តាមក្បួនហុងស៊ុយនិយាយថា វត្ថុទាំង ៥ យ៉ាងខាងក្រោមនេះ ប្រសិនបើអ្នកទាំងអស់គ្នានៅតែរក្សាទុកក្នុងផ្ទះ មិនត្រឹមតែបង្កឲ្យមានផលប៉ះពាល់ដល់សុខភាពសមាជិកគ្រួសារប៉ុណ្ណោះទេ ថែមមានឥទ្ធិពលខ្លាំងអាចធ្វើឲ្យខាតបង់ទ្រព្យសម្បត្តិ នឹងបាត់បង់លាភសំណាងរបស់ម្ចាស់ផ្ទះទៀតផង។
ស្បែកជើងចាស់ៗ៖ យោងតាមគំនិតបុរាណ ស្បែកជើងចាស់ៗតំណាងឱ្យភាពក្រីក្រ និងការលំបាក។ ការរក្សាទុកស្បែកជើងដែលចាស់ពេក រហែកអាចងាយធ្វើឲ្យម្ចាស់ផ្ទះខាតលុយ និងបាត់បង់លាភសំណាង។ បើនិយាយពីសុខភាព ស្បែកជើងចាស់ជាកន្លែងបង្កាត់ពូជបាក់តេរី និងផ្សិតកកកុញ ជាហេតុនាំឲ្យប៉ះពាល់ដល់សុខភាពសមាជិកគ្រួសារ។ ដូច្នេះ ត្រូវប្រាកដថា សម្អាតស្បែកជើងរបស់អ្នកឱ្យបានទៀងទាត់ ឬនៅពេលដែលមានស្បែកជើងចាស់ពេករហែក គួរបោះចោលភ្លាម។
ដើម Cactus ៖ តាមក្បួនហុងស៊ុយ ដើម Cactus មិនល្អសម្រាប់ម្ចាស់ផ្ទះឡើយ។ Cactus មានរូបរាងជាបន្លាមុនស្រួច ដែលជាសញ្ញានៃសំណាងអាក្រក់។ ដូច្នេះ ម្ចាស់ផ្ទះមិនគួរដាក់ដើមរុក្ខជាតិនេះ ក្នុងបន្ទប់គេងទេ តែបើដាក់នៅតាមយ៉រ ឬតាមសាលធំជាការល្អជាង។
គំនូរសត្វព្រៃ អាវុធ៖ តាមហុងស៊ុយ ការព្យួររូបភាពសត្វព្រៃ និងដាវ ក្នុងផ្ទះក៏ជាទ័ពដ៏អស្ចារ្យដែរ។ ប៉ុន្តែទោះយ៉ាងណាក៏ដោយ ថ្វីត្បិតតែវត្ថុទាំងនេះដាក់តាំងទៅអាចធ្វើឱ្យកន្លែងរស់នៅមានភាពលេចធ្លោមែន ប៉ុន្តែពួកវាតំណាងឱ្យប្រភពនៃចេតនាសម្លាប់យ៉ាងធ្ងន់ធ្ងរណាស់ ដែលមានឥទ្ធិពលអាចធ្វើឱ្យអ្នករស់នៅក្នុងផ្ទះឆាប់ខឹង បង្កជាជម្លោះក្នុងគ្រួសារ។
កញ្ចក់នៅមាត់ទ្វារ៖ មនុស្សជាច្រើនចូលចិត្តដាក់កញ្ចក់នៅច្រកចូល និងបន្ទប់ទទួលភ្ញៀវ ដើម្បីតុបតែង ងាយស្រួលក្នុងការស្លៀកពាក់ និងឆ្លុះនូវភាពស្រស់ស្អាតមុនពេលចេញទៅក្រៅ។ ទោះជាយ៉ាងណាក៏ដោយ តំបន់ទ្វារពិតជាកន្លែងសំខាន់ក្នុងការប្រមូលផ្តុំទ្រព្យសម្បត្តិរបស់ម្ចាស់ផ្ទះ ដូច្នេះ ប្រសិនបើអ្នកដាក់កញ្ចក់ត្រង់កន្លែងនោះ នឹងរារាំងលំហូរខ្យល់ល្អចេញពីខាងក្រៅ។
ផ្កាក្រៀមៗ៖ អ្នកខ្លះចូលចិត្តតុបតែងផ្កានៅផ្ទះ ប៉ុន្តែដោយសារការងារមមាញឹក មិនអាចមានពេលមើលថែបានគ្រប់គ្រាន់ រហូតបណ្ដាលឲ្យផ្កាមានសភាពងាប់ក្រៀមស្វិតដោយចៃដន្យ។ គួរបញ្ជាក់ថា ផ្កាក្រៀមមិនត្រឹមតែបង្កឱ្យមានការបំពុលបរិយាកាសមិនល្អប៉ុណ្ណោះទេ ថែមទាំងប៉ះពាល់ដល់ហុងស៊ុយផ្ទះផងដែរ ។
តាមក្បួនហុងស៊ុយ ផ្កាក្រៀមនឹងនាំសំណាងអាក្រក់ដល់គ្រួសារ តំណាងឱ្យថាមពលដែលនៅទ្រឹងដែលមិនល្អសម្រាប់ផ្ទះ។ លើសពីនេះ បច្ចុប្បន្ននៅលើទីផ្សារក៏មានលក់ផ្កាក្រៀមមួយចំនួនសម្រាប់តុបតែងលម្អផងដែរ ដោយសារផ្កាទាំងនេះមានភាពធន់ខ្ពស់ ពណ៌ស្រស់ស្អាត ប៉ុន្តែយោងទៅតាមការសិក្សា ពួកវាអាចដាក់បញ្ចូលដោយសារធាតុគីមីដើម្បីបង្កើតរសជាតិសិប្បនិម្មិត មានផលប៉ះពាល់ដល់សុខភាពធ្ងន់ធ្ងរ។
ប្រភព៖ បរទេស