និងមិនអាចឆ្លងកាត់រសជាតិជីវិតតាមដំណាក់កាលបាន៕