ជូកឺលៀង ត្រូវបានមនុស្សសម័យមុនចាត់ទុកគាត់ថាជា “នាគដេក” និងមានអ្នកខ្លះទៀត ហៅគេថា “ជាមនុស្សទេព” ដោយសារតគាត់ចេះសព្វរឿង មិនថាតែក្បួនសឹក យុទ្ធសាស្ត្រ ការដឹកនាំ និងការប្រើមនុស្ស ។ល។
ដោយហេតុនេះហើយ ទើបបានជាកេរ្ដិ៍របស់គាត់ល្បីសុះសាយមិនចេះរីងស្ងួន និងមនុស្សជាជំនាន់ក្រោយៗមកទៀត បានយកទស្សនៈ គំនិត និងពាក្យសម្តីជាច្រើនរបស់គាត់មកសិក្សាបន្ថែមជាចំណេះដឹង។
ថ្ងៃនេះផងដែរ យើងនឹងលើកយកទស្សនៈរបស់ ខុងមិញ (ជូកឺលៀង) ១០ ឃ្លា មកចែកជូនដល់ប្រិយមិត្តអ្នកអាន៖
១. «ចាញ់ហើយ នៅតែមិនជ្រួលច្របល់ ទទួលរងនូវការប្រមាថហើយ ក៏នៅតែត្រជាក់ដូចទឹក មនុស្សបែបនេះ ទើបគួរឱ្យខ្លាច» ។
២. «ធ្វើឱ្យកម្លាំងយើងកាន់តែខ្លាំង ទើបគេគោរពដល់យើង» ។
៣. «ចូលបម្រើរាជការ គឺដើម្បីបម្រើព្រះមហាក្សត្រ និងរាស្ត្រ មិនមែនដើម្បីបម្រើបក្សពួកនិយមទេ» ។
៤. «អ្វីដែលខ្ញុំធ្វើ គឺខ្ញុំបានធ្វើអស់ហើយ នៅរង់ចាំតែព្រហ្មលិខិតប៉ុណ្ណោះ» ៕
៥. «បើមិនអាចរកម្ចាស់ល្អឱ្យខ្លួនឯងបាន ខ្ញុំសុខចិត្តធ្វើជាម្ចាស់ឱ្យខ្លួនឯង» ។
៦. «ចោរក្បត់ គឺមិនអាចលើកលែងបាន រាជវង្សត្រូវតែលើកស្ទួយ» ។
៧. «ម្ចាស់ឆ្លាត ត្រូវពឹងលើប្រជារាស្ត្រ តែក៏មិនអាចយករាស្ត្រធ្វើជាបន្ទុកដែរ ព្រោះថាមិនត្រឹមតែនាំទុក្ខដល់រាស្ត្រទេ ក៏នាំទុក្ខដល់ខ្លួនឯងថែមទៀត» ។
៨. «រាល់កិច្ចការធំទាំងឡាយ ត្រូវពឹងលើឱកាស» ។
៩. «កិច្ចការធំទាំងម្បាលម៉ាន គឺសុទ្ធតែចាប់ផ្តើមនៅពេលដែលយើងទាល់ច្រកទាំងអស់» ។
១០. «ឆាប់ចាកចេញពីកន្លែងដែលគ្រោះថ្នាក់ ទើបជាមធ្យោបាយដែលល្អបំផុត» ។