នៅពេលដែលបុរសមានទំនាក់ទំនង “មិនច្បាស់លាស់” នៅខាងក្រៅអាពាហ៍ពិពាហ៍ ពួកគេអាចបិទបាំងវាដោយការកុហក។ ក្រោយរៀបការអ្នករាល់គ្នាតែងប្រាថ្នាចង់បានជីវិតដ៏រលូន មានសុភមង្គលជាគូស្នេហ៍ស្មោះត្រង់។ ទោះជាយ៉ាងណាក៏ដោយជីវិតមិនតែងតែស្រស់ស្អាតដូចរឿងនោះទេ។ ពេលខ្លះឧប្បត្តិហេតុអាចកើតឡើងដែលបណ្តាលឱ្យទំនាក់ទំនងបែកបាក់។ ក្នុងនោះអំពើផិតក្បត់ជាហេតុផលធំមួយដែលនាំឱ្យអាពាហ៍ពិពាហ៍បែកបាក់។ ទាំងបុរសនិងស្ត្រីមានសមត្ថភាពក្នុងការបោកប្រាស់ក្នុងអាពាហ៍ពិពាហ៍។ យ៉ាងណាមិញ ថ្ងៃនេះយើងនឹងនិយាយពីបញ្ហាបុរសបោកប្រាស់។ នៅពេលដែលបុរស “លួចមានស្រីនៅខាងក្រៅ” ពួកគេមានការកុហកជាទូទៅដើម្បីបិទបាំងបញ្ហា ហើយប្រយោគកុហកទាំងនោះរួមមានដូចជា៖
១.”ខ្ញុំត្រូវធ្វើការថែមម៉ោង ឬ មានជប់លៀង”
បុរសៗតែងតែមកផ្ទះយឺត មិនត្រឹមតែធុំក្លិនស្រាទេ ថែមទាំងធុំក្លិនទឹកអប់របស់ស្ត្រីទៀតផង ដែលជាសញ្ញាមួយធ្វើឱ្យប្រពន្ធជាច្រើនមានការសង្ស័យ។ ទោះបីជាយ៉ាងណា បើប្រពន្ធសួរ ប្ដីតែងឆ្លើយថា៖ «ខ្ញុំត្រូវធ្វើការថែមម៉ោងថ្ងៃនេះមានជប់លៀង»។
កាលពីមុនគាត់មិនដែលធ្វើការថែមម៉ោងមិនដែលទៅធ្វើអាជីវកម្មយ៉ាងសកម្មបែបនេះទេ។ តែឥឡូវនេះ ភាពញឹកញាប់នៃការបន្ថែមម៉ោង ការធ្វើដំណើរអាជីវកម្ម ពិធីជប់លៀង និងការប្រាស្រ័យទាក់ទងជាមួយអតិថិជនបានកើនឡើងមិនធម្មតា។ ចំណុចនេះអាចជាសញ្ញាដែលប្រពន្ធត្រូវយកចិត្តទុកដាក់។
២.”ខ្ញុំរវល់ណាស់”
សញ្ញាទូទៅនៃបុរសផិតក្បត់គឺពួកគេស្រាប់តែរវល់ខ្លាំង មិនថាពេលប្រពន្ធមករកប្តីទេ គាត់តែងឆ្លើយថាជាប់រវល់ មិនចង់អោយរំខាន។ នៅពេលនេះគាត់ប្រហែលជាកំពុងលង់ក្នុងរឿងសម្ងាត់ដែលនាំមកនូវអារម្មណ៍រំភើប និងមនោសញ្ចេតនា ហើយគ្មានពេលយកចិត្តទុកដាក់ចំពោះប្រពន្ធរបស់គាត់នោះឡើយ។
បុរសដែលស្រឡាញ់ភរិយាយ៉ាងពិតប្រាកដ ទោះរវល់ប៉ុណ្ណាក៏ដោយ ក៏មិនធ្វេសប្រហែសចំពោះប្រពន្ធ និងគ្រួសារច្រើនដងដែរ។ ពួកគេអាចឆ្លៀតពេលត្រឡប់មកផ្ទះវិញ ហើយទទួលខុសត្រូវក្នុងគ្រួសារ។ ទន្ទឹមនឹងនោះ បុរសដែលមានសម្ព័ន្ធភាពខាងក្រៅនឹងពិបាកផ្តោតអារម្មណ៍លើគ្រួសារ តែងតែចង់ជជែកគ្នាលេង ជួបជាមួយគូស្នេហ៍ រីករាយនឹងពេលវេលារ៉ូមែនទិក។ ក្នុងអាពាហ៍ពិពាហ៍ ស្ត្រីត្រូវយកចិត្តទុកដាក់លើពាក្យសម្ដី និងទង្វើរបស់បុរស។ ប្រសិនបើភ្លាមៗនោះគាត់រវល់ខ្លាំង ហើយលែងខ្វល់ពីអ្នក ទំនងជាមានអ្នកទីបីបានបង្ហាញខ្លួន។
