ល្អហួស ត្រូវបានគេស្គាល់ថាជាក្មួយស្រីបង្កើតរបស់តារាសម្តែងមានប្រជាប្រិយភាព កញ្ញា ដេនី ខ្វាន់ ដែល កុមារីល្អហួស ពេលនេះបានប្រែរូបរាងជាក្មេងស្រីជំទង់មានសម្រស់ស្រស់ស្អាតគួរឱ្យស្រលាញ់ និងមានដុងខាងផ្នែកសិល្បៈច្រើនទម្រង់គួរឱ្យកោតសរសើរ។
នៅក្នុងផ្នែកសិល្បៈ ល្អហួស ឬត្រូវគេដាក់នាមថា យ៉ាយ៉ា ស្រុកខ្មែរ មានជំនាញច្រើនចម្រុះសុទ្ធតែពូកែ ទាំងផ្នែកសម្តែង ចម្រៀង របាំខ្មែរបុរាណ ក្បាច់រាំបរទេស ពិសេសគឺ ល្អហួស ចេះភាសាបរទេសច្រើនមានទាំង ខ្មែរ អង់គ្លេស ថៃ និងភាសាមួយចំនួនទៀតផងដែរ។ ពិសេសថ្មីៗនេះ ល្អហួស បានបញ្ចេញចម្រៀង Cover បទចម្រៀងខ្មែរសម័យដើមមរតកសំនៀង និងបទចម្រៀងថៃជាច្រើនបទជាបន្តបន្ទាប់សុទ្ធតែទទួលបានគាំទ្រថាពិតជាពិរោះ និងស្រស់ស្អាតស័ក្តសមជាអ្នកសិល្បៈមានជំនាញពិតៗ។
ហើយថ្មីៗនេះ ល្អហួស ស្រាប់តែបានបញ្ចេញសំនៀងក្នុងទម្រង់ចម្រៀងប្លែកថ្មីមួយទៀតហើយ តាមរយៈចម្រៀង Cover របស់បងប្អូនខ្មែរសុរិន្ទ នោះគឺបទ បទ « កាប៉ែតប៉ែឡែ » សំនៀងដើមដយ « សុងសែង & រំដួល » ហើយច្រៀងសារឡើងវិញ ដោយ ល្អហួស និង Dj កណ្តុរ ជាមួយទឹកដមសំនៀងតាមសូរសៀងខ្មែរសុរិន្ទ បូមរួមកាយវិការខ្នក់ខ្នាញ់គួរឱ្យស្រលាញ់ទៀតផង។
ដើម្បីជ្រាបច្បាស់ សូមទស្សនាវីដេអូខាងក្រោមនេះ ៖
