យោងតាមនរវិទ្យាបង្ហាញថា ស្រ្តីដែលមានលក្ខណៈពិសេសទាំង ៤ នៅលើដៃរបស់ពួកនាងដូចបង្ហាញខាងក្រោម គឺជាស្រ្តីដែលដូចសល់ពរជ័យពីជាតិមុន ហើយងាយនឹងអាចទទួលបានជីវិតពេញលេញ រស់នៅដោយសុខសាន្តពេលចាស់ទៅ៖
៤) ដៃទន់
ស្រ្តីដែលមានដៃទន់ គឺជាសញ្ញាមួយនៃមនុស្សដែលមានជីវិតពេញលេញ ដោយមិនចាំបាច់ហត់នឿយច្រើន ធ្វើការច្រើនពេកទេ ក៏សល់លុយចាយពេញដៃដែរ។ ពួកគេក៏រមែងជាមនុស្សដែលមានទិសដៅច្បាស់លាស់ មិនថាតែក្នុងរឿងស្នេហា ឬការងារ ហើយអាចទទួលបានការសាទរជារឿយៗពីមនុស្សជុំវិញខ្លួន។
៣) បាតដៃមានពណ៌ផ្កាឈូក
មនុស្សដែលមានបាតដៃពណ៌ក្រហម ផ្កាឈូករលោង ជាធម្មតា ជាមនុស្សសុចរិត ចូលចិត្តជួយយកអាសាអ្នកដទៃជុំវិញខ្លួន។ មនុស្សនេះប្រសិនជួបការលំបាក ឬឧបសគ្គក្នុងជីវិត ក៏មិនជួបយូរដែរ ហើយរមែងទទួលបានការជ្រោមជ្រែងពីនរណាម្នាក់ ដែលរំលេចមកជួយពួកគេជារឿយៗ។
មនុស្សស្រីដែលមានបាតដៃពណ៌ក្រហមភ្លឺចាំង ក៏ជាមនុស្សដែលមានរាសីខ្ពស់ក្នុងអាជីពការងារ ការរកស៊ី ហើយបើរឿងរ៉ាវស្នេហា ក៏ជួបបញ្ហាតិចតួចបំផុតដែរ។ ក្នុងក្រុមគ្រួសារក៏រមែងមានសុខដុមរមនា ហើយពរជ័យក៏ឆ្លងដល់កូនដល់ចៅតជំនាន់។
២) ម្រាមដៃចង្អុលវែងជាងម្រាមដៃនាង
ប្រសិនស្រ្តីនោះមានម្រាមដៃចង្អុល វែងជាងម្រាមដៃនាង ជាធម្មតារូបរាងសម្រស់របស់នាងសាមញ្ញទេ តែបុគ្គលនេះ ធ្វើការរហ័សរហួស សម្រេចចិត្តដោយមិនស្ទាក់ស្ទើរទេ ក្រោយឆ្លងកាត់ការគិតយ៉ាងល្អិតល្អន់ហើយ។ ជាមួយនឹងទេពកោសល្យដែលពួកគេមាន ក៏រមែងជួយឲ្យពួកគេអាចកសាងជីវិតដ៏ពេញលេញពេលចាស់ទៅ។
១) ខ្សែបន្ទាត់ជួរខាងលើ វែង គ្មានដែនកំណត់
ប្រសិនជាខ្សែបន្ទាត់នៃបាតដៃជួរខាងលើ មានប្រវែងវែងដល់បញ្ចប់ដល់គល់ម្រាមដៃ នោះរមែងជាស្រ្តី ដែលមិនសូវមានទុក្ខ រាសីខ្ពស់ត្រដែតជាប់ជានិច្ច ហើយរមែងតែងតែបានជួបស្វាមីល្អក្នុងជីវិត។
ក្រោយរៀបការរួច ស្រ្តីនេះ នឹងអាចបង្កើតក្រុមគ្រួសារដ៏រឹងមាំ ហើយអាចជួយឲ្យមនុស្សនៅជុំវិញខ្លួននាងទទួលបានជោគជ័យ និងកាន់តែរឹងមាំដូចនាងថែមទៀតផងដែរ៕
ប្រភព៖ បរទេស | ប្រែសម្រួល៖ ក្នុងស្រុក