រាប់ពាន់ឆ្នាំបានកន្លងផុតទៅហើយ ចាស់ៗបុរាណបានសង្ខេបអំពី “សិល្បៈនៃការមើលមនុស្ស” ជាច្រើន ដោយផ្តល់វិធីសាស្ត្រដល់មនុស្សជំនាន់ក្រោយ ដើម្បីឆក់យកបេះដូងមនុស្សជុំវិញខ្លួន។ តាមបុរាណកាល មនុស្សដែលមានលក្ខណៈ៣យ៉ាងខាងក្រោមនេះ គ្រាន់តែជាមនុស្សសាមញ្ញប៉ុណ្តោះ ប៉ុន្តែពួកគេ អាចធ្វើរឿងអស្ចារ្យ ទទួលបានជោគជ័យធំនៅក្នុងជីវិតទៀតផង។
១. ប្រើ “បំណងប្រាថ្នា” ដើម្បីមើលមនុស្ស
មនុស្សបុរាណបានជឿថា ធម្មជាតិពិតរបស់មនុស្ស នឹងត្រូវបានបង្ហាញនៅពេលដែលគាត់បានទាក់ទងជាមួយអ្វីដែលគាត់ពិតជាចង់បាន។
ជាឧទាហរណ៍ មនុស្សល្មោភនឹងមិនអាចទប់ទល់នឹងអាហារឆ្ងាញ់បានឡើយ មនុស្សលោភលន់ នឹងបង្ហាញការចាប់អារម្មណ៍ចំពោះមនុស្សស្អាត មនុស្សដែលស្រលាញ់លុយ នឹងបើកភ្នែករបស់គាត់នៅពេលដែលគាត់ឃើញទ្រព្យសម្បត្តិរបស់អ្នកដទៃ …។
ដូច្នេះហើយ តាមរយៈចំណូលចិត្ត និងអាកប្បកិរិយារបស់នរណាម្នាក់ ជាមួយនឹងបំណងប្រាថ្នារបស់ពួកគេ គឺពិតជាអាចកំណត់បានយ៉ាងច្បាស់ ថាគេជាមនុស្សបែបណាឱ្យពិតប្រាកដ។ តាមរយៈចំណូលចិត្ត មិនអាចលាក់បាំងពីសន្ដាន និងចរិតពិតរបស់មនុស្សបានឡើយ។
២. អាកប្បកិរិយា ការឆ្លើយតបចំពោះការយល់ឃើញរបស់អ្នកដទៃចំពោះខ្លួនគេ
ចាស់ៗពីដើមបាននិយាយបានថា ការពិត គឺសម្រាប់តែមនុស្សមួយចំនួនតែប៉ុណ្ណោះ វិស័យនីមួយៗមានគុណសម្បត្តិរៀងៗខ្លួននៃការគិតឯករាជ្យ។ ខណៈពេលដែលពិចារណា ថាតើនេះសមនឹងធ្វើឬអត់ អ្នកមិនគួរបណ្តោយឱ្យពាក្យសម្ដីរបស់អ្នកដទៃបំភាន់អ្នកនោះទេ ប៉ុន្តែត្រូវប្រើបទពិសោធន៍ និងចំណេះដឹងរបស់អ្នកដើម្បីវិភាគល្អ និងអាក្រក់មុនពេលធ្វើការសម្រេចចិត្ត។
បើគ្រាន់តែដឹង និងឮការគិតរបស់អ្នកដទៃ ងាយរងឥទ្ធិពលពីកត្តាខាងក្រៅ ទោះបីជាគំនិតខ្លួនឯងត្រឹមត្រូវក៏ដោយ ក៏អ្នកមិនហ៊ានសាកល្បងដែរ ហើយចុងក្រោយក៏បរាជ័យ និងទទួលរងការឈឺចាប់តែប៉ុណ្ណោះ។
៣. ពូកែគ្រប់គ្រងអារម្មណ៍
កំហឹង គឺជាសភាវគតិ ការគ្រប់គ្រងកំហឹង គឺជាប្រភេទនៃអំណាច។ បើក្រឡេកមើលឱ្យមែនទែន មនុស្សដែលតែងតែខឹង និយាយប្រយោគមិនគប្បី មានមូលដ្ឋានគ្មានភាពក្លាហាន ជីវិត និងការងារមិនរលូនទេ។ ហេតុផលគឺសាមញ្ញណាស់ កំហឹងចំពោះរឿងតូចតាច បង្ហាញពីភាពទន់ខ្សោយខាងក្នុង ពិបាកក្នុងការធ្វើរឿងធំណាស់។
ផ្ទុយទៅវិញ អ្នកដែលធ្វើកិច្ចការធំ កម្រខឹងណាស់ ទោះខឹងខាងក្នុងយ៉ាងណា ក៏នៅតែរក្សាភាពស្ងប់ស្ងាត់ខាងក្រៅ ទុកឱ្យអ្នកដទៃមានអារម្មណ៍ស្ងប់ និងអាចទុកចិត្តបាន។
មនុស្សដែលអាចគ្រប់គ្រងអារម្មណ៍បាន គឺតែងតែស៊ីជម្រៅ និងមិនអាចទាយទុកជាមុនបាន ធ្វើការយ៉ាងម៉ឺងម៉ាត់ មិនដើរជារង្វង់ ចេះចាប់យកឱកាសដើម្បីធ្វើសកម្មភាពយ៉ាងស្ងៀមស្ងាត់៕
ប្រភព ៖ Phunutoday / Knongsrok