ការជ្រើសរើសផ្លែឈើសែនរៀងរាល់ថ្ងៃសីល ក៏ត្រូវមើលឱ្យល្អិតល្អន់ដែរ ដើម្បីទទយលបានលាភសំណាង និងកើនទ្រព្យ សុខសប្បាយ។ យ៉ាងណាមិញ ផ្លែឈើទាំង ៥ មុខនេះ បើអ្នកសែន នឹងកើនលាភកើនទ្រព្យ សុខសប្បាយ សំណាងល្អ ជីវិតរឹតតែស្រស់ថ្លា។
១. ផ្លែប៉ែស
ផ្លែប៉ែស តំណាងឱ្យភាពជាប់បានយូរ និងអមតៈ។ ជាងនេះទៅទៀត វាក៏តំណាងឱ្យសំណាង និងវឌ្ឍនភាពផងដែរ ដូច្នេះហើយ ក្រុមគ្រួសារជាច្រើននឹងយកផ្លែប៉ែសនៅលើអាសនៈរបស់ទេវតាសំណាង ដើម្បីបួងសួងសុំទ្រព្យសម្បត្តិយូរអង្វែង។
២. ផ្លែប៉ោម
នៅក្នុងក្បួនហុងស៊ុយ ផ្លែប៉ោមតំណាងឱ្យសន្តិភាព និងភាពសុខដុមរមនា។ មនុស្សក៏ចូលចិត្តផ្លែឈើនេះដែរ ព្រោះវាច្រើនតែមានពណ៌ក្រហម និងនាំសំណាងល្អ ដូច្នេះ ផ្លែឈើនេះល្អបំផុតសម្រាប់សែនក្នុងថ្ងៃសីល។
៣. ទំពាំងបាយជូ
ទំពាំងបាយជូ ក៏ជាផ្លែឈើដែលពេញនិយមផងដែរ ដែលមនុស្សជាច្រើន តែងតែដាក់សែន។ ផ្លែឈើនេះតំណាងឱ្យភាពជោគជ័យ ភាពសម្បូរបែបនៃសម្ភារៈ។ មិនត្រឹមតែប៉ុណ្ណោះ ទំពាំងបាយជូ ក៏ជានិមិត្តសញ្ញាហុងស៊ុយ ដែលជួយដោះស្រាយបញ្ហានៅក្នុងក្រុមគ្រួសារផងដែរ។
៤. ម្នាស់
ម្នាស់នៅក្នុងភាសាចិនត្រូវបានបញ្ចេញសំឡេងដូចជា “សំណាងល្អរបស់អ្នក”។ ដូច្នេះហើយ វាក្លាយជានិមិត្តសញ្ញាហុងស៊ុយតំណាងឱ្យទ្រព្យសម្បត្តិ និងលាភសំណាង។ ពេលរើផ្ទះ នេះក៏ជាប្រភេទផ្លែឈើដែលម្ចាស់ផ្ទះត្រូវរៀបចំដាក់តាំងនៅលើអាសនៈ។
៥. ផ្លែប័រ
ផ្លែប័រមានរសជាតិផ្អែម ការសែនផ្លែឈើនេះ នឹងជួយឱ្យការងាររលូន។ ដូច្នេះហើយ ផ្លែឈើនេះក៏ត្រូវបានគ្រួសារជាច្រើនជ្រើសរើស ដើម្បីសែននៅលើអាសនៈ ដើម្បីបួងសួងសុំលាភសំណាងផងដែរ៕
(អត្ថបទនេះគឺសម្រាប់ជាឯកសារយោងតែប៉ុណ្ណោះ)