យោងតាមក្បួនហោរាសាស្ត្របានទស្សន៍ទាយឱ្យដឹងថា ក្នុងឆ្នាំ ២០២៥ ខាងមុខនេះ ប្រសិនបើគូស្វាមីណាបម្រុងយកកូនក្នុងឆ្នាំថោះ អ្នកគួរគិតគូរសម្រាលឱ្យបានក្នុងម៉ោងមាសទាំង ៣ នេះ គឺពិតជាល្អខ្លាំងណាស់ កូនកើតមកនឹងនាំយកនូវពរជ័យ លាភសំណាង ទេវតាតាមថែរក្សា និងជួយចម្រុងចម្រើនដល់ឪពុកម្ដាយ រកស៊ីមានបាន កាក់កប រកលុយ សល់ទ្រព្យស្ដុកស្ដម្ភ។
១) ម៉ោងខ្លា (៣ – ៥ ព្រឹក)៖ កុមារដែលកើតក្នុងម៉ោងខ្លា គឺជាក្មេងមានគុណសម្បត្តិជាច្រើនក្នុងជីវិត។ កុមារដែលកើតនៅម៉ោងនេះច្រើនតែមានអនាគតភ្លឺស្វាង ហើយចេះស្តាប់បង្គាប់ និងរៀនពូកែ ប្រាជ្ញាឈ្លាសវៃ។ កុមារទាំងនេះជាមនុស្សដែលមានភាពឯករាជ្យ ក្នុងវ័យកុមារភាពរបស់ពួកគេ អាចមានការលំបាកខ្លះៗ ប៉ុន្តែកុមារទាំងនេះច្រើនតែមានភាពក្លាហានក្នុងការយកឈ្នះរាល់បញ្ហាទាំងពួង។
កុមារដែលកើតក្នុងម៉ោងខ្លា គឺជាក្មងដែលមានទំនួលខុសត្រូវ និងមានភាពចាស់ទុំ។ ពួកគេមានការតស៊ូ កម្លាំងប្រយុទ្ធដ៏ខ្លាំងក្លា ដូច្នេះពួកគេមានមហិច្ឆតាធំ និងបំពេញគោលដៅរបស់ពួកគេ។ ពួកគេក៏ជាក្មេងកតញ្ញូចំពោះឪពុកម្តាយខ្លាំងណាស់ដែរ។ ទារកដែលកើតក្នុងម៉ោងខ្លា ជាធម្មតាមានភាពក្លាហាន ប៉ុន្តែក៏មានការប្រយ័ត្នប្រយែងក្នុងការរកស៊ី ឬការចំណាយផងដែរ ដូច្នេះលុយកាក់រកបានឿន និងងាយប៉ុនណាក៏ដោយ ក៏មនុស្សទាំងនេះមិនចេះខ្ជះខ្ជាយទេ កម្រនឹងធ្លាក់ចូលទៅក្នុងការខាតបង់ ឬការវិនិយោគខុសណាស់។
២) ម៉ោងនាគ (៧ – ៩ព្រឹក)៖ ទារកដែលកើតនៅចន្លោះម៉ោង ៧ ព្រឹកដល់ម៉ោង ៩ព្រឹក ជាធម្មតាមានភាពរីករាយ និងសម្បូរបែប។ ក្មេងទាំងនេះធំឡើងមានលក្ខណៈលេចធ្លោដែលបង្កើតកិត្យានុភាពនៅក្នុងសហគមន៍របស់ពួកគេ។ ទារកទាំងនេះមានជោគវាសនាក្នុងការស្វែងរកបរិយាកាសការងារសមរម្យ ជារឿយៗត្រូវបានជ្រោមជ្រែងដោយអ្នកដឹកនាំ និងមនុស្សថ្លៃថ្នូរ ហើយឆាប់បញ្ជាក់ពីមុខតំណែងរបស់ពួកគេ។
