ស្ត្រីឆ្នាំទាំង ៤ មានគំនិតបញ្ញា ការរកស៊ី រួមទាំងកម្លាំង និងថាមពលខ្លាំងមិនចាញ់មនុស្សប្រុសនោះឡើយ
ស្ត្រីឆ្នាំទាំង ៤ នេះ សមត្ថភាពមិនចាញ់មនុស្សប្រុសនោះឡើយ មានថាពលខ្លាំង អំណាចធំ ដែលជួយឱ្យពួកគេក្លាយជាអ្នកមានយ៉ាងឆាប់រហ័ស។ ស្ត្រីទាំងនេះមានសមត្ថភាពវិនិយោគយ៉ាងឆ្លាតវៃ និងការវិនិច្ឆ័យក្នុងស្ថានភាពបានត្រឹមត្រូវ ដោយសារហិរញ្ញវត្ថុរបស់ពួកគេកាន់តែរឹងមាំ។
១. ស្ត្រីកើតឆ្នាំវក (ឆ្លាត និងមោះមុត) ៖ ស្ត្រីឆ្នាំស្វាជាមនុស្សដែលមានភាពក្លាហាន និងមោះមុត ស្ត្រីដែលកើតក្នុងឆ្នាំនេះ មិនរុញរានឹងការលំបាក ឬឧបសគ្គនោះឡើយ។ មនុស្សស្រីដែលកើតឆ្នាំនេះ ប្រឈមនឹងការលំបាក ពួកគេនឹងកាន់តែខ្លាំងក្លា ឆន្ទៈកាន់តែរឹងមាំឡើង។ ជាមួយនឹងសមត្ថភាពក្នុងការដោះស្រាយបញ្ហាដោយភាពបត់បែន ស្ត្រីឆ្នាំនេះតែងតែទទួលបានជោគជ័យធំក្នុងមុខជំនួញជួញដូរ។ ដោយសារតែពួកគេរកប្រាក់បានច្រើន ហើយត្រូវបានគេស្គាល់ថាជាតារាស្រីមួយដួងដែលក្លាយជាអ្នកមានលឿនបំផុត។
ដោយមានភាពរហ័សរហួន និងប៉ិនប្រសប់ដូចស្វានៅក្នុងព្រៃ ស្ត្រីឆ្នាំនេះនឹងបង្កើតទំនាក់ទំនងប្រកបដោយគុណភាពជាច្រើន។ ជាមួយនឹង "ឈាមនៃភាពជាអ្នកដឹកនាំ" ហូរតាមសរសៃ បានត្រៀមខ្លួនដើម្បីក្រោកឈរឡើង និងកសាង "អាណាចក្រ" របស់ពួកគេ។ សមត្ថភាពក្នុងការគ្រប់គ្រងលុយរបស់ស្ត្រីទាំងនេះមិនអន់នោះឡើយ មនុស្សស្រីទាំងនេះដឹងពីរបៀបវិនិយោគលុយដើម្បីបង្កើតលុយ។ ស្ត្រីឆ្នាំស្វាបានក្លាយជាអ្នកមានកាន់តែខ្លាំងឡើង ដោយមានទ្រព្យសម្បត្តិដ៏ច្រើនសន្ធឹកសន្ធាប់ដែលមនុស្សគ្រប់គ្នាកោតសរសើរ។
២. ស្ត្រីកើតឆ្នាំរកា (ក្លាហាន និងឧស្សាហ៍ព្យាយាម) ៖ កម្រមានអ្នកណាធ្វើការលំបាកដូចមនុស្សស្រីឆ្នាំរកាណាស់ គឺអាចធ្វើការទាំងយប់ទាំងថ្ងៃដោយមិនខ្លាចការនឿយហត់ឡើយ។ ស្មារតីសាទរនេះជួយពួកគេឱ្យមានតម្លៃខ្ពស់នៅក្នុងក្រុម និងត្រូវបានកត់សម្គាល់ដោយព្រះនៃទ្រព្យសម្បត្តិ។ ជាមួយនឹងរូបរាងដ៏ប្រណិត និងសុភាពរបស់នាង គ្មាននរណាម្នាក់នឹកស្មានថា ស្ត្រីឆ្នាំរកាមានភាពរឹងមាំ និងក្លាហានមិនគួរឱ្យជឿនោះទេ។ នៅកន្លែងធ្វើការគេធ្វើសកម្មភាពយ៉ាងសាហាវរហូតដល់ចប់ គ្មានអ្នកណាគិតថាអាចវាយនារីរាសីម្នាក់នេះបានឡើយ។
