នៅក្នុងក្បួនហុងស៊ុយខែកក្កដា គឺជាខែដែលវិញ្ញាណអាក្រក់ អារក្ស ខ្មោចព្រាយចេញក្រៅ មនុស្សជាច្រើនចាត់ទុកថានេះជាខែដែលគ្មានសំណាងនោះឡើយ។ ជាមួយនឹងគន្លឹះហុងស៊ុយទាំងនេះ អ្នកអាចបន្សាបនូវសំណាងអាក្រក់ទាំងពួងបានយ៉ាងងាយ និងអាចប្ដូរយកនូវលាភសំណាង និងរឿងល្អៗចូលមកវិញថែមទៀតផង។
១. បាចអំបិល
នេះគឺជាវិធីមួយដើម្បីបន្សាបនូវរឿងអាក្រក់ ដែលចាស់ៗប្រើតាំងពីយូរយារណាស់មកហើយ។ យកអំបិលមួយក្តាប់តូច ហើយបោះវាមកលើស្មាខាងឆ្វេងរបស់អ្នកពីមុខទៅក្រោយ។ ការធ្វើបែបនេះ សំណាងអាក្រក់ទាំងអស់នឹងហើរទៅតាមអំបិលទៅក្រោយ។
ចំពោះស្ត្រី សូមកាន់អំបិលដោយដៃឆ្វេង ឬឯបុរសកាន់អំបិលដោយដៃស្ដាំ។ ចំណាំថាអ្នកត្រូវបោះអំបិលលើស្មាខាងឆ្វេងរបស់អ្នក ការធ្វើផ្ទុយនឹងនាំមកនូវសំណាងអាក្រក់ជាច្រើន ដែលនឹកស្មានមិនដល់។
២. ប្រើថ្មហុងស៊ុយ
ថ្មហុងស៊ុយត្រូវបានមនុស្សជាច្រើនប្រើដើម្បីធ្វើខ្សែដៃ ដាក់លើតុជាដើម ដើម្បីប្រឆាំងនឹងថាមពលមិនល្អ។ ជាពិសេសថ្មរ៉ែ ថ្មខៀវ ជួយបង្កើនថាមពលវិជ្ជមាន។ Amethyst ជួយការពារម្ចាស់ផ្ទះពីគ្រោះថ្នាក់នៅពេលដែលនៅឆ្ងាយពីផ្ទះ។ អាស្រ័យលើកម្រិតអ្នកអាចជ្រើសរើសថ្មរ៉ែ ថ្មខៀវដែលមានពណ៌សមរម្យ។
បន្ថែមពីលើរ៉ែ ថ្មខៀវ អ្នកអាចជ្រើសរើសថ្មខ្លះទៀតដែលមានឥទ្ធិពលកម្ចាត់ថាមពលអាក្រក់ និងនាំមកនូវសំណាងល្អដូចជាត្បូងទទឹម ថ្មព្រះច័ន្ទ ថ្មភ្នែកខ្លា -ល-។
៣. ប្រើខ្ទឹមស
យោងតាមគំនិតចាស់ៗ ខ្ទឹមសមានឥទ្ធិពលល្អក្នុងការកម្ចាត់សំណាងអាក្រក់ និងខ្យល់អាកាសមិនល្អ។ នោះហើយជាមូលហេតុដែលនៅក្នុងខែព្រលឹងនេះ អ្នកអាចយកខ្ទឹមស ១ កំពឹសដាក់តាមខ្លួនជាប្រចាំ។
៤. ព្យួរចង្កៀងក្រហមនៅមុខផ្ទះ
ចង្កៀងពណ៌ក្រហម ជារឿយៗត្រូវបានគេព្យួរនៅមុខផ្ទះដើម្បីបំភ្លឺផ្លូវដល់មនុស្ស។ ព្យួរចង្កៀងក្រហមនៅមុខបង្អួច ឬនៅជាប់នឹងច្រកចូលខាងមុខ ជួយរារាំងខ្មោចដែលឃ្លានកុំព្យាយាមចូល។
បន្ថែមលើគន្លឹះហុងស៊ុយទាំង ៤ ខាងលើ អ្នកក៏ត្រូវផ្លាស់ប្តូរការគិតរបស់អ្នកក្នុងទិសដៅវិជ្ជមានផងដែរ។ គំនិតវិជ្ជមាន និងសុទិដ្ឋិនិយមនឹងក្លាយជាដំណោះស្រាយដ៏ល្អដើម្បីទាក់ទាញថាមពលនៅជុំវិញអ្នក៕
*ព័ត៌មានគឺសម្រាប់ជាឯកសារយោងតែប៉ុណ្ណោះ!
ប្រភព ៖ Phunutoday / Knonsgrok