យោងតាមនរវិទ្យា បង្ហាញថា កន្លែងសំខាន់ ៤ ប្រសិនបើមានសក់ដុះពីលើច្រើនកុំប៉ះពាល់វាឲ្យសោះ ព្រោះវាជានិមិត្តរូបនៃពរជ័យដ៏បរិបូរណ៍ នាំលាភសំណាង ពោរពេញដោយទ្រព្យសម្បត្តិហូរហៀរ ការងារទទួលបានជោគជ័យគ្រប់ភារកិច្ច។
សក់ដុះលើប្រជ្រុយ៖ ការមានសក់ដុះលើប្រជ្រុយពិតជាប្រផ្នូលល្អណាស់ ដូចពាក្យចាស់ពោលថា “រោមមួយឯកា រោមបីរុងរឿង”។ ដូច្នេះបើសម្គាល់ឃើញថា សក់មួយដុះលើប្រជ្រុយ មិនបាននាំសំណាងច្រើនដល់ម្ចាស់ឡើយ។ ផ្ទុយទៅវិញ បើសក់ច្រើនដុះលើប្រជ្រុយ ជាសញ្ញានៃទ្រព្យសម្បត្តិ។ ហេតុនេះ មនុស្សដែលមានសក់លើសពី ៣ នៅលើប្រជ្រុយ ត្រូវបានគេចាត់ទុកថា ជាមនុស្សដែលមានទ្រព្យសម្បត្តិដ៏អស្ចារ្យដោយមិនបារម្ភពីការខ្វះលុយឡើយ។
សក់ដុះលើម្រាមជើង៖ យោងទៅតាមនរវិទ្យា ម្រាមជើងមានរោម គឺជាមនុស្សដែលមានថាមពលច្រើន មានសុខភាពល្អពេញលេញ។ បុគ្គលនេះត្រូវបានគេព្យាករណ៍ថា នឹងមានឆន្ទៈ មហិច្ឆតា និងគោលដៅច្បាស់លាស់ក្នុងជីវិត ហើយអ្វីដែលគេចង់បាន នឹងទទួលបានជាក់ជាមិនខាន។ ម្យ៉ាងទៀត មនុស្សដែលមានសក់ដុះលើម្រាមជើង ជាប្រភេទមនុស្សដែលមានរាសីល្អ ពូកែរកលុយ ជាមនុស្សថ្លៃថ្នូរជួយជ្រោមជ្រែង មានវិថីការងារជោគជ័យរីកចម្រើនទៅមុខឥតឈប់ឈរ ហើយលុយកាក់ក៏កើនឡើងពីមួយថ្ងៃទៅមួយថ្ងៃផងដែរ។
សក់ដុះលើក្បាលពោះ៖ យោងទៅតាមនរវិទ្យា ពោះគឺជាប្រភពដើមនៃវិញ្ញាណបរិសុទ្ធ បើមានសក់ដុះនៅទីនោះ មានន័យថា អ្នកជាមនុស្សមានសំណាងល្អខ្លាំងណាស់ ជាពិសេសនៅតំបន់ផ្ចិត ច្រើនតែមានឋានន្តរស័ក្តិស័ក្តិសិទ្ធិ មានទ្រព្យសម្បត្តិច្រើន មានជីវភាពធូរធារ។ ម្យ៉ាងទៀត អ្នកមានសក់ដុះតំបន់ពោះ តំណាងឲ្យទ្រព្យសម្បត្តិ នាំសំណាងមិនឈប់ឈរ ការងារទទួលបានជោគជ័យគ្រប់ជំហ៊ាន។
សក់ដុះនៅក្នុងត្រចៀក៖ មនុស្សដែលមានសក់ដុះនៅតំបន់ត្រចៀក ពិតជាសំណាង មានលាភនាំទ្រព្យសម្បត្តិ។ បុគ្គលដែលមានលក្ខណៈបែបនេះជាមនុស្សឆ្លាត រហ័ស និងប៉ិនប្រសប់ខ្លាំងណាស់។
ប្រភព៖ បរទេស