នេះជាខែខ្មោច ឬគេហៅថាខែសែនក្បាលទឹក ហើយតាមទំនៀមទម្លាប់ចាស់ពីបុរាណគេមានតំណម និងការអនុវត្តច្រើនចំណុចណាស់ដែលអ្នកត្រូវដឹង។ ក្នុងអត្ថបទនេះ Knongsrok ណែនាំឲ្យអ្នកដឹងពីរបស់ ៥ ដែលមិនគួរទិញចូលផ្ទះនៅកំឡុងខែសែនក្បាលទឹក៖
៥) កុំទិញមាស
មានពាក្យចាស់បុរាណមួយពោលថា៖ “បើអ្នកចាប់ប្រាក់ នោះអ្នកនឹងក្លាយជាអ្នកមាន តែបើអ្នកចាប់មាស នោះអ្នកនឹងគ្មានសំណាង”។ នៅខែនេះហើយដែលតំណាលនេះ ត្រូវបានគេជឿបំផុត ហើយគេហាមមិនឲ្យទិញមាសចូលផ្ទះឡើយ។
មាសប្រៀបដូចជាវិញ្ញាណអាក្រក់នៅខែនេះ ដែលនាំឲ្យម្ចាស់ខាតប្រយោជន៍ ហើយធ្វើឲ្យការបម្រើការងារផ្សេងៗមានការលំបាក និងមានបញ្ហារាំងស្ទះ។
៤) កុំទិញរថយន្ត
អ្នកដែលទិញរថយន្តនៅខែនេះ តាមក្បួនគឺអាចប្រឈមនឹងការប៉ះពាល់ដល់បញ្ហាសុខភាព និងអាយុជីវិតរបស់អ្នកបាន។
៣) កុំទិញកញ្ចក់ ឬកែវ
តាមក្បួនហុងស៊ុយ កញ្ចក់ត្រូវបានគេតំណាងជារបស់ឆ្លុះទៅក្រោមដី ដែលអាចមើលឃើញវិញ្ញាណអាក្រក់នៅយប់អាធ្រាត្រ។ ខែនេះជាខែដែលព្រលឹងវិញ្ញាណចេញមក ហើយនាំឲ្យអាចជួបសំណាងមិនល្អដល់សមាជិកគ្រួសារ។
២) កុំទិញសំលៀកបំពាក់
សំលៀកបំពាក់ជារបស់ដែលងាយនឹងឲ្យខ្មោចចូលលាក់វិញ្ញាណ បង្កទៅជាបញ្ហាដល់ការរស់នៅប្រចាំថ្ងៃ។ គេណែនាំមិនឲ្យទិញសំលៀកបំពាក់នៅខែនេះទេ ហើយបើចាំបាច់គួររៀបចំទិញឲ្យបានមុន ឬក្រោយខែសែនក្បាលទឹក។
១) កុំទិញរបស់ជជុះ
របស់ជជុះ ឬរបស់មួយតឹក ដែលប្រើប្រាស់ពីគេ ក៏គេមិនឲ្យទិញខែនេះដែរ ព្រោះបើស៊យទិញប៉ះរបស់អ្នកដែលបានចែកឋានទៅ តាមដំណាលគឺមិនល្អឡើយនៅខែសែនក្បាលទឹក៕
ប្រភព៖ បរទេស | ប្រែសម្រួល៖ ក្នុងស្រុក