តើ លោក ដួង វីរៈសិទ្ធ អាចបន្ថែមអាជីពដឹកនាំសម្តែងមួយទៀតទេ ក្រោយនិពន្ធ MV បទ វិប.ត្តិស្នេហ៍ ដោយខ្លួនឯង?
កាលពីប៉ុន្មានថ្ងៃមុននេះ លោក ដួង វីរៈសិទ្ធ តារាចម្រៀងប្រចាំផលិតកម្មរាម បានចេញ Music Video ទីពីររបស់លោក បន្ទាប់ពី Music Video បទ សន្យា គឺបទ វិប.ត្តិស្នេហ៍។
Music Video បទ សន្យា របស់លោក ដួង វីរៈសិទ្ធ ដែលបានចេញផ្សាយជាផ្លូវការ កាលពីដើមខែកក្កដា បើគិតមកដល់ពេលនេះគឺមួយខែហើយ ប៉ុន្តែសន្ទុះនៃការគាំទ្របទនេះគឺនៅតែមានជាបន្តបន្ទាប់រហូត ដោយសារតែអត្ថបទ Music Video មួយបទនេះចា.ក់ដោតចំបេះដូងអ្នកគាំទ្រខ្លាំងមែនទែន។
បើនិយាយពី Music Video ទីពីររបស់លោកវិញ រឹតតែពិសេសជាង Music Video ទីមួយរបស់លោកទៅទៀត ដោយសារតែបទចម្រៀងមួយបទនេះ តារាចម្រៀង ដួង វីរៈសិទ្ធ បាននិពន្ធ ទាំងទំនុកច្រៀង មេឡូឌី ទំនុកភ្លេង ព្រមទាំងនិពន្ធសាច់រឿងសម្រាប់ Music Video បទ វិបត្តិស្នេហ៍ នេះដោយខ្លួនឯងថែមទៀតផង។
សូមបញ្ជាក់ផងដែរថា Official Audio បទ វិបត្តិស្នេហ៍ របស់ តារាចម្រៀង ដួង វីរៈសិទ្ធ បានបង្ហោះជាផ្លូវការ កាលពីជាងមួយខែមុន ទទួលបានការគាំទ្រខ្លាំងពីសំណាក់អ្នកគាំទ្រ ដោយមានការស្តាប់រហូតដល់ទៅជាងមួយលានដង(1M views) ឯណោះ។
តោះចង់ដឹងពិសេសយ៉ាងណា សូមទស្សនា Music Video បទ វិបត្តិស្នេហ៍ ទាំងអស់គ្នា៖
អត្ថបទដោយ៖ Mr. Fun