រឿងរៀបការ សាងគ្រួសារ អាចនិយាយបានថា ជារឿងសំខាន់ណាស់នៅក្នុងជីវិតរបស់មនុស្សស្រី ជាពិសេសគឺ ត្រូវមើល និងជ្រើសដៃគូឱ្យបានល្អ។ យ៉ាងណាមិញ មិនមែនគ្រប់ការសម្រេចចិត្តសុទ្ធតែត្រូវនោះឡើយ មនុស្សខ្លះមុនរៀបការផ្សេង ក្រោយពេលរៀបការរួច ប្រែជាមនុស្សផ្សេង នឹកស្មានមិនដល់។
តែទោះជាយ៉ាងណា មនុស្សស្រីត្រូវដឹង និងចងចាំទុក បើអ្នករៀបការប៉ះចំប្ដីប្រភេទនេះ កុំទ្រាំឱ្យសោះ ប្រញាប់ដើរចេញពីពួកគេ បើមិនដូច្នោះទេ អ្នកច្បាស់ជាត្រូវគ្រាំចិត្តស្អិតទ្រូង មួយជីវិតមិនខានឡើយ។
១. ប្តីមិនចេះគិត មិនចេះខ្វល់ខ្វាយ
ប្តីបែបនេះ ពេលស្ត្រីរៀបការជាមួយនឹងត្រូវរងទុក្ខឥតឈប់ឈរ វេទនាជាងការក្បត់ទៅទៀត។ មូលហេតុគឺដោយសារតែស្ត្រីនៅតែអាចរស់នៅក្នុងភាពផ្អែមល្ហែមនៃការកុហក។
ប៉ុន្តែចំពោះស្វាមីដែលគ្មានបេះដូង អត់ចិត្តអត់ថ្លើម មិនខ្វល់ពីសុខទុក្ខ និងការលំបាករបស់ប្រពន្ធ ជាមួយនឹងប្ដីបែបហ្នឹង មនុស្សស្រីនឹងត្រូវលំបាក ហត់នឿយតែម្នាក់ឯង រ៉ាប់រគ្រប់យ៉ាងដោយលំបាក គ្មានប្ដីមកជួយឡើយ។
ទៅធ្វើការប្ដីប្រពន្ធក៏ហត់ដូចគ្នា។ ប៉ុន្តែពេលមកដល់ផ្ទះ បុរសជាប្តីបានលើកជើងដាក់លើកៅអី រង់ចាំប្រពន្ធយកអាហារ និងទឹក ហើយសូម្បីតែកូនៗក៏មិនមើល បានត្រឹមតែស្តីបន្ទោសប្រពន្ធតែប៉ុណ្ណោះ។
ពួកគេគិតថាការងារផ្ទះជារបស់ស្ត្រី ហើយការមើលថែកូនក៏ជាការងាររបស់ស្ត្រីផងដែរ។ ពួកគេជាមនុស្សឥតប្រយោជន៍ បុរសបែបហ្នឹងគេហៅថា អាត្មានិយម គ្មានខួរគិតឡើយ។
២. ប្តីបោកប្រាស់
រឿងផ្សេងអាចលើកលែងបានដោយបុរស ប៉ុន្តែនៅពេលដែលគាត់បានក្បត់ និងលួចលាក់មានស្រីផ្សេង ផិតប្រពន្ធកូនរបស់គាត់ ហើយទៅដេកជាមួយនារីផ្សេង វាពិតជាមិនអាចអត់ឱនឱ្យបានទេ។ ស្ត្រីមិនគួររំពឹងថាប្តីរបស់នាងនឹងផ្លាស់ប្តូរទេ ឬកែខ្លួននោះឡើយ ចំពោះរឿងមួយនេះ។
សេចក្តីថ្លៃថ្នូររបស់គាត់គឺសូន្យហើយ ឋានៈជាប្តី និងឪពុកក៏បាត់ទៅដែរ។ រឿងតែមួយគត់ដែលស្ត្រីត្រូវធ្វើនៅពេលនោះ គឺការចាកចេញទៅដោយស្ងៀមស្ងាត់ ចាកចេញដោយស្ងប់ស្ងាត់ ឱ្យគាត់ទទួលនូវហេតុ និងផលរបស់ខ្លួន។
៣. បុរសខ្ជិលច្រអូស
បុរសពេលនៅលីវអាចលេងសើច មិនបានផ្តោតលើការរកស៊ី មិនផ្តោតលើការខ្វល់ខ្វាយពីអនាគត។ ប៉ុន្តែនៅពេលដែលអ្នករៀបការមានប្រពន្ធកូន អ្នកត្រូវការការការពារពីប្តីរបស់អ្នក។ បើមនុស្សប្រុសចេះតែលេងសើច ខ្ជិលច្អូស ច្បាស់ជាមនុស្សស្រីរៀបការខុសហើយ។
ក្នុងនាមជាបុរសដែលមានប្រពន្ធកូន បុរសត្រូវតែមានទំនួលខុសត្រូវលើខ្លួនឯង ធ្វើជាសសរទ្រូងឱ្យប្រពន្ធកូនទុកចិត្ត និងពឹងផ្អែកបាន។ ទោះជាយ៉ាងណាក៏ដោយ គាត់គ្រាន់តែរក្សាទម្លាប់ខ្ជះខ្ជាយរបស់គាត់ បើគ្មានឆន្ទៈរីកចម្រើនទេ គាត់ប្រាកដជាទុកឱ្យប្រពន្ធកូនរបស់គាត់រងទុក្ខអស់មួយជីវិតមិនខាន។
ម្យ៉ាងទៀតបើជួបប្តីផឹកស៊ី លេងល្បែង ឬជេរប្រមាថ ចរិតពាលាអាវ៉ាសែ ចោលម្សៀតទៀតនោះ មនុស្សស្រីរឹតតែវេទនា គ្រាំគ្រាផ្លូវចិត្ត នឿយហត់ទាំងផ្លូវកាយ បើមិនព្រមដើរចេញទេ អ្នកនឹងត្រូវរងទុក្ខវេទនាមួយនេះ ពេញមួយជីវិតហើយ៕
ប្រភព ៖ Phunutoday / Knongsrok