ប្រសិនបើអ្នករកឃើញថា អំឡុងពេលដើរ ឬ ហាត់ប្រាណ មានសញ្ញាមិនប្រក្រតីមួយចំនួនដូចខាងក្រោមនេះ បញ្ជាក់ថា សុខភាពរបស់អ្នកកំពុងមានបញ្ហាហើយ គួរតែទៅជួបគ្រូពេទ្យជាបន្ទាន់ដើម្បីទទួលបានការព្យាបាល៖
១.មានអារម្មណ៍ឈឺពោះ
ជាធម្មតា អ្នកដែលមានជំងឺក្រពះពោះវៀនមួយចំនួន នឹងមានអាការឈឺពោះ និងហើមពោះភ្លាមៗ ខណៈពេលដែលអ្នកមានចលនាពេលដើរ។ ផ្ទុយទៅវិញ ប្រសិនបើអំឡុងពេលដើរ ឬហាត់ប្រាណ អ្នកមិនមានអារម្មណ៍ឈឺពោះ នោះមានន័យថា រាងកាយរបស់អ្នកមានសុខភាពល្អទាំងស្រុង សុខភាពល្អពិតជាគួរឲ្យសរសើរ។
២.មានអារម្មណ៍ឈឺចាប់ក្នុងសន្លាក់
ថ្វីត្បិតតែការដើរគឺជាការធ្វើលំហាត់ប្រាណបែបសុភាព ប៉ុន្តែវាក៏ទាមទារឱ្យមានការសម្របសម្រួលសន្លាក់នៃរាងកាយទាំងមូលផងដែរ។ ជាពិសេសសន្លាក់ជង្គង់ និងឆ្អឹងខ្នង ប្រសិនបើអ្នកមានអារម្មណ៍ថា ឈឺសន្លាក់នៅពេលដើរ ត្រូវតែប្រយ័ត្ន ព្រោះអ្នកអាចកើតមានជំងឺសន្លាក់ហើយ។
៣.មានអារម្មណ៍វិលមុខ
ប្រសិនបើអ្នកឧស្សាហ៍វិលមុខ និងឈឺក្បាលនៅពេលដើរ អាចសន្មត់ថា សរសៃឈាមរបស់អ្នកកំពុងមានបញ្ហាហើយ ជាឧទាហរណ៍, អ្នកដែលមានជាតិខ្លាញ់ក្នុងឈាម ឬលើសសម្ពាធឈាម នឹងមានរោគសញ្ញាវិលមុខ និងឈឺក្បាលនៅពេលដើរ ព្រោះវាប៉ះពាល់ដល់ការផ្គត់ផ្គង់ឈាមទៅកាន់ខួរក្បាល។
ជាពិសេស ការឈឺក្បាល និងវិលមុខ អាចជាសញ្ញានៃជំងឺដាច់សរសៃឈាមខួរក្បាល ដោយសារសរសៃឈាមស្ទះខ្លាំង។ បន្ថែមពីលើការឈឺក្បាល និងវិលមុខ ប្រសិនបើអ្នកមានរោគសញ្ញាដូចជាស្ពឹកអវយវៈ អ្នកត្រូវប្រុងប្រយ័ត្ន និងស្វែងរកការយកចិត្តទុកដាក់ពីគ្រូពេទ្យភ្លាមៗ ដើម្បីជៀសវាងផលវិបាកធ្ងន់ធ្ងរ។
៤.មានអារម្មណ៍តឹងទ្រូង និងញ័របេះដូង
នៅពេលដើរលឿន អ្នកនឹងមានអារម្មណ៍ថាតឹងទ្រូង ដោយសារតែខ្វះឈាម និងអុកស៊ីសែនផ្គត់ផ្គង់ដល់បេះដូងទាន់ពេលវេលា។ មួយវិញទៀត ប្រសិនបើអ្នកមានរោគសញ្ញា ដូចជា ដកដង្ហើម តឹងទ្រូង ឈឺទ្រូង និងញ័របេះដូង ក៏អាចជាសញ្ញានៃជំងឺសរសៃឈាមបេះដូង។
៥.មានអារម្មណ៍នឿយហត់ និងដកដង្ហើមខ្លី
អំឡុងពេលដើរ បើអ្នកមានអារម្មណ៍ថា ដកដង្ហើមស្រួល នោះមានន័យថា សួតរបស់អ្នកដំណើរការល្អណាស់ ប៉ុន្តែប្រសិនបើអ្នកពិបាកដកដង្ហើមពេលដើរ នោះមានន័យថា សួតរបស់អ្នកមានបញ្ហា។
ដូចជា ការជក់បារីជាទៀងទាត់ ការរស់នៅក្នុងបរិយាកាសបំពុល ក៏បានកាត់បន្ថយមុខងារសួតដែរ។ ដូច្នោះ អ្នកគួរតែឈប់ជក់បារី ផឹកទឹកឲ្យបានច្រើន ញ៉ាំអាហារដែលផ្តល់សុខភាពសួតឲ្យបានច្រើនដូចជា ខ្ញី ផ្កាខាត់ណា ខ្ទឹមស និងហាត់ប្រាណ។
ប្រភព៖ បរទេស