ក្នុងរយៈពេល ១២ខែ នៃឆ្នាំ ២០២២ខាងមុខនេះ តើខែមួយណា ដែលនាំសំណាងដល់ឆ្នាំរបស់អ្នក។ តោះ! ទៅមើលទាំងអស់គ្នា ដើម្បីកុំឱ្យខកខាននឹងប្រមូលយកលាភសំណាងរបស់អ្នក។
១. ឆ្នាំជូត «កណ្តុរ»
ខែមករា នៃឆ្នាំ ២០២២ គឺជាពេលវេលាដែលអ្នកកើតឆ្នាំកណ្តុរ នឹងមានសំណាងបំផុត ពោរពេញដោយសំណាង។
ដោយសារឆ្នាំ ២០២២ ជាឆ្នាំខ្លា ដូច្នេះអ្នកនឹងត្រូវប្រឈមមុខនឹងបញ្ហាជាច្រើន។ ទោះជាយ៉ាងណាក៏ដោយ ភាពមុះមុត និងអាចបត់បែនរបស់អ្នក នឹងជួយអ្នកឱ្យរួចផុតពីភាពជាប់គាំងទាំងពួង។
សំណាងល្អ មានប្រភពកកកុញច្រើនសម្រាប់អ្នក គួបផ្សំនឹងការជួយជ្រោមជ្រែងពីខ្សាច់ ដូច្នេះការប្រមូលផលរបស់សត្វកណ្តុរនឹងមានច្រើនស្មានមិនដល់។
២. ឆ្នាំឆ្លូវ «គោ»
នេះជាឆ្នាំដែលសក្តិសមបំផុតសម្រាប់អ្នកកើតឆ្នាំឆ្លូវ។ ឆ្នាំនេះសំណាងឡើងខ្ពស់ អ្នកនឹងមានលាភហូរចូលសន្ធឹក។ ជាពិសេសក្នុងខែមករា គោទទួលបានលាភសំណាងច្រើន។ ទោះបីជាត្រូវឡើងចុះទៅមើលមុខជំនួញក៏ដោយ ផ្ទុយទៅវិញ ស្ថានភាពហិរញ្ញវត្ថុក៏ល្អដែរ ហើយឱកាសនៃការរកលុយក៏បើកចំហរច្រើនជាងមុន។
ឈានចូលដល់ខែមេសា អ្នកកើតឆ្នាំឆ្លូវ នឹងមានអ្នកមានបុណ្យជួយជ្រោមជ្រែង ថែមទាំងណែនាំមុខរបរ ឬក៏ជួយអ្នកឱ្យសម្រេចកិច្ចការធំថែមទៀតផង។ ខែសីហា ក៏ជាខែបើកទ្វាទ្រព្យដែលអ្នកមិនបានរំពឹងទុកជាច្រើន។ ឱកាសភាគច្រើនបានមកពីទំនាក់ទំនងដ៏ល្អ ដែលអ្នកបានសាងទុកកន្លងមក។
៣. ឆ្នាំខាល «ខ្លា»
ការទទួលឥទ្ធិពលបន្តិចម្តងៗនៅអាយុប្រាំឆ្នាំ អាចជួបប្រទះនូវគុណវិបត្តិ និងការផ្លាស់ប្តូរជាច្រើននៅក្នុងគ្រប់ទិដ្ឋភាពនៃជីវិត។ ទោះយ៉ាងណា វាសនានៅមានខ្សាច់គ្រីស្តាល់ជួយដោយស្ងាត់ៗ។
នៅក្នុងខែកញ្ញា នឹងមានអ្នកមានបុណ្យបង្ហាញមុខឡើងមក ជួយអ្នកឱ្យធ្វើជំនួញបានជោគជ័យ និងរីកចម្រើនយ៉ាងខ្លាំង។ លើសពីនេះ អ្នកកើតឆ្នាំខាល នឹងមានឱកាសបង្កើនប្រាក់ចំណូល ឬកែលម្អស្ថានភាពផ្ទាល់ខ្លួនរឹតតែប្រសើរ។
៤. ឆ្នាំថោះ «ទន្សាយ»
ក្នុងខែតុលា ជាខែសំណាងនៃជោគវាសនាសម្រាប់អ្នកកើតឆ្នាំថោះ មិនថារឿងស្នេហា ការងារ ឬលុយកាក់នោះឡើយ។ ក្នុងខែនេះ ផ្កាយសំណាងនឹងរួមដំណើរការងាររបស់ង្នកកើតឆ្នាំទន្សាយ ឱ្យមានការកើនឡើងកាន់តែខ្លាំង។
នៅពេលនេះ ទន្សាយអាចពង្រីកការងារ ឬអាជីវកម្មដោយសម្លឹងរកឱកាសអភិវឌ្ឍន៍ទៅអនាគត។ ខែនេះផងដែរក៏មានប្រយោជន៍ច្រើនសម្រាប់អ្នកដែលមានគំនិតច្នៃប្រឌិត និងអ្នករចនា។
៥. ឆ្នាំរោង «នាគ»
