បើតាមអ្នកជំនាញផ្នែកហោរាសាស្រ្តបានធ្វើការប្រមើលមើលឃើញថា អ្នកកើតឆ្នាំទាំង ៣ ដូចបង្ហាញខាងក្រោម នឹងមានរាសីឡើងខ្ពស់ត្រដែត ហើយគុណកាន់តែខ្ពស់ពីមួយខែទៅមួយ រាប់ចាប់ពីខែក្រោយ កក្កដា សីហា និងកញ្ញា៖
អ្នកកើតឆ្នាំខាល – ខ្លា
ជាមនុស្សមានភាពឈ្លាសវៃ មានទេពកោសល្យ រហ័សរហួនគ្រប់ដំណើរសកម្មភាពក្នុងជីវិត។ មនុស្សនេះចេះបត់បែន និងអាចសម្របខ្លួនទៅគ្រប់ស្ថានភាពទាំងឡាយ ដែលជួបប្រទះ ហើយបើជាស្រ្តីវិញ គឺជាស្រ្តីខ្លាំងតាំងពីធម្មជាតិ។
បើអ្នកអាយុស្រករ ២០ ដល់ខែថ្មីទាំង ៣ ខាងមុខ គឺរាងចាស់ទុំបន្តិចហើយ រួចជួនពេលសំណាងគុណចូលមកដល់ផង ក៏នាំឲ្យជីវិតពួកគេដូចទទួលបានរង្វាន់ធំប្រចាំឆ្នាំ ដែលនឹកស្មានមិនដល់។ អ្នកនឹងសង្កេតឃើញការផ្លាស់ប្តូរវិជ្ជមាន ដែលកាលពីដើមឆ្នាំមិនធ្លាប់ជួបឡើយ ដូចគ្នាទៅនឹងមនុស្សរាងចំណាស់បន្តិច ក៏ទទួលបានសុខភាពល្អ សុភមង្គលផ្លូវចិត្ត ហើយលុយកាក់ក៏ហូរចូលមកឥតដែនកំណត់ នាចន្លោះនេះ។
អ្នកកើតឆ្នាំជូត – កណ្តុរ
ជាមនុស្សមានសមត្ថភាពពីកំណើត ពូកែខាងបង្កើតទំនាក់ទំនង ហើយពូកែខាងយកអាសាអ្នកដទៃខ្លាំងណាស់។ ចំពោះការទាក់ទង រាប់អានមនុស្ស ម្ចាស់ឆ្នាំជូតស្មោះត្រង់ នឹងគេណាស់ មិនធ្លាប់គិតធ្វើបាបនរណាឡើយ ណាស់តែអ្នកដទៃមកជាន់ពន្លិចគេ។
តែយ៉ាងណារតនៈនៃបុណ្យ ដូចមានទេវតាឧបត្ថម្ភលាភពីឋានលើ នាំឲ្យអ្នកទទួលបានឱកាសរកលុយ រកចំណូលហូរចូលច្រើន ក្នុងកំឡុងពេល ៣ ខែបន្ទាប់។ ចាំទៅមើលចុះ ចូលខែកក្កដាភ្លាម ហាក់ដូចមានពន្លឺអ្វីបើកភ្នែក នាំឲ្យមើលឃើញតែភាពសប្បាយរីករាយ រួចថែមទាំងអាចយកឈ្នះអស់បញ្ហានៅចំពោះមុខ។
អ្នកកើតឆ្នាំមមែ – ពពែ
ជាមនុស្សមានចិត្តសប្បុរសតាំងតែពីកំណើត ហើយចេះគិតគូរយ៉ាងល្អិតល្អន់។ ចំណុចលេចធ្លោរបស់ម្ចាស់ឆ្នាំពពែ គឺចិត្តរបស់គេ ប្រៀបដូចជាព្រះ ព្រោះចូលចិត្តធ្វើល្អ ចូលចិត្តសន្សំបុណ្យខ្លាំងណាស់។
ដោយសារគុណនៃអំពើទាំងឡាយដែលបានសាង ដ្បិតបើមិនធ្លាប់គិតថាចង់បានផលតបស្នងត្រលប់មកវិញ តែផលនៃអំពើទាំងនោះ ក៏នៅតែហូរចូល។ ដូចមានមាត់ទិព្វ ព្រោះចង់បានអ្វី ឃ្លានអ្វី ក៏នឹងបានរបស់នោះ បានអំណោយចូលមកដល់ផ្ទះឥតល្ហែ។
ខ្សែជីវិត កំឡុងពេល ៣ ខែបន្ទាប់ សម្រាប់អ្នកកើតឆ្នាំមមែ ក៏ល្មមនឹងឲ្យមនុស្សក្បែរខ្លួនច្រណែនផងដែរ ព្រោះវាជាមហាសំណាងធំពេក សឹងតែរករឿងលំបាកមិនឃើញក្នុងជីវិត៕
ប្រភព៖ បរទេស | ប្រែសម្រួល៖ ក្នុងស្រុក