មនុស្សប្រុសដែលកើតក្នុងឆ្នាំទាំង ៥ ខាងក្រោម តាមរូបរាងសំបកក្រៅរបស់ពួកគេមិនជាស្អាត សង្ហារ រីឯវោហារសព្ទក៏មិនសូវបាន ប៉ុន្តែរមែងមានការខិតខំប្រឹងប្រែងខ្ពស់ក្នុងជីវិត អាចនាំឲ្យគ្រួសារទទួលបានសុភមង្គលពេញលេញទៅថ្ងៃមុខ។ នារីណាដែលរកបានបុរសកើតឆ្នាំទាំងបីជាស្វាមី នោះដូចរើសបានដុំពេជ្រមួយគ្រាប់ធំ រាប់ថាសំណាងផុតលេខហើយ៖
បុរសកើតឆ្នាំឆ្លូវ – គោ
រមែងជាបុរសចូលចិត្តភាពស្ងប់ស្ងាត់ ហើយមានទំនោរទៅរកការគិតខ្ពង់ខ្ពស់ ធ្វើអ្វីមួយប្រកបដោយវិចារណញ្ញាណ។ មនុស្សនេះ ក៏ទទួលបានការគោរពស្រលាញ់ពីចាស់ទុំជុំទិសផងដែរ ក៏អរគុណនូវភាពហ្មត់ចត់ ល្អិតល្អន់របស់ពួកគេ។
សំបកក្រៅបុរសនេះ មើលទៅមិនសង្ហារឡើយ រីឯទ្រព្យពីកំណើតក៏មិនសូវមាននឹងគេដែរ ប៉ុន្តែពួកគេបានខិតខំឆ្លងកាត់ព្យុះភ្លៀងឥតឈប់ អាចបង្កើតជាដើមទ្រព្យសម្រាប់អនាគតភរិយាទៅថ្ងៃមុខ ឲ្យសោយសុខបានស្រួល។ ដូច្នេះបើនារីណា រកបានបុរសកើតឆ្នាំឆ្លូវជាគូ នោះប្រៀបដូចជាសុភមង្គលដ៏ធំមួយ។
បុរសកើតឆ្នាំរោង – នាគ
ជាមនុស្សចូលចិត្តនិយាយត្រង់ មិនចេះវៀចវេរ តែបើបានចូលដល់ជីវិតគូ មនុស្សនេះពូកែមើលទុក្ខធុរៈប្រពន្ធកូនខ្លាំងណាស់។ បើអ្នកជាភរិយា មិនចាំបាច់បារម្ភឡើយ ថាមានជនទី ៣ ចូលមកជ្រៀត ដោយបុរសកើតឆ្នាំរោង នឹងបដិសេធយ៉ាងដាច់អហង្ការមិនឲ្យរួចនោះកើតឡើងឡើយ។
បុរសកើតឆ្នាំនាគ ដឹងពីតម្លៃនៃភរិយា មិនមានចិត្តធ្វើបាបប្រពន្ធ មិនផិតក្បត់ ហើយមានផែនការណ៍ជីវិតច្បាស់លាស់ អាចជ្រោមជ្រែងឲ្យគ្រួសារទទួលបានភាពមានបាន និងរស់នៅស្រួលនៅពេលទៅមុខ។
បុរសកើតឆ្នាំខាល – ខ្លា
រមែងជាមនុស្សប្រុសមានឆន្ទៈ ឈ្លាសវៃ មានចក្ខុវិស័យវែងឆ្ងាយទៅមុខ ហើយមនុស្សនេះមិនចេះមើលងាយអ្នកដទៃ បើទោះបីខ្លួនឡើងខ្ពស់ដល់កម្រិតណាក៏ដោយ។ អាកប្បកិរិយា អត្តចរិតរបស់បុរសកើតឆ្នាំខាល រមែងទទួលបានការរាប់អាន ការគោរពស្រលាញ់ពីញាតិជិតឆ្ងាយ ទៅណាក៏ចេះឱនលំទោនដែរ។
តាមពិតទៅ មិនមែនតែចូលដល់ជីវិតគូទេ ត្រឹមពេលនៅលីវ ក៏គេជាបុរសមានទំនួលខុសត្រូវខ្ពស់ជាមួយក្រុមគ្រួសារឪពុកម្តាយតាំងតែពីដើមមក ទើបរមែងនាំឲ្យបុណ្យ ជួយចូកចែវឲ្យគេចម្រុងចម្រើនរហូតតទៅ។ បើស្រ្តីណារៀបការជាមួយបុរសឆ្នាំខាល នោះមិនបាច់បារម្ភទេ រឿងទ្រព្យ គឺដឹងតែមានចាយសប្បាយដៃឥតខ្វះ។
បុរសកើតឆ្នាំមមែ – ពពែ
មនុស្សនេះ មិនសូវចេះមាត់ក នៅជួបជុំគ្នា ក៏ហាស្តីបានតែមួយម៉ាត់ៗ បើជាមួយមនុស្សស្រីផង សឹងតែដូចសំពត់ក្នុងផ្នត់ អត់ចង់ហាមាត់នោះទេ។ មិនមែនមកពីពួកគេអៀន ឬរើសអើងអ្វីនោះទេ តែទម្លាប់គឺបែបហ្នឹង ទល់តែស្រ្តីដែលពួកគេស្រលាញ់ ទើបចេះនិយាយច្រើន បើជាមួយស្រ្តីដទៃ គឺទម្លាប់ស្ងាត់ស្ងៀមយកតែម្តង។
នារីណាបានប្រុសៗឆ្នាំមមែ ធ្វើជាគូស្នេហ៍ ដូចបានចន្ទរះខែចេត្រ ពោលនឹងកើតតែស្នាមញញឹម ភាពសប្បាយរីករាយ ដ្បិតដៃគូ ពូកែការបង្កើតទំនាក់ទំនងស៊ីជម្រៅ ផ្អែមល្ហែម ទោះសំបកក្រៅមើលទៅមិនចេះមាត់ក ក៏ពិតមែន។
បុរសកើតឆ្នាំវក – ស្វា
រូបរាងប្រុសកើតឆ្នាំវក មិនជាសង្ហារ តែក៏មិនអាក្រក់ពេកដែរ ល្មមនឹងអាចចូលចំណោមគេចុះ។ សម្បុរមិនសូវស កខ្លី កម្ពស់មិនសូវបាន តែស្រ្តីណាយកបានជាគូ រាប់ថាសំណាងផុតលេខ។ ត្រង់បុរសនេះ ពូកែរកស៊ីទុកដាក់ សន្សំសំចៃខ្ពស់ ឃើញដំរីជុះ មិនចេះជុះតាមដំំរី។
តែបើជាមួយនារីដែលពួកគេស្រលាញ់ លះបង់អ្វីក៏ព្រមដែរ ដើម្បីតែប្តូរយកស្នាមញញឹម យកក្តីសុខ ព្រះនាងជាទីស្រលាញ់ក្នុងជីវិត។
ប្រភព៖ បរទេស | ប្រែសម្រួល៖ ក្នុងស្រុក