ជីវិតប្ដីប្រពន្ធ! ប្ដីជាប៉ោត ប្រពន្ធជាពាង

ជីវិតប្ដីប្រពន្ធ! ប្ដីជាប៉ោត ប្រពន្ធជាពាង

ប៉ោត គឺសម្រាប់ដាក់ទឹក ដើម្បីយកមកចាក់បំពេញក្នុងពាង គឺមានន័យថា ក្នុងនាមជាប្ដី ត្រូវខិតខំប្រឹងប្រែងធ្វើការរាល់ថ្ងៃ ដើម្បីយកមកឱ្យប្រពន្ធដែលជាពាង ទុកដាក់ឱ្យបានល្អ។ ប៉ុន្តែ ប្រសិនបើប៉ោត មិនចេះរើស ឬមើលពាងទេ នោះ បើប៉ះចំពាងដែលធ្លុះធ្លាយប្រេះស្រាំ ច្បាស់ណាស់ ទោះអ្នកខំរករាប់ខែរាប់ឆ្នាំ ឬមួយជីវិតទៀត ក៏មិនមានអ្វីដែលសល់នោះដែរ។

ប៉ុន្តែពាងត្រូវដឹងថា ប៉ោតទម្រាំតែមកដល់ចាក់បំពេញឱ្យយើងបាន ក៏អាចនឹងជ្រុះ ស្រកតាមផ្លូវខ្លះហើយ វាក៏ដូចគ្នា បើប៉ះប៉ោតធ្លាយ ឬធ្លុះត្រង់ណា វាក៏កំពប់ ស្រក់លិចស្រក់កើត មិនអាចមកដល់យើងបានទាំងអស់នោះឡើយ។ មនុស្សប្រុស ក៏អាចនឹងចាយវាយខាងក្រៅ ឬអាចនឹងទុកនៅនឹងខ្លួនឯងខ្លះ មិនមែនគេអាចឱ្យយើងអស់ៗនោះទេ។

តែក៏មានរឿងមួយទៀតដែលប៉ោតត្រូវដឹងថា ពាង ក៏មិនមែនរំពឹង សង្ឃឹមតែទឹកក្នុងប៉ោតរបស់អ្នកដែរ បើអ្នកមិនចេះថែ គឺមិនខ្វះទេ ទឹកភ្លៀង ក៏អាចចាក់ចូលបំពេញពាងបានដែរ ដូច្នេះ ទឹកក្នុងប៉ោតរបស់អ្នក វាក៏លែងមានតម្លៃ ដើម្បីចាក់ចូលដែរ ព្រោះវាពេញបាសហៀរហូរអស់ហើយ!

#Knongsrok #មនុស្សចុងក្រោយ