នាគចូលដល់ឆ្នាំខាល នឹងមានការប៉ះទង្គិច តិចឬច្រើន។ ទោះជាយ៉ាងណាក៏ដោយ នាគអាចទាញយកអត្ថប្រយោជន៍ពីខែសំណាង ដើម្បីអនុវត្តផែនការដែលអ្នកគិតគ្រោងទុក។
ខែមិថុនា នាគត្រូវចូលប្រឡូកក្នុងសង្គមឱ្យបានច្រើន ទើបមានសំណាងមានលាភ ព្រោះទំនាក់ទំនង មនុស្សដែលអ្នកស្គាល់ គេនឹងអាចជួយអ្នកបានពេលមានបញ្ហា ឬការលំបាក។ ហើយក្នុងខែនេះដែរ អាជីវកម្មរបស់អ្នក ក៏រកលុយបានច្រើនផងដែរ។
ខែវិច្ឆិកា នាគមានមនុស្សខ្ពង់ខ្ពស់មកជួយឱ្យយកាន់តែមានទំនុកចិត្ត។ ក្នុងខែនេះនាគសម្រេចបានផលធំៗច្រើន ហើយលុយកាក់ក៏សម្បូរហូរហៀរ។ ការឆ្លងកាត់ផ្លូវអារម្មណ៍ក៏ល្អផងដែរ។
៦. ឆ្នាំម្សាញ់ «ពស់»
ក្នុងខែមិនា អ្នកមានបុណ្យចម្រើនរុងរឿងណាស់។ គូប្រជែងអាចជាមនុស្សចាស់ ឬអ្នកដែលមានបទពិសោធន៍ច្រើនជាងអ្នក។ ជាលទ្ធផល បញ្ជាក់ពីសមត្ថភាព និងឈានទៅមុខក្នុងអាជីពរបស់អ្នក។ ក្នុងខែនេះអ្នកកើតឆ្នាំពស់ អាចប្រមូលផលបានច្រើន ធ្វើឱ្យចំណូលកាន់តែកើនឡើងជាលំដាប់។
ខែសីហា លាភសំណាងល្អ ដូច្នេះការលំបាកក្នុងការរកស៊ីត្រូវបានជម្រះ បើកឱកាសសហការគ្នា ពិតជាល្អខ្លាំង។
៧. ឆ្នាំមមីរ «សេះ»
ឆ្នាំនេះជាឆ្នាំល្អសម្រាប់អ្នកកើតឆ្នាំសេះ ជាពិសេសក្នុងខែកញ្ញា។ ការងារក្នុងខែនេះអំណោយផល ទោះជួបបញ្ហា ការលំបាក ក៏អ្នកមានអ្នកចាំជួយពីក្រោយដែរ។
ថ្វីដ្បិតតែអាជីវកម្មបង្ហាញសញ្ញានៃវឌ្ឍនភាពក៏ដោយ ក៏ដំណើរការនឹងមានភាពយឺតយ៉ាវ ដែលតម្រូវឱ្យអ្នកគិតគូរឱ្យបានល្អិតល្អន់ កុំធ្វើអ្វីតាមតែអារម្មណ៍ ដោយមិនពិចារណា។ យ៉ាងណាមិញ ក្នុងខែកញ្ញានេះដែរ អ្នកក៏អាចមានឱកាស បានជួបដៃគូជីវិត ដែលអ្នកតែងប៉ងចង់បានោងដែរ។
៨. ឆ្នាំមមែ «ពពែ»
ឆ្នាំខ្លា ២០២២ គឺជាឆ្នាំដ៏អស្ចារ្យសម្រាប់អ្នកកើតឆ្នាំមមែ។ អាជីវកម្មមានភាពអំណោយផល ជាមួយនឹងការពង្រីក និងរីកចម្រើនកាន់តែខ្លាំង។ នៅក្នុងខែកុម្ភៈ អ្នកនឹងរីករាយនឹងជីវិត ជាមួយនឹងការធ្វើដំណើរកម្សាន្ត ដោយគ្មានទុក្ខព្រួយអ្វីឡើយ។ បើអ្នកមានបញ្ហាក៏មានមនុស្សចាំជួយដោះស្រាយដែរ។
ការងារត្រូវបានគាំទ្រដោយអ្នកដទៃ ដើម្បីដោះស្រាយបញ្ហា។ ការងារនឹងត្រូវបានបញ្ចប់លើសពីការរំពឹងទុក និងទទួលបានលទ្ធផលយ៉ាងគាប់ចិត្ត។ ក្នុងខែនេះសេចក្តីស្រឡាញ់ជាមួយនឹងគូស្នេហ៍ ក៏ចុះសម្រុងគ្នាមានសេចក្តីល្អជាច្រើន។
៩. ឆ្នាំវក «ស្វា»
ឆ្នាំនេះជាឆ្នាំដ៏លំបាកសម្រាប់មនុស្សដែលកើតឆ្នាំស្វា។ សម្រាប់អ្នកកើតឆ្នាំនេះស្ថិតនៅក្រោមការគ្រប់គ្រងរបស់ធ្មប់ ហើយជួបប្រទះនឹងគ្រោះរាំងស្ងួត និងបញ្ហាកកស្ទះមួយចំនួនធំ។
