បញ្ហាមួយចំនួនដែលធ្វើអោយអ្នកផោមញឹកជាងមនុស្សទូទៅ

ផោមគឺជារឿងធម្មជាតិ តែប្រសិនបើអ្នកឃើញថាខ្លួនឯងផោមច្រើនជាងធម្មតា ជាពិសេសប្រសិនបើអ្នកកំពុងជួបប្រទះនូវរោគសញ្ញាមួយចំនួនដូចជា មានការឈឺចាប់ រាគ ឬទល់លាមកផងដែរនោះ វាអាចជាសញ្ញាថាសុខភាពរបស់អ្នកគឺមានអ្វីបញ្ហាហើយ ដោយវាអាចបណ្តាលមកពីញុំារបបអាហារខុស ឬ មានបញ្ហាសុខភាពផ្សេងទៀតដែលអ្នកមិនដឹងខ្លួន។
ខាងក្រោមនេះជាមូលហេតុ ៧ យ៉ាងដែលបង្កអោយមានការផោមញឹកញាប់!

១.បរិភោគអាហារដែលបង្កឧស្ម័នក្នុងក្រពះពោះវៀន
អាហារដែលសម្បូរទៅដោយកាបូអ៊ីដ្រាតដែលមានជាតិ fermentable គឺមិនត្រូវបានរំលាយនៅក្នុងពោះវៀនតូចនោះទេ ហើយនៅពេលដែលពួកវាចូលទៅក្នុងពោះវៀនធំ ពួកគេត្រូវបានបំបែកដោយបាក់តេរីដែលបង្កើតបានជាឧស្ម័ន រហូតធ្វើអោយហើមពោះ។ ដោយអាហារទាំងនោះរួមមានដូចជា៖
– សណ្តែក
– បន្លែដូចជា ផ្កាខាត់ណា និងស្ពៃក្តោប
– ផលិតផលទឹកដោះគោ
– ផ្លែឈើមួយចំនួន (ដូចជាផ្លែប៉ោម និងផ្លែប៉ែស)

២.ជម្ងឺរលាកពោះវៀនធំ (IBS)
IBS គឺជាជំងឺក្រពះពោះវៀនរ៉ាំរ៉ៃដែលជះឥទ្ធិពលជាចម្បងទៅលើពោះវៀនធំ។ ហើយអ្នកដែលមានជំងឺក្រពះពោះវៀនរ៉ាំរ៉ៃ គឺច្រើនតែមានការឈឺចាប់នៅតំបន់ពោះយ៉ាងហោចណាស់ម្តងក្នុងមួយសប្តាហ៍។ ដោយរោគសញ្ញាជំងឺក្រពះពោះវៀនរ៉ាំរ៉ៃ (IBS) រួមមានដូចជា៖
– ឈឺពោះ
– ហើមពោះ
– រមួលក្រពើ
– ហើមពោះ
– រាគ
– ការទល់លាមក។

៣.ការរីកធំនៃបាក់តេរីក្នុងពោះវៀនតូច (SIBO)
SIBO គឺអាការៈមួយនៅពេលដែលមានបរិមាណបាក់តេរីច្រើនពេកនៅក្នុងពោះវៀនតូចរបស់អ្នក ដែលបំផ្លាញតុល្យភាពនៃពោះវៀនរបស់អ្នក។ ជាធម្មតាពោះវៀនធំមានបាក់តេរីច្រើនជាងពោះវៀនតូច ប៉ុន្តែនៅពេលដែលតុល្យភាពនេះផ្លាស់ប្តូរ លទ្ធផលអាចជាការផលិតឧស្ម័ននៅក្នុងពោះច្រើនពេក និងហើមពោះ។ រោគសញ្ញា SIBO ផ្សេងទៀតរួមមានដូចជា៖
– ឈឺពោះ
– ការទល់លាមក
– រាគ
– អស់កម្លាំង
– ការរំលាយអាហារ
– ចង្អោរ
– ហើមពោះ
– ស្រកទម្ងន់ខុសពីធម្មតា។

៤.ទល់លាមក
ការទល់លាមកបណ្តាលមកពីចលនាពោះវៀនដំណើរការតិចជាងបីដងក្នុងមួយសប្តាហ៍។ ហើយការទល់លាមកអាចមានលក្ខណៈយូរៗម្តងប៉ុណ្ណោះ ប៉ុន្តែប្រសិនបើវាមានរយៈពេលបីខែ ឬច្រើនជាងនេះ វាត្រូវបានគេចាត់ទុកថាជាការទល់លាមករ៉ាំរ៉ៃ។ នៅពេលដែលលាមកផ្លាស់ទីកាន់តែយឺត រួមជាមួយនឹងលាមកកើនឡើងនៅក្នុងពោះវៀនធំ ឧស្ម័ននៅក្នុងពោះក៏កើនឡើងទៅតាមនោះដែរ ដែលជាហេតុបណ្តាលឱ្យហើមពោះ រមួលក្រពើ និងផោមញឹកខុសពីធម្មតា៕

ប្រែសម្រួល៖ ក្នុងស្រុក | ប្រភព៖ បរទេស