ថ្មីៗនេះ កំពូលតារាចម្រៀងស្រីប្រចាំផលិតកម្មរាម កញ្ញា មាស សុខសោភា បានចេញចម្រៀងមួយបទក្តៅៗ ដោយមានចំណងជើងថា ចំណែកស្នេហ៍។
គ្រាន់តែបទចំណែកស្នេហ៍របស់កញ្ញា មាស សុខសោភា ចេញផ្សាយជាផ្លូវការលើ Channel ផលិតកម្មរាមភ្លាម មិនបានប៉ុន្មាននាទីផង ក៏មានអ្នកគាំទ្រយ៉ាងច្រើនចូលទៅបញ្ចេញមតិនៅក្នុងបទចម្រៀងមួយនេះតែម្តង។
បើតាមសម្តីរបស់អ្នកនិពន្ធលោក ពុធ មិថុនា អ្នកនិពន្ធវ័យក្មេងលោកបានសរសេររៀបរាប់ថា នេះជាបទដែលលោកបាននិពន្ធឡើងតាំងពីឆ្នាំ2018មកម្លេះ។
ហើយនេះក៏ជាស្នាដៃទីពីរផងដែររបស់លោក ពុធ មិថុនា ក្នុងផលិតកម្មរាម បន្ទាប់ពីបទ ព្រួយខ្លាចបាត់បង់ ដែលបកស្រាយរួមគ្នា រវាង តារាចម្រៀង ដួងវីរៈសិទ្ធ និង មាស សុខសោភា ។
យ៉ាងណាមិញ ទោះបីជាបទនេះលោក ពុធ មិថុនា បាននិពន្ធតាំងពីឆ្នាំ2018ក៏ដោយ ក៏បទនេះនៅតែទទួលបានការគាំទ្រខ្លាំងពីសំណាក់អ្នកគាំទ្រយ៉ាងគគ្រឹកគគ្រេងដូចដើម។
ចង់ដឹងកាន់តែច្បាស់ថាបទ ចំណែកស្នេហ៍ ពិរោះយ៉ាងណានោះ
សូមទស្សនាវីឌីអូខាងក្រោម៖
អត្ថបទដោយ៖ Mr. Fun