គូស្នេហ៍ ដែលគួរឱ្យច្រណែន និងស្ញើចសរសើរបំផុត មិនមែនគូស្នេហ៍ដែលតែងតែផ្អែមល្ហែមដាក់គ្នា តែងតែទិញកាដូ ឬរំឭកអនុស្សាវរីយជាមួយគ្នាគ្រប់ពេល ឬគូស្នេហ៍ដែល មិនដែលឈ្លោះគ្នានោះឡើយ តែជាគូស្នេហ៍ដែល ៖
– ទោះឈ្លោះគ្នាយ៉ាងណា ក៏មិនដែល និយាយពាក្យថាបែក ចេះឈ្លោះ ចេះរកដំណោះស្រាយដើម្បីគ្នា!
– ខឹងគ្នាប៉ុនណា ក៏មិនទុកគ្នាចោល មិនដរចោលផ្ទះ មិនធ្វើឱ្យម្ខាងទៀត រ័តតែមានអារម្មណ៍មួយម៉ៅ!
ទោះបីនានរឿងអ្វីកើតឡើង ក៏នៅតែមានហេតុផល ជឿជាក់ និងទុកចិត្តលើដៃគូ!
ក្មេងៗស្រឡាញ់គ្នាច្រើនណាស់ វាជារឿងធម្មតាតែប៉ុណ្ណោះ មិនមានអ្វីដែលគួរឱ្យភ្ញាក់ផ្អើលឡើយ តែសំខាន់ យើងក្រឡេកមើលចាស់ៗ ប៉ុន្មានគូ ដែលខំតស៊ូកាន់ដៃគ្នា ពុះពារគ្រប់បញ្ហា ការលំបាកជាមួយគ្នាមិនរាថយ ជួបបបញ្ហាប៉ុនណាក៏ដោយ ក៏មិនដែលបោះបង់គ្នាចោល …
ចិត្តធ្ងន់ចំពោះគ្នា ចេះកែលំអ និងកែប្រែគ្នាទៅវិញទៅមក ជាចំណែកពិតក្នុងជីវិតចំពោះគ្នា … នេះទើបជាស្នេហាដ៏អស្ចារ្យ!
កុំគិតថា ទិញសម្ភារនិយម របស់ថ្លៃៗឱ្យដៃគូ តែងតែផ្អែមល្ហែមបង្អួតគេ គិតថាជារឿងអស្ចារ្យឱ្យសោះ នៅក្មេងណាស់ ចាំអាចរស់នៅជាមួយគ្នាបាន40 50ឆ្នាំសិនទៅ អាចនៅតស៊ូបាន ក្ដៅត្រជាក់ លំបាក សុខ វេទនា ឈឺ ជា ក៏មានគ្នាកំដរ នៅក្បែរមើលថែ មានអ្នកយល់ចិត្តពិតប្រាកដហើយ ចាំអួតថាគេល្អ ចាំនិយាយថា ខ្លួនឯងមានសំណាង…!!!
#ក្នុងចិត្ត
រូបភាព ៖ លោកពូ ខៀវ កាញារិទ្ធ និងលោកជំទាវ 🥰