កុមារដែលកើតក្នុងម៉ោងនាគច្រើនតែមានសម្បូរទ្រព្យស្ដុកស្ដម្ភ ហើយមានជំនាញគ្រប់គ្រងហិរញ្ញវត្ថុល្អ។ លើសពីនេះ ក្មេងទាំងនេះក៏ពូកែគ្រប់គ្រងលុយកាក់ និងវិនិយោគបានល្អ ដូច្នេះទ្រព្យសម្បត្តិកើនឡើងយ៉ាងឆាប់រហ័ស។ ជីវិតស្នេហាកូនកើតក្នុងម៉ោងនាគក៏រលូនល្អ។ ពេលនៅក្មេង ពួកគេត្រូវបានឪពុកម្តាយស្រឡាញ់ និងយកចិត្តទុកដាក់ ហើយពេលធំឡើង ពួកគេទទួលបានការស្រលាញ់រាប់អានពីមនុស្សជាច្រើន។ នៅពេលអនាគត បុគ្គលនេះអាចស្វែងរកដៃគូដែលសក្តិសម។ គូស្នេហ៍ចេះអធ្យាស្រ័យគ្នា យល់ចិត្តគ្នាទៅវិញទៅមក និងលើកទឹកចិត្តគ្នាទៅវិញទៅមកដើម្បីអភិវឌ្ឍជាមួយគ្នា។
៣) ម៉ោងសេះ (១១ – ១៣រសៀល)៖ ទារកដែលកើតនៅម៉ោងសេះច្រើនតែជាមនុស្សឧស្សាហ៍ព្យាយាម និងក្លាហាន។ កុមារទាំងនេះតែងមានចិត្តចេះជួយយកអាសារអ្នកដទៃ កុមារដែលកើតនៅម៉ោងនៃសេះ ក៏ជាមនុស្សដែលមានភាពច្នៃប្រឌិត និងឯករាជ្យតាំងពីក្មេងផងដែរ ហើយមិនដែលចេះនៅស្ងៀមទ្រឹងឡើយ ចូលចិត្តធ្វើដំណើរគ្រប់ទីកន្លែង។ ក្មេងដែលកើតនៅម៉ោងសេះ តែងតែមានគំនិតឆ្លាតវៃ និងពូកែខាងវោហាស័ព្ទ ដូច្នេះហើយ ទោះបីជាពួកគេមិនប្រឹងប្រែងខ្លាំងក៏ដោយ ក៏ពួកគេនៅតែអាចសម្រេចបាននូវសមិទ្ធិផលខ្ពស់។ តាំងពីក្មេងមក កុមារទាំងនេះចូលចិត្តសកម្មភាពជាក្រុម ហេតុនេះហើយពួកគេតែងតែជាសមាជិកដែលមិនអាចខ្វះបានក្នុងថ្នាក់ ហើយជារឿយៗមានគុណសម្បត្តិនៃភាពជាអ្នកដឹកនាំ។
នៅពេលធំឡើង ក្មេងទាំងនេះងាយស្រួលចុះសម្រុងទៅក្នុងបរិយាកាសផ្សេងៗគ្នា ហ៊ានបញ្ចេញមតិ ដូច្នេះគាត់ងាយស្ញប់ស្ញែងអ្នកដឹកនាំ និងអភិវឌ្ឍយ៉ាងឆាប់រហ័ស។ រាសីរបស់ទារកដែលកើតនៅម៉ោងនេះក៏ល្អដែរ។ ជារឿយៗកុមារទាំងនេះគឺជាអ្នកសេដ្ឋកិច្ចដែលមានការយល់ឃើញជាមុន ដូច្នេះពួកគេអាចធ្វើការសម្រេចចិត្តបានយ៉ាងងាយស្រួលដើម្បីណែនាំក្រុម មិនត្រឹមតែពង្រឹងខ្លួនឯងប៉ុណ្ណោះទេ ប៉ុន្តែថែមទាំងផ្តល់ថាមពលដល់មនុស្សជាច្រើនដែលជឿលើពួកគេ។ ទារកដែលកើតនៅម៉ោងសេះច្រើនតែមានជីវិតអាពាហ៍ពិពាហ៍ដ៏ល្អ និងកក់ក្ដៅ។ នៅក្នុងគ្រួសារ មនុស្សដែលកើតនៅម៉ោងសេះ តែងតែរស់នៅប្រកបដោយទំនួលខុសត្រូវ តែងតែចង់នាំមកនូវជីវិតដ៏ល្អបំផុតដល់សមាជិករបស់ខ្លួន៕