សម្រាប់មនុស្សស្រីដែលមានលក្ខណៈទាំង ៦ យ៉ាងខាងក្រោមនេះ ជីវិតនាងពិតជាមានសំណាងខ្លាំង ទាំងរឿយលុយកាក់ សុភមង្គល គ្រួសារ ការងារ និយាយជារួមទៅ គឺបានទាំងព្រម។ តោះ! ទៅមើលទាំងអស់គ្នា បើមានតែមួយចំណុច ក៏រាប់ថាលាភមង្គលផងដែរ។
១. ស្ត្រីមានថ្ងាសខ្ពស់ និងធំទូលាយ
មិនថាប្រុស ឬស្រីទេ បើមានថ្ងាសខ្ពស់ គឺជាមនុស្សឆ្លាត មានការអប់រំខ្ពស់ និងមានទស្សនៈវែងឆ្ងាយ។ ដូច្នេះហើយ ពួកគេងាយជោគជ័យក្នុងអាជីព ហើយក៏សម្បូរលុយកាក់ផងដែរ។ សម្រាប់ស្ត្រីដែលមានថ្ងាសខ្ពស់ និងធំទូលាយ ឆ្អឹងក្បាលរឹង មានខួរក្បាលលូតលាស់ល្អ គឺជាមេទ័ពដ៏ឆ្លាតវៃ និងអនាគតមានទ្រព្យសម្បត្តិស្ដុកស្ដម្ភ។
លើសពីនេះ ពួកគេមានចិត្តសាស្ត្រ និងការគិតវែងឆ្ងាយ ឧស្សាហ៍ព្យាយាម និងល្អិតល្អន់ ដូច្នេះហើយទើបពួកគេទទួលបានការទុកចិត្តពីមនុស្សគ្រប់គ្នា ងាយឆាប់ជោគជ័យ និងមានការអភិវឌ្ឍខ្លួនឯងបានច្រើន។ ស្វាមី និងកូនក៏ទទួលបានលាភសំណាងពីស្ត្រីដែលមានថ្ងាសបែបនេះដែរ ទើបគ្រួសារមានភាពសុខសាន្ត និងសុខដុមរមនា។
២. ស្ត្រីដែលមានចិញ្ចើមស្អាត
នៅក្នុងហោរាសាស្ត្រ ស្ត្រីដែលមានចិញ្ចើមស្រស់ រលោង រោមខ្មៅវែងៗ ភ្លឺចែងចាំង ត្រូវបានចាត់ទុកថាជាបុគ្គលជោគជ័យមួយផ្នែកហើយ។ ចិញ្ចើមមុតស្រួចតែងមានភាពរុងរឿងក្នុងសំណាង។ ប្រសិនបើស្ត្រីនេះត្រូវបានគេណែនាំ និងជួយ នោះអាជីពរបស់នាងនឹងត្រូវបានលើកកម្ពស់។
ជាពិសេស បើអ្នកណាម្នាក់មានទម្រង់ចិញ្ចើមរលោង រោមតម្រឹមគ្នាយ៉ាងស្អាត ជាពិសេសមានប្រជ្រុយនៅក្នុងរោមចិញ្ចើមទៀតនោះ បុគ្គលនោះមានឧត្តមគតិជាអ្នកដឹកនាំ ឆ្លាតវៃ និងសប្បុរសថែមទៀតផង។ រោមចិញ្ចើមដុះតាមជួររៀបរយ គឺជាអ្នកការទូតដ៏ល្អ តែងតែប្រែគំនិតទៅជាសកម្មភាព ដូច្នេះហើយពួកគេងាយនឹងសម្រេចបាន។ ផ្ទុយទៅវិញ ស្ត្រីដែលមានរោមចិញ្ចើមរញ៉េរញ៉ៃ ស្ថិតក្នុងទម្រង់នៃការខ្វះគំនិតផ្តួចផ្តើម ចូលចិត្តពឹងផ្អែកលើអ្នកដទៃ និងនិស្ស័យខុសគ្នាដាច់ស្រឡះ។
៣. ស្ត្រីដែលមានថ្ពាល់ពេញ មត់រលោង
