មនុស្សឆ្នាំច ត្រូវបានគេដឹងថា ជាមនុស្សដែលមានការខិតខំប្រឹងប្រែងអស់ពីសមត្ថភាព និងយកចិត្តទុកដាក់ខ្លាំង ចំពោះកិច្ចការងារដែលខ្លួនបានធ្វើ ហើយក៏ជាមនុស្សដែលមានទំនួលខុសត្រូវខ្ពស់ចំពោះតួនាទី និងកាតព្វកិច្ចរបស់ខ្លួនផងដែរ។ លើសពីនេះ មនុស្សឆ្នាំច ក៏ជាមនុស្សដែលមានក្រិត្យក្រម ច្បាប់វិន័យខ្លាំង ស្រឡាញ់យុត្តិធម៌។
យ៉ាងណាមិញ មនុស្សនេះ ក៏ងាយនឹងប្រតិកម្មចំពោះរឿងដែលកើតឡើងផងដែរ ឆាប់ខឹង ក៏ឆាប់បាត់ ប៉ុន្តែបើស្អប់ហើយនោះ មិនងាយបំភ្លេច ក៏មិនងាយនឹងលើកលែងដែរ។ បន្ថែមពីលើ មនុស្សឆ្នាំច ក៏មានចរិតរឹងរូសមានះ ប្រកាន់ខ្ជាប់នូវគំនិតខ្លួន មិនងាយជឿអ្នកណាផ្ដេសផ្ដាសឡើយ តែបើគេទុកចិត្តអ្នកណាហើយ គឺស្មោះត្រង់ មិនលាក់បាំងអ្វីទាំងអស់។
យោងតាមក្បួនទស្សន៍ទាយរបស់ចិនសែ បានឱ្យដឹងថា មនុស្សឆ្នាំច នឹងមានរាសីល្អប្រសើរ យីអ៊ុនឡើង ក៏អាចនឹងក្លាយជាអ្នកមានចាប់ពីអាយុ ៣៥ ឆ្នាំឡើងទៅ។
១. ស្នេហា
ពួកគេជាមនុស្សមានទំនាក់ទំនងជាប់លាប់ ស្រឡាញ់អ្នកណាហើយ គឺស្រឡាញ់ស្មោះ មិនបោះបង់ ក៏មិនកល្បត់ចិត្តដៃគូជាដាច់ខាត តែបើត្រូវបរាជ័យក្នុងរឿងជីវិតគូ ឈានដល់ការបែកបាក់ ឬលះលែង គឺមានតែនៅម្នាក់ឯងតែប៉ុណ្ណោះ មិនយកជាថ្មីដោយងាយៗឡើយ។
២. ទ្រព្យសម្បត្តិ
សំណាងលុយកាក់សម្រាប់អ្នកឆ្នាំ ច ផ្លាស់ប្តូរពីអាក្រក់ទៅល្អនៅវ័យកណ្តាលឡើង។ កាលពីក្មេងគេមានមហិច្ឆិតា តែមិនមានបានងាយទេ លុះដល់ក្រោយវ័យ ៥០ ប្លាយ ទ្រព្យដែលគេមាន ផ្ទះសម្បែង ដីធ្លីនឹងត្រូវប៉ាន់ ឬសម្ភារៈដែលមិនធ្លាប់ឱបក្រសោបឱ្យតម្លៃ ក៏ចាប់ផ្តើមហុចជាផល ផ្តល់ជាកេរ៍្តមរតស្ដុកស្ដម្ភ។
៣. សុខភាព
ពួកគេអាចទទួលរងជំងឺពីការគេងមិនលក់ ឬការគេងមិនបានគ្រប់គ្រាន់តាំងពីក្មេងៗ និងរ៉ាំរ៉ៃអស់រយៈពេលជាយូរ ដែលនឹងមិនត្រឹមតែពន្យារវឌ្ឍនភាពការងារប៉ុណ្ណោះទេ ប៉ុន្តែថែមទាំងធ្វើឱ្យខូចសុខភាពទៀតផង។ ពួកគេត្រូវបានគេណែនាំឱ្យងូតទឹកក្តៅមុនពេលចូលគេង ហើយបិទកុំព្យូទ័រ និងទូរសព្ទផងដែរ។
៤. អាជីព
មនុស្សកើតនៅឆ្នាំ ច នឹងដើរដោយរលូននៅក្នុងអាជីពរបស់ពួកគេក្រោយវ័យ ៤០ ឆ្នាំ។ ពួកគេព្យាយាមអស់ពីសមត្ថភាព ដើម្បីធ្វើអ្វីដែលពួកគេចង់ធ្វើមិនថាពួកគេជួបប្រទះការលំបាកប៉ុន្មានទេ។ ប្រសិនបើពួកគេត្រូវបានចូលរួមនៅក្នុងការងារដែលទាមទារការអត់ធ្មត់ អាចនាំសក្តានុពលរបស់ពួកគេទទួលបានការជឿទុកចិត្តពីអ្នកដឹកនាំ។ លើសពីនេះទៀត ពួកគេសក្តិសមបំផុត សម្រាប់ការចាប់ផ្តើមអាជីវកម្មដោយខ្លួនឯង ព្រោះពួកគេអាចឆ្លងកាត់បាននូវដំណាក់កាលលំបាកៗដោយងាយ។
៥. ហុងស៊ុយ
ឆ្នាំ ច នៅក្នុងប្រតិទិនចន្ទគតិ មានលេខសំណាង ២, ៣, ៧, ៨ ចំណែកពណ៌នាំលាភសក្ការគឺ ក្រហម ខ្មៅ និងខៀវ។ គួររករូបទន្សាយ ឬកណ្តុរមកដាក់តាំងបង្កើនថាមពលវិជ្ជមាននៅទីដំណេក ជាការល្អ ចៀសបាននូវជំងឺថ្កាត់នានា៕
ប្រភព ៖ បរទេស / Knongsrok