៣.«នាងនិងខ្ញុំគ្រាន់តែជាមិត្តរួមការងារធម្មតា ខ្ញុំមិនមានអ្វីទាក់ទងនឹងនាងទេ»
នៅពេលប្រពន្ធរកឃើញសញ្ញាមិនធម្មតានៃប្តីរបស់នាងជាមួយស្ត្រីលួចលាក់ ហើយសួរអំពីទំនាក់ទំនងរបស់ពួកគេ គាត់អាចឆ្លើយតបថា “នាងនិងខ្ញុំគ្រាន់តែជាមិត្តធម្មតាប៉ុណ្ណោះ មិត្តរួមការងារ ខ្ញុំមិនមានអ្វីទាក់ទងនឹងនាងទេ” ។ នេះជាការកុហកបែបចាស់គំរិលរបស់បុរសបោកប្រាស់ គាត់គ្រាន់តែចង់លាក់រឿងនេះ និងមិនចង់លែងលះ។
នៅពេលអ្នកឃើញប្តីរបស់អ្នកឧស្សាហ៍ផ្ញើសារ ទូរស័ព្ទទៅនារីម្នាក់ ប្រហែលជាសូម្បីតែអានសាររបស់ពួកគេ ឮការសន្ទនារបស់ពួកគេដោយចៃដន្យ អ្នកមិនគួរឱ្យគាត់ពន្យល់ទេ។ អ្នកអាចប្រាប់គាត់ដោយផ្ទាល់ថា “អ្នកបានក្បត់ខ្ញុំ” ។
៤.”នេះជាអ្វីដែលអ្នកគិតខ្លួនឯងប៉ុណ្ណោះ”
បុរសបោកប្រាស់ក៏មានប្រយោគមួយទៀតគឺ “នេះជាអ្វីដែលអ្នកគិតខ្លួនឯងប៉ុណ្ណោះ”។ ពេលគាត់និយាយបែបនេះ វាពិតជាអាចទៅរួចដែលថាក្នុងចិត្តគាត់លែងមានអ្នកទៀតហើយ គាត់តែងតែគិតពីមនុស្សស្រីផ្សេងទៀត ដូច្នេះហើយទើបគាត់ព្រងើយកន្តើយនឹងអារម្មណ៍របស់អ្នកគ្រប់ទីកន្លែង។
ម្យ៉ាងវិញទៀត នៅពេលដែលគាត់លែងស្រលាញ់ គំនិតទាំងអស់របស់គាត់គឺទៅលើនារីម្នាក់ទៀត គាត់នឹងមានចេតនារិះគន់ និងបន្ទោសប្រពន្ធនៅផ្ទះដោយចេតនា នេះអាចធ្វើអោយប្រពន្ធកាន់តែឈឺចាប់។
បើទោះជាប្រពន្ធសង្ស័យ ឬ ដឹងថាប្តីមានទំនាក់ទំនងមិនច្បាស់លាស់នៅខាងក្រៅក៏ដោយ ក៏គាត់មិនខ្វល់ដែរ ហើយគ្រាន់តែឆ្លើយតបដោយព្រងើយកន្តើយថា “នេះជាអ្វីដែលអ្នកគិតខ្លួនឯងប៉ុណ្ណោះ” ។
៥.”អ្នកមិនល្អដូចស្រីដទៃសោះ”
បុរសម្នាក់ដែលក្បត់ប្រពន្ធ ក៏អាចនិយាយរឿងដែលធ្វើអោយប្រពន្ធរបស់គាត់ខូចចិត្តជាខ្លាំងដែរ នោះគឺ “អ្នកមិនល្អដូចស្រីដទៃសោះ”។ នេះជាការនិយាយស្តីបន្ទោសបញ្ច្រាសដោយគ្មានចេតនាទទួលខុសត្រូវចំពោះកំហុសដែលខ្លួនបានធ្វើ។
បុរសប្រភេទនេះ ជំនួសឱ្យការទទួលស្គាល់កំហុសខ្លួនឯង នឹងព្យាយាមរុញទំនួលខុសត្រូវលើភរិយា ដោយនិយាយថានាងមិនល្អ បន្ទោសនាងថាមិនចេះស្លៀកពាក់ មិនសុភាព។ ពេលនោះកំហុសហាក់ដូចជារបស់ប្រពន្ធ។ នេះគឺជាវិធី “ប្រែពណ៌ខ្មៅទៅជាស” និងរៀបចំចិត្តសាស្ត្រ។ ក្នុងក្រសែភ្នែកគេ គូស្នេហ៍ល្អជាងប្រពន្ធ ហើយពួកគេលែងចង់នៅជាមួយប្រពន្ធទៀតហើយ។ ដូច្នេះហើយ ទោះប្រពន្ធឈឺចាប់ ឬ គិតយ៉ាងណាក៏បុរសនោះមិនខ្វល់ដែរ៕