បន្ថែមពីលើថ្ងៃខែឆ្នាំកំណើត ចាស់បុរាណពោលថា ការមើលលក្ខណៈសម្គាល់នៅលើផ្ទៃមុខ និងដងខ្លួន ក៏អាចធ្វើការទស្សន៍ទាយអំពីជោគវាសនា និងជីវិតរបស់មនុស្សបានយ៉ាងងាយ។ ជាពិសេស ការមើលខ្សែបាតដៃ ក៏ត្រូវបានមនុស្សជាច្រើនសិក្សា នឹងស្វែងយល់ផងដែរ។ តោះចូលមើលទាំងអស់គ្នា តើអ្នកមានដែរឬទេ?
១. ដៃមានសរសៃទេវភាព៖ យោងទៅតាមនរវិទ្យា មនុស្សដែលមាន “សរសៃទេវៈ” ច្រើនតែកើតមកមានលេខសំណាងច្រើន មានភាពវៃឆ្លាត ទេពកោសល្យ មិនថាតែ បុរសឬស្ត្រីទេគឺតែងតែមានទ្រព្យសម្បត្តិហូរហៀរ។ ការរស់នៅក្នុងជីវិតមនុស្សមានចរិតបែបនេះទាក់ទាញសំណាងច្រើន មានមនុស្សថ្លៃថ្នូរជួយជ្រោមជ្រែង និងទទួលបានជំនួយច្រើនដើម្បីអភិវឌ្ឍអាជីពការងារ។
បុគ្គលនេះកាលណាមានវ័យកាន់តែចាស់ អាជីវកម្មកាន់តែរីកចម្រើន លុយកាក់ក៏សម្បូរហូរហៀរ មានជីវភាពធូរធារ និងគ្រួសារពោរពេញដោយសុភមង្គល។ ម្យ៉ាងទៀត បើធ្វើជំនួញដោយសេរីវិញ ងាយក្លាយជាអ្នកមាននៅអាយុ ៤០ ឆ្នាំ ប៉ុន្តែត្រូវចេះធ្វើអំពើល្អ សន្សំគុណធម៌ និងចែករំលែកទ្រព្យសម្បត្តិ ធ្វើបុណ្យដាក់ទាន។
២. ដៃមានលំនាំឆ្កាង(ក្រោមម្រាមដៃពាក់ចិញ្ចៀន)៖ យោងទៅតាមនរវិទ្យា លំនាំឆ្កាងក្រោមបាតដៃត្រូវបានចាត់ទុកថា ជាស្នាមម្រាមដៃនាំសំណាង មានអ្នកគាំទ្រខ្លាំង រាល់ការលំបាកអាចជំនះបានគ្រប់ពេល។ ជាពិសេស អ្នកដែលមានលំនាំឆ្កាងនៅក្រោមម្រាមដៃចិញ្ចៀន នោះកាន់តែមានភាពអស្ចារ្យ មានភាពទាក់ទាញទ្រព្យសម្បត្តិច្រើន។
ក្នុងជីវិតមនុស្សមានលក្ខណៈបែបនេះ ទទួលបានជំនួយច្រើន ធ្វើអ្វីៗក៏ងាយស្រួលដែរ ហើយបើចេះព្យាយាម នោះអាចសាងជីវិតដ៏វិសេស និងទទួលបានជោគជ័យ។ ចូលដល់ដំណាក់កាលជាក់លាក់មួយ អាជីពការងារជោគជ័យមានភាពល្បីល្បាញ ទាំងស្នេហា និងលុយកាក់ តែងតែត្រូវបានមនុស្សជាច្រើនកោតសរសើរ។ ប្រសិនបើអ្នកជ្រើសរើសអាជីវកម្មត្រឹមត្រូវ និងផ្តោតលើការធ្វើអាជីវកម្មនោះ ព្យាករណ៍ថា នៅអាយុ ៣៨-៤៥ ឆ្នាំ នឹងមានទុនវិនិយោគដ៏មានតម្លៃ។
៣. ដៃមានបន្ទាប់ស្របគ្នា ៣៖ បើរកឃើញថា ដៃរបស់អ្នកបន្ទាប់ស្របគ្នាចំនួន ៣ នោះមានន័យថា អ្នកពិតជាមនុស្សមានសំណាងណាស់។ បើខ្សែទាំងបីនេះមើលឃើញច្បាស់ហើយស៊ីជម្រៅ នោះជីវិតកាន់តែមានលាភ មានទ្រព្យច្រើន និងលុយកាក់ច្រើនណាស់។
ប្រសិនបើមនុស្សដែលមានបន្ទាប់ស្របនេះហើយបានកើតក្នុងគ្រួសារក្រីក្រ ថ្ងៃណាមួយនឹងយកឈ្នះគ្រប់កាលៈទេសៈ រហូតចាប់ពីអាយុ ៣៨-៤៥ ឆ្នាំ ក៏អាចកសាងអាជីពជោគជ័យ។
ប្រភព៖ បរទេស