បើឃើញសត្វ១ក្នុងចំណោមសត្វទាំង៤នេះពេលព្រឹក សូមកុំព្រងើយកន្តើយ។ តាមរឿងព្រេងនិទានថា ជាសញ្ញានៃលាភសំណាង ការងារអំណោយផល និងសុភមង្គលក្នុងគ្រួសារ ។
១.មេអំបៅហោះចូលក្នុងផ្ទះ – សញ្ញានៃសេចក្តីអំណរការគាំទ្ររបស់មនុស្សថ្លៃថ្នូរ
នៅក្នុងវប្បធម៌អាស៊ីបូព៌ា មេអំបៅមិនត្រឹមតែជានិមិត្តរូបនៃភាពទន់ភ្លន់ និងភាពឆើតឆាយប៉ុណ្ណោះទេ ប៉ុន្តែថែមទាំងមានអត្ថន័យហុងស៊ុយពិសេសផងដែរ។ មេអំបៅដែលហើរចូលក្នុងផ្ទះ ជាពិសេសនៅពេលព្រឹក ត្រូវបានចាត់ទុកថាជាសញ្ញានៃសេចក្តីរីករាយ វាអាចជាពិធីមង្គលការ ដំណឹងល្អអំពីកូនៗ ឬ ទំនាក់ទំនងល្អនាពេលខាងមុខ។
ប្រសិនបើមេអំបៅមានពណ៌ភ្លឺដូចជាពណ៌លឿង ពណ៌ទឹកក្រូច ឬ ពណ៌ខៀវ នោះមនុស្សបុរាណបានជឿថាវាជា សញ្ញាប្រាប់ថានឹងមានមនុស្សថ្លៃថ្នូរមកជួយអ្នកឱ្យយកឈ្នះលើការលំបាកបើកឱកាសថ្មីក្នុងការងារ។ ទោះបីជាវាជាមេអំបៅពណ៌ខ្មៅ ឬ ពណ៌ប្រផេះក៏ដោយ ក៏វាមិនមានអត្ថន័យអវិជ្ជមានដែរ។ ផ្ទុយទៅវិញ គោលគំនិតហុងស៊ុយជាច្រើនជឿថា មេអំបៅខ្មៅ ជារឿយៗត្រូវបានផ្សារភ្ជាប់ជាមួយនឹងការការពារខាងវិញ្ញាណ និងការការពារគ្រួសារ។
អ្នកជំនាញហុងស៊ុយ បានចែករំលែកថា៖ “មេអំបៅចូលផ្ទះនៅពេលព្រឹកព្រលឹម មិនមែនគ្រាន់តែជាបាតុភូតធម្មជាតិនោះទេ វាអាចជាសារពីសកលលោកថា អ្នកកំពុងឈានចូលដល់សម័យកាលនៃភាពរុងរឿង ដូច្នេះអ្នកគួរតែស្វាគមន៍វាដោយអាកប្បកិរិយាវិជ្ជមាន”។
២.សត្វស្លាបមកលេង – ដំណឹងល្អគោះទ្វារ
តើអ្នកធ្លាប់បើកទ្វារពីព្រលឹម ហើយឮសំឡេងសត្វចាបពេញផ្ទះទេ? កុំប្រញាប់ដេញវាចេញ ព្រោះវាអាចជាបក្សីភ្ញៀវ ដែលជាបក្សី “ប្រកាសដំណឹងល្អ” ។
យោងទៅតាមជំនឿរបស់ប្រជាជន ប្រសិនបើនៅពេលព្រឹកព្រលឹម អ្នកឮសត្វចាបច្រៀង ឬ ឃើញពួកវាហើរជុំវិញដំបូល នោះជាសញ្ញាមួយបង្ហាញថា នរណាម្នាក់ហៀបនឹងនាំដំណឹងល្អ អាចជាមិត្តភ័ក្តិ សាច់ញាតិដែលអ្នកខានជួបយូរ ឬ ជាឱកាសការងារដែលមិននឹកស្មានដល់។ បក្សីភ្ញៀវក៏ត្រូវបានចាត់ទុកថាជានិមិត្តសញ្ញានៃសំណាងក្នុងការទំនាក់ទំនងសង្គមផងដែរ។ សម្រាប់អ្នកដែលប្រកបរបររកស៊ីជួញដូរ ត្រូវការទំនាក់ទំនងអតិថិជន និងដៃគូរច្រើន ការឃើញសត្វស្លាបពេលព្រឹក ជាប្រផ្នូលល្អ បង្ហាញពីភាពងាយស្រួល និង “បើកមាត់នាំលាភ”។
៣.ឃ្មុំចូលផ្ទះសង់សំបុក – គ្រួសាររុងរឿង ហិរញ្ញវត្ថុមានស្ថិរភាព