ថ្វីដ្បិតតែពួកគេមិនចូលចិត្តបញ្ចេញមតិក៏ដោយ ប៉ុន្តែភាពស្រស់ស្អាតដែលផុសចេញពីរូបរាង និងចំណេះដឹងបានជួយឱ្យស្ត្រីឆ្នាំនេះលេចធ្លោគ្រប់ទីកន្លែង។ ដើមឡើយជាមនុស្សស្រីដែលមានជោគវាសនាដ៏ថ្លៃថ្នូ ស្ត្រីឆ្នាំមាន់បានទទួលជំនួយពីមនុស្សជាច្រើនក្នុងដំណើររបស់នាងដើម្បីអភិវឌ្ឍខ្លួន និងក្លាយជាអ្នកមាន ដូច្នេះហើយនាងតែងតែមានសំណាង ហើយជំនួញបានប្រព្រឹត្តទៅដោយរលូន ជួយឱ្យនាងក្លាយជាអ្នកមានយ៉ាងឆាប់រហ័ស។ មនុស្សឆ្នាំមាន់មានសារៈសំខាន់ខ្លាំងចំពោះហិរញ្ញវត្ថុ និងខិតខំរកលុយដើម្បីក្លាយជាអ្នកមាន។ ទេវតាមិនខកបំណងឡើយ ស្ត្រីជាច្រើនកើតឆ្នាំរកា ក្លាយជាអ្នកមានក្នុងមួយរំពេច។ ជីវិតពោរពេញដោយបរិបូរណ៍ធ្វើឱ្យមនុស្សគ្រប់គ្នាច្រណែន។
៣. ស្ត្រីកើតឆ្នាំម្សាញ់ (ឆ្លាត និងស៊ីជម្រៅ) ៖ ស្ត្រីឆ្នាំពស់ ជាមនុស្សដែលពូកែលាក់អារម្មណ៍ណាស់ គ្មានអ្នកណាអាចដឹងពីជម្រៅចិត្តនាងបានឡើយ។ ស្ត្រីទាំងនេះមានជំនាញក្នុងការដោះស្រាយបញ្ហាគ្រួសារ ហើយទំនាក់ទំនងជាមួយគ្រួសាររបស់ស្វាមីនាងតែងតែរក្សាបាននូវភាពសុខដុមរមនា។ មនុស្សស្រីឆ្នាំនេះ ពូកែទាំងការងាររកលុយ ពូកែទាំងការងារផ្ទះ ពួកគេតែងតែកាន់តំណែងខ្ពស់នៅកន្លែងធ្វើការ។ ការចម្រើនវ័យការងារនាំមកនូវប្រភពចំណូលដ៏ច្រើន ហើយសមត្ថភាពរកចំណូលរបស់ស្ត្រីដែលកើតឆ្នាំម្សាញ់ មិនចាញ់នរណាឡើយ។
ស្ត្រីដែលកើតឆ្នាំពស់ច្រើនតែពិចារណាបញ្ហានេះដោយប្រុងប្រយ័ត្ន ហើយមានតែការសម្រេចចិត្តនៅពេលពួកគេប្រាកដ។ ដូច្នេះនៅពេលដែលពួកគេវិនិយោគដើមទុនក្នុងគម្រោងណាមួយ ពួកគេប្រាកដជាទទួលបានប្រាក់យ៉ាងច្រើន។ ស្ត្រីកើតឆ្នាំម្សាញ់ មួយជីវិតនេះមិនចេះខ្វះខាតលុយកាក់នោះឡើយ កាន់តែចាស់ សល់ទ្រព្យលុយកាក់កាន់តែស្ដុកស្ដម្ភ។
៤. ស្ត្រីកើតឆ្នាំកុរ (សុទិដ្ឋិនិយម និងស្វាហាប់) ៖ មនុស្សស្រីឆ្នាំនេះជាភស្តុតាងបញ្ជាក់ថា អ្នកមានសុទិដ្ឋិនិយមច្រើនចំពោះជីវិត នោះអ្នកនឹងមានសំណាងកាន់តែខ្លាំង។ ដោយមានគុណសម្បត្តិដ៏ល្អវិសេស ស្ត្រីឆ្នាំនេះច្រើនតែបានប្ដីល្អ បានគូជីវិតដ៏គាប់ចិត្ត។ ជីវិតអាពាហ៍ពិពាហ៍របស់ពួកគេពោរពេញទៅដោយសុភមង្គល និងភាពកក់ក្ដៅ។
បុរាណបានពោលថា «ស្ត្រីដែលកើតឆ្នាំជ្រូកនឹងបានលាភសំណាង ហើយត្រូវបានគេគោរពគ្រប់ៗគ្នា» ។ ស្ត្រីទាំងនេះមិនត្រឹមតែត្រូវបានពេញចិត្តដោយព្រះនៃទ្រព្យសម្បត្តិប៉ុណ្ណោះទេ ប៉ុន្តែក៏មានសំណាងផងដែរដែលបើកទ្វារទៅរកទ្រព្យសម្បត្តិសម្រាប់គ្រួសារទាំងមូល។ ពួកគេធ្វើអ្វីគ្រប់យ៉ាងដោយរលូន រកលុយបានលឿន និងមានសមត្ថភាពលឿនបំផុតដើម្បីក្លាយជាអ្នកមាន។ សូម្បីតែនៅពេលប្រឈមមុខនឹងការលំបាកផ្នែកហិរញ្ញវត្ថុក៏ដោយ ស្ត្រីឆ្នាំនេះនៅតែដោះស្រាយវាយ៉ាងឆាប់រហ័ស នេះគឺជាស្មារតីសុទិដ្ឋិនិយម និងថាមវន្ត ដែលបានជួយពួកគេមើលឃើញទិសដៅថ្មីៗជាច្រើនសម្រាប់ខ្លួនគេ និងស្វែងរកគំនិតល្អៗ៕
ព័ត៌មានថ្មីៗ