យ៉ាងណាមិញ នៅក្នុងខែមីនា គឺជាខែដែលមានសំណាង សម្បូរសប្បាយ។ ក្នុងខែនេះ អ្នកប្រាកដជានឹងទទួលបានសមិទ្ធផលខ្លះៗក្នុងមុខជំនួញ ឬស្នេហាផ្ទាល់ខ្លួន។
អ្នកមានឱកាសជាច្រើនដើម្បីធ្វើការ ឬធ្វើដំណើរដើម្បីជួយអ្នកស្វែងរកដៃគូ ឬអតិថិជនសក្តានុពលរបស់អ្នក។ ក្នុងខែនេះផងដែរ វកក៏មានទ្រព្យសម្បត្តិហូរហៀរ ចំណូលចូលក្នុងហោប៉ៅច្រើនដែរ ដូច្នេះហើយអ្នកក៏ត្រូវសន្សំសំចៃដើម្បីអនាគត។
១០. ឆ្នាំរកា «មាន់»
ឆ្នាំនេះ មាន់នឹងមានការប្រែប្រួលមិនអំណោយផលតិចតួច ប៉ុន្តែមិនមានអ្វីជាបញ្ហាធំដុំឡើយ។ យ៉ាងណាមិញ អ្នកត្រូវរង់ចាំរហូតដល់ចុងឆ្នាំ គឺខែធ្នូ ទើបសំណាងរបស់អ្នកនឹងផ្ទុះឡើងខ្លាំង។
សំណាងក្នុងខែនេះនឹងជួយឱ្យអ្នកឈ្នះអស់ទុក្ខលំបាកទាំងពួង នុងប្រមូលមកវិញនូវលាភសំណាងជាបន្តបន្ទាប់ នេះជាអ្វីដែលត្រូវទន្ទឹងរង់ចាំ។
១១. ឆ្នាំច «ឆ្កែ»
នៅក្នុងខែមករា អ្នកមានការកែលម្អដ៏អស្ចារ្យជាច្រើននៅក្នុងគ្រប់ទិដ្ឋភាព រួមទាំងអាជីព ទ្រព្យសម្បត្តិ និងស្នេហា។ អ្នកនឹងមានការអភិវឌ្ឍន៍វិជ្ជមានជាច្រើនក្នុងអាជីពរបស់អ្នកក្នុងខែនេះ។
សូមឱ្យសំណាងមានចំណុចភ្លឺជាច្រើន។ អ្នកនឹងមានអ្នកមានបុណ្យដែលជាមនុស្សស្រី គេនឹងជួយធ្វើឱ្យអាជីវកម្មរបស់អ្នកកាន់តែល្អ រីកដុះដាលកាន់តែខ្លាំង។ ហើយឈានដល់ខែសីហា ការលំបាកទាំងអស់ត្រូវបានដកចេញពីជីវិតរបស់អ្នក ហើយលទ្ធផលពីការងារចាស់ក៏រឹតតែកាក់កប អ្នកអាចរកលុយបានច្រើន លើសពីការរំពឹងទុក។
១២. ឆ្នាំកុរ «ជ្រូក»
ក្នុងឆ្នាំ ២០២២ អ្នកកើតឆ្នាំកុរនឹងទទួលបានឱកាសជាច្រើន តែក៏មានបញ្ហាត្រូវប្រឈមមិនតិចនោះដែរ។ ខែកុម្ភៈ គឺជាពេលវេលារុងរឿងដែលជ្រូកមិនអាចព្រងើយកន្តើយបានឡើយ។ ប្រាក់ចំណូលក្នុងខែនេះ មានការកើនឡើងខ្លាំង។ អ្នកអាចទទួលបានប្រាក់បន្ថែម និងកម្រៃជើងសារ ប្រាក់ចំណូលខ្ពស់ជាងមិត្តរួមការងាររបស់អ្នកទៅទៀត។
ឈានដល់ខែមិថុនា គឺពោរពេញទៅដោយដំណឹងល្អ។ ទំនាក់ទំនងមានការរីកចម្រើនល្អដោយបើកឱកាសសហប្រតិបត្តិការជាច្រើនសម្រាប់ខ្លួនអ្នក។ រីឯខែធ្នូ ជាពេលវេលាដែលអ្នកមានលាភសំណាងច្រើនទាក់ទងនឹងរឿងស្នេហា។ អ្នកនៅលីវ ឬរៀបការរួច នឹងកាន់តែមានភាពផ្អែមល្ហែម អាចនឹងមានដំណឹងល្អបន្ថែមថែមទៀតផង៕
* ព័ត៌មានគឺសម្រាប់តែឯកសារយោងប៉ុណ្ណោះ!
ប្រភព ៖ Phunutoday / Knongsrok