កំឡុងមួយសប្តាហ៍ចុងក្រោយនៃខែមិនា រាប់ពីថ្ងៃទី ២៥ រហូតដល់ដំណាច់ខែ ៣១ មិនា ជោគជតារាសីអ្នកកើតឆ្នាំ ៣ នឹងឡើងខ្ពស់ត្រដែត ដោយសម្រាប់បុគ្គលខ្លះ បរាជ័យសុខៗ ក៏ប្រែមកជាជ័យជម្នះ មិនថាតែក្នុងអាជីពការងារ និងការរកស៊ីនានា។ ទៅផ្ទៀងផ្ទាត់មើល តើមានឆ្នាំរបស់អ្នក ឬអ្នកដែលអ្នកស្គាល់ដែរឬទេ?
អ្នកកើតឆ្នាំម្សាញ់ – ពស់
ជាមនុស្សមានភាពឈ្លាសវៃពីកំណើត ចូលចិត្តភាពស្ងប់ស្ងាត់ និងចេះគិតសមហេតុសមផល។ ក្នុងជីវិតការងារក៏ដូចគ្នា មនុស្សនេះ ចេះឆក់យកឱកាសបានឆាប់រហ័ស ទើបនាំឲ្យជីវិតមិនសូវជួបការលំបាក ឬខ្សត់ទ្រព្យយូរឡើយ។
តែយ៉ាងណាតាមហោរាសាស្រ្ត ទស្សន៍ទាយពីថ្ងៃ ២៥ ដល់ ៣១ មិនា ពោលរយៈពេល ១ សប្តាហ៍ចុងក្រោយនៃទំព័រធំ ទី ៣ ប្រចាំ ឆ្នាំ ២០២៣ គឺលាភសំណាងនឹងហូរចូលដូចទឹកទន្លេ ហើយគ្រប់យ៉ាងដែលកំពុងធ្វើ នឹងដំណើរការទៅរលូន រីឯចំណូលក៏ចូលដោយគ្មានការទាក់ ពោលឧបសគ្គមកពីណាក៏នឹងរសាត់បាត់អស់ចំពោះមុខ។
អ្នកកើតឆ្នាំវក – ស្វា
២០២៣ មិនមែនជាពេលវេលាល្អប៉ុន្មានទេសម្រាប់អ្នកកើតឆ្នាំវក ព្រោះខាល ឆុងនឹងវក តែយ៉ាងណាក្នុងពេលវេលានៃគ្រោះ ក៏មានបង្កប់លាភជាបន្តបន្ទាប់ផងដែរ។ ដ្បិតឆ្លងកាត់ការលំបាកច្រើននៅប៉ុន្មានសប្តាហ៍មុន ក៏ប៉ុន្តែដោយសារមនុស្សនេះមានប្រាស្រ័យទាក់ទងល្អ ជាមួយមនុស្សជុំវិញខ្លួន នោះក៏ដូចជាឲ្យគេនាំលាភមកជូនដល់ផ្ទះ។
ពេលខាងមុខ បើអ្នកជាអ្នកបម្រើការងារនៅស្ថាប័នណាមួយ នឹងមានឱកាសឡើងបុណ្យ ឡើងងារ រីឯអ្នករកស៊ីនឹងផ្ទុះទ្រព្យ ដូចត្រូវឆ្នោតរង្វាន់ធំ នាំឲ្យកើតមានលុយកាក់ចូលផ្ទះយ៉ាងសន្ធឹកផងដែរ។
អ្នកកើតឆ្នាំមមី – សេះ
ជាមនុស្សដែលហាក់ដូចមានអ្វីមួយមកប្រាប់ ពោលអាចមើលឃើញផ្លូវឆ្ងាយទៅមុខដឹងមុន ពេលខ្លះដូចមានសញ្ញាប្រាប់ឲ្យដឹងថា គ្រោះនៅនឹងមុខ។ តែយ៉ាងណាពេលទៅមុខ អ្នកមានដឹងទេ លាភសំណាងក៏កៀកនឹងចូលមកដល់ដែរ សម្រាប់ជីវិតអ្នកកើតឆ្នាំមមី។
ហោរាសាស្រ្តនៅរយៈពេល ១ សប្តាហ៍ចុងក្រោយនៃខែមិនា ម្ចាស់ឆ្នាំសេះ នឹងបានអំណោយផល កើតប្រាក់ចំណេញ ចេញពីការវិនិយោគនានា ហើយអាចមានឱកាសពង្រីកអាជីវកម្មឲ្យកាន់តែធំជាងមុនទៀតផង។ នេះអាចចាត់ទុកជារយៈពេលសម្រាប់ឆ្នាំសេះ ដែលប្រាថ្នាចង់បានយូរណាស់មកហើយ។
ទោះជាយ៉ាងណាអ្នកកើតឆ្នាំសេះ ហាមពឹងលើសំណាងទាំងស្រុង ព្រោះជោគវាសនាពួកគេ ខំខ្លាំង ទើបបានសំណាងខ្លាំង។ ក្នុងគ្រោះដែលឆ្លងកាត់មួយរយៈមុន ឥឡូវមកបង្កប់លាភ ចូរទទួលយកវាឲ្យបានល្អផង៕
ប្រភព៖ បរទេស | ប្រែសម្រួល៖ ក្នុងស្រុក