នៅក្នុងហោរាសាស្រ្ត នៅពេលដែលអ្នកក្រឡេកមើលឆ្អឹងថ្ពាល់របស់ស្ត្រី អ្នកអាចទស្សន៍ទាយបានមួយផ្នែកថា តើនេះគឺជាមនុស្សដែលមានសំណាងជាអ្នកមាន ឬក៏អត់។ នៅក្នុងសរីរវិទ្យា ឆ្អឹងថ្ពាល់តំណាងឱ្យមហិច្ឆតា ឆន្ទៈ និងសមត្ថភាពគ្រប់គ្រងរបស់មនុស្ស។ បើមនុស្សស្រីមានឆ្អឹងថ្ពាល់ពេញ ជាប្រភេទមនុស្សដែលមានឆន្ទៈមុតមាំ សមត្ថភាពដឹកនាំក្រុម មិនយូរមិនឆាប់អាចសម្រេចបាន សមិទ្ធិផលដ៏អស្ចារ្យផ្នែកលុយកាក់។
៤. ស្ត្រីដែលមានស្លាបច្រមុះក្រាស់ ខ្ទង់ច្រមុះត្រង់
ស្ត្រីដែលមានខ្ទង់ច្រមុះត្រង់ខ្ពស់ ច្រមុះបិទជិត ចុងច្រមុះមូលដែលមានការអភិវឌ្ឍយ៉ាងពិសេស និងស្លាបច្រមុះរាងធំបន្តិច នោះគឺជាប្រភេទមនុស្សដែលទទួលបានពរជ័យក្នុងជីវិតច្រើនជាង ហើយមានទ្រព្យសម្បត្តិច្រើនផងដែរ។
ស្ត្រីដែលមានលក្ខណៈញាច្រមុះប្រភេទនេះ មានចរិតទៀងត្រង់ ឧស្សាហ៍ព្យាយាម និងមានការប្រយ័ត្នប្រយែងខ្ពស់ លើសពីនេះ មនុស្សទាំងនេះក៏មានបញ្ញាខ្ពស់ជាងអ្នកដទៃ រហ័សរហួន សកម្ម មានទេពកោសល្យជាអ្នកដឹកនាំ មានចិត្តទូលាយជាមួយមិត្តភ័ក្តិ តែងតែស្មោះត្រង់ និងគួរឱ្យទុកចិត្ត។ ដូច្នេះ ពួកគេក៏មានប្រជាប្រិយភាពខ្លាំងណាស់សម្រាប់មនុស្សគ្រប់គ្នា ងាយស្រួលក្នុងការជោគជ័យក្នុងអ្វីដែលអ្នកធ្វើ។
៥. ស្ត្រីដែលមានបបូរមាត់ក្រហម
នៅក្នុងផ្នែកនរវិទ្យា ស្ត្រីដែលមានបបូរមាត់តូច ឬមធ្យម បបូរមាត់ពណ៌ផ្កាឈូកភ្លឺដូចផ្កា cherry blossom ធ្មេញគឺស្មើ និងរឹងមាំ ហើយជ្រុងនៃមាត់គឺកោងឡើងលើបន្តិច។ នៅក្នុងបុគ្គលិកលក្ខណៈ មនុស្សដែលមានសញ្ញាមាត់នេះ គឺមានភាពស្មោះត្រង់ ឆ្លាតវៃ ឧស្សាហ៍ព្យាយាម យល់ពីអ្នកដទៃ។ មាត់ប្រភេទនេះ គឺស្ដីអំពីទ្រព្យសម្បត្តិថ្នាក់កណ្តាល ដែលជាញឹកញាប់ត្រូវបានគាំទ្រដោយពួកអភិជន។
៦. ស្ត្រីដែលមានចង្កាមូល
ស្ត្រីដែលមានមុខមាត់ធំក្នុសង្គម ភាគច្រើនមានរាងចង្កាមូល ចង្កាពេញ បុគ្គលនេះមានភាពស្ងប់ស្ងាត់ ចិត្តល្អ មានចិត្តទូលាយ ពូកែគ្រប់រឿង ចេះស្រូបយោបល់អ្នកដទៃ មានការងារអំណោយផល ជោគជ័យ។ មនុស្សទាំងនេះ ឈានដល់វ័យកណ្តាល នោះជីវិតកាន់តែសម្បូរបែប ទ្រព្យកើនឡើងជាលំដាប់៕
(*) ព័ត៌មានគឺសម្រាប់ជាឯកសារយោងតែប៉ុណ្ណោះ!
ប្រភព ៖ Phunutoday / Knongsrok