តាមហោរាសាស្ត្រសម្រាប់ខែមេសាខាងមុខនេះ ប្រសិនជាផ្ទះណា មានសមាជិកកើតឆ្នាំទាំង ៤ នោះនឹងអាចទទួលបានលាភសំណាងច្រើន ហើយគ្រួសារក៏ពោរពេញទៅដោយក្តីសុខ សុខសប្បាយ ជៀសអស់រោគទាំងឡាយ មិនអាចមកបៀត៖
អ្នកកើតឆ្នាំឆ្លូវ – គោ
នៅពេញខែមេសានេះ សំណាងរបស់ម្ចាស់ឆ្នាំឆ្លូវ នឹងមានភាពចម្រុងចម្រើន ហើយបើមនុស្សនោះ ពូកែព្យាយាមអត់ធ្មត់ក្នុងជីវិតតាំងពីដើមផង នោះក៏នឹងទទួលបានភាពរីកសាយនូវផ្នែកទ្រព្យកាន់តែខ្លាំង។
ចាប់ពីថ្ងៃទី ១ ដល់ ៣០ មេសា ទេវតាទ្រព្យបានកើតឈ្មោះម្ចាស់ឆ្នាំឆ្លូវចូលក្នុងបញ្ជីម្ចាស់ទ្រព្យ ដោយរៀងរាល់ថ្ងៃថ្មី ដូចមានគេនាំរបស់ទិព្វមកដល់ផ្ទះ មានទាំងអាហារហូបចុក និងលុយកាក់ជាបន្តបន្ទាប់។
អ្នកកើតឆ្នាំរោង – នាគ
ជោគជតារាសីម្ចាស់ឆ្នាំរោង នៅខែមេសា នឹងហោះឡើងខ្ពស់ដូចខ្លែងអណ្តែតតាមខ្យល់ ហើយនឹងជម្នះអស់រាល់ឧបសគ្គទាំងឡាយក្នុងជីវិត។ និយាយពីទំនាក់ទំនងក្នុងសង្គម មនុស្សនេះនឹងទទួលបានការគោរពស្រលាញ់ ហើយក៏ជាជំនួយពីថ្នាក់លើ ពីអ្នកធំជាងខ្លួនច្រើនផងដែរ។
ចាប់ពីពេលវេលានេះទៅ ម្ចាស់ឆ្នាំរោង មិនត្រឹមតែទាញខ្លួនឯងឲ្យជោគជ័យទេ ទៀតសោតក៏នឹងទាញរាសីសមាជិកក្នុងផ្ទះក្បែរខ្លួន ឲ្យទទួលបានភាពចម្រុងចម្រើនជុំគ្នាទៀតផង។
អ្នកកើតឆ្នាំមមែ – ពពែ
លាភសំណាងធំ នឹងផ្តុំសម្រាប់ម្ចាស់ឆ្នាំមមែ នៅខែមេសា ដោយដំណឹងភ្ញាក់ផ្អើល ជារឿងល្អ នឹងចូលមកដល់សម្រាប់ពួកគេក្នុងខែនេះ។ ការស្នើ ការដាក់សំណើមួយចំនួន នឹងទទួលបានការឆ្លើយតប យល់ព្រមត្រលប់មកវិញ។
ជោគវាសនាម្ចាស់ឆ្នាំពពែ រមែងជាមនុស្សខំឥតសម្រាក ជាហេតុនាំឲ្យលុយបុកហូរដូចទឹក មិនចេះរីងស្ងួត។ នៅខែមេសាខាងមុខនេះ ពួកគេហាចង់បានអ្វី គឺបានហ្នឹង រីឯក្រុមគ្រួសារជាអ្នករួមទ្រនំតែមួយ ក៏នឹងរីករាយជាមួយគ្នាផងដែរ។
អ្នកកើតឆ្នាំរកា – មាន់
នៅថ្ងៃទី ១ ដល់ ៣០ ខែមេសា ជាថ្ងៃកើនលាភធំ មានការផ្លាស់ប្តូរវិជ្ជមានសម្រាប់ម្ចាស់ឆ្នាំរកា ដោយអ្នកប្រកបរបររកស៊ីជួញដូរ អាចចម្រើនខ្លាំង ដល់រកលុយទិញបានឡានថ្មី ផ្ទះថ្មី។ អតិថិជនក៏ពេញចិត្តនឹងការផ្តល់សេវាកម្ម នាំឲ្យមានអតិថិជនកើនឡើងច្រើនហួសពីការរំពឹងទុក។
រីឯសុខភាព កាលពីខែចាស់ រាងមានជំងឺឈឺថ្កាត់ឥឡូវក៏ទទួលបានភាពរលូន ហើយមានភាពរីករាយទាំងផ្នែកផ្លូវចិត្ត ដែលនេះជាបុណ្យគ្រប់គ្នាប្រាថ្នាចង់បាន ក្រៅតែពីទ្រព្យដែលមាន៕
ប្រភព៖ បរទេស | ប្រែសម្រួល៖ ក្នុងស្រុក