នៅក្នុងធម្មជាតិ ឃ្មុំគឺជាសត្វដែលឧស្សាហ៍ព្យាយាម រៀបចំបានល្អ និងមានលក្ខណៈស្ថាបនាខ្ពស់។ នៅពេលដែលសត្វឃ្មុំហើរចូលផ្ទះ ហើយចាប់ផ្តើមបង្កើតសំបុក យោងទៅតាមហុងស៊ុយ វាគឺជាសញ្ញាថាផ្ទះមានថាមពលវិជ្ជមាន ស័ក្តិសមសម្រាប់ការទាក់ទាញទ្រព្យសម្បត្តិ និងភាពរុងរឿង។ គ្រួសារដែលមានសំបុកឃ្មុំច្រើនតែត្រូវបានចាត់ទុកថាស្ថិតក្នុងសម័យរុងរឿង មានសមាជិកចុះសម្រុងគ្នា និងមានហិរញ្ញវត្ថុស្ថិរភាព។ មិនត្រឹមតែប៉ុណ្ណោះ សំបុកឃ្មុំក៏ជានិមិត្តរូបថា ក្រុមគ្រួសារអាចនឹងស្វាគមន៍សមាជិកថ្មីក្នុងពេលឆាប់ៗនេះ ដូចជាការសម្រាលកូន ឬ ស្វាគមន៍សាច់ញាតិមកជួបជុំគ្នា។
តាមគ្រូហុងស៊ុយ កន្លែងណាដែលឃ្មុំជ្រើសរើសបង្កើតសំបុកជាកន្លែងដែលមានថាមពលល្អប្រមូលផ្តុំ៖ “បើអ្នកឃើញឃ្មុំមកសង់សំបុកនៅដើមឆ្នាំ កុំបំផ្លាញវាឲ្យសោះ ចាត់ទុកថាវាជាពរជ័យពីធម្មជាតិ និងភាពចម្រុងចម្រើនកំពុងរង់ចាំក្រុមគ្រួសារអ្នក”។
៤.សត្វកង្កែបចូលផ្ទះ – សំណាងបានមកពីផែនដី ភាពរុងរឿង និងសំណាងល្អ
នៅក្នុងរឿងព្រេងនិទានសត្វកង្កែបត្រូវបានគេប្រៀបធៀបទៅនឹង “កូនប្រុសរបស់ព្រះ” ដែលជាម៉ាស្កូតតំណាងឱ្យសំណាងនិងសន្តិភាព។ ជាពិសេសប្រសិនបើព្រឹកមួយអ្នកឃើញសត្វកង្កែបលោតចូលក្នុងទីធ្លា ឬ រានហាល កុំខ្លាចអី ព្រោះបើតាមហុងស៊ុយ នេះជាសញ្ញាសំណាងណាស់។ សត្វកង្កែប ត្រូវបានគេចាត់ទុកថាជាម៉ាស្កូតដែលទាក់ទាញសំណាងជាពិសេសនៅក្នុងអាជីវកម្ម។ មានជំនឿថា បើសត្វកង្កែបចូលផ្ទះច្រើនតែនាំលុយ ការងាររលូន និងជំនួញចូលផ្ទះ ។ សត្វកង្កែបក៏ត្រូវបានគេចាត់ទុកថាជា អ្នកការពារម្ចាស់ផ្ទះពីសំណាងអាក្រក់ផងដែរ។
ទោះជាយ៉ាងណាក៏ដោយ នៅពេលដែលអ្នកជួបប្រទះសត្វកង្កែប អ្នកគួរតែឱ្យពួកវាត្រឡប់ទៅជម្រករបស់ពួកគេវិញតាមធម្មជាតិ។ ការចាប់ ឬ ដេញសត្វអាចបង្កប់ន័យថា “ដេញចេញពីសំណាង” ដែលមិនល្អសម្រាប់ម្ចាស់ផ្ទះ។ មិនថាអ្នកជឿលើហុងស៊ុយ ឬ អត់នោះទេ ការជួបសត្វពិសេសនៅពេលព្រឹក អាចនាំឱ្យយើងមានអារម្មណ៍សុវត្ថិភាព និងរីករាយក្នុងការចាប់ផ្តើមថ្ងៃថ្មី។ ពីមេអំបៅហោះចូលផ្ទះ សត្វស្លាបស្រែកយំ សំបុកឃ្មុំនៅលើរានហាល ដល់រូបភាពសត្វកង្កែបលោតស្រាលៗពេញទីធ្លា ទាំងអស់នេះអាចជា “អំណោយតូចៗ” ដែលជីវិតផ្ញើមក។ ពេលខ្លះ សុទិដ្ឋិនិយម និងជំនឿលើរឿងវិជ្ជមាន គឺជា “វត្ថុស័ក្តិសិទ្ធិ” ដ៏មានតម្លៃបំផុត ដែលជួយយើងឱ្យមានអារម្មណ៍ថាមានសុវត្ថិភាព និងស្ថិរភាពក្នុងការធ្វើដំណើរប្រចាំថ្ងៃរបស់យើង៕