អាកាសធាតុកំពុងតែកើនឡើងកាន់តែខ្លាំងឡើងជារៀងរាល់ថ្ងៃ។ ហើយបញ្ហាដែលពិភពលោកយើងគួរព្រួយបារម្ភនោះគឺ “កំណើនសីតុណ្ហភាព” នៃពិភពលោកដែលកាន់តែក្តៅ។
កំដៅប៉ះពាល់ដល់បរិស្ថាននិងសារពាង្គកាយផ្សេងៗ។ ថ្ងៃនេះយើងនឹងនាំអ្នកទៅមើលកន្លែងដែលក្តៅបំផុតទាំង ១៣ កន្លែង ។
ដំបូងយើងសាកល្បងស្រមៃពីរដូវក្តៅនៃប្រទេសកម្ពុជាយើង។ នៅរដូវក្តៅសីតុណ្ហភាពនឹងនៅចន្លោះ ៣៤-៣៨ អង្សាសេ (ជាមួយកំដៅនេះយើងនៅតែទ្រាំមិនចង់បាន) ចុះបើនៅកន្លែងខ្លះកំដៅឡើងដល់ទៅ ៧០ អង្សាសេវិញនោះ តើភាវៈរស់នឹងមានជីវិតរស់កើតទេ។
#13
តំបន់ Dallol ប្រទេសអេត្យូពី
វាមានទីតាំងនៅប្រទេសអេត្យូពី។ តំបន់នេះធ្លាប់ជាអណ្តូងរ៉ែកាលពីឆ្នាំ ១៩៦០ ប៉ុន្តែប៉ុន្មានឆ្នាំក្រោយមកវាត្រូវបានគេបោះបង់ចោល។ សីតុណ្ហភាពទីនេះឡើងដល់ ៣៦ អង្សាសេ។
#12
តំបន់ Coober Pedy ប្រទេសអូស្ត្រាលី
វាជាទីក្រុងចម្លែកមួយនៃពិភពលោក។ មានទីតាំងនៅប្រទេសអូស្ត្រាលី។ ជាមួយនឹងអាកាសធាតុក្តៅប្រជាជននៅទីក្រុងកំពុងរៀបចំទីក្រុងនិងរស់នៅក្រោមដី។ សីតុណ្ហភាពក្នុងផ្ទះគឺរហូតដល់ ៤៥ អង្សាសេ។
#11
តំបន់ El Azizia ប្រទេសលីប៊ី
តំបន់ El Azizia គឺជាកន្លែងក្តៅទី 11 នៅលើពិភពលោក។ បច្ចុប្បន្ននេះសីតុណ្ហភាពគឺ ៤៨,៨ អង្សាសេ។
#10
តំបន់ Wadi Halfa ប្រទេសស៊ូដង់
មានទីតាំងស្ថិតនៅចន្លោះព្រំដែនអេហ្ស៊ីបនិងស៊ូដង់។ ក្រៅពីសីតុណ្ហភាពខ្ពស់ ៥២,៧ អង្សាសេ ប្រជាពលរដ្ឋនៅក្នុងទីក្រុងក៏ប្រឈមមុខនឹងព្យុះខ្សាច់បោកបក់ផងដែរ។
#9
តំបន់ Tirat Zvi ប្រទេសអ៊ីស្រាអែល
តំបន់នេះមានរយៈកម្ពស់ជិត 722 ហ្វីតពីលើនីវ៉ូទឹកសមុទ្រនៅជ្រលងប៊េតសៀនដែលមានសីតុណ្ហភាពខ្ពស់រហូតដល់ ៥៣,៨ អង្សាសេ។
#8
តំបន់ Timbuktu ប្រទេសម៉ាលី
តំបន់នេះមានទីតាំងស្ថិតនៅចំកណ្តាលផ្លូវពាណិជ្ជកម្មនៅវាលខ្សាច់សាហារ៉ា។ មានវាលខ្សាច់និងគ្រោះរាំងស្ងួត។ សីតុណ្ហភាព ៥៤,៤ អង្សាសេ។
#7
តំបន់ Ghadames ប្រទេសលីប៊ី
ទីក្រុងនៅកណ្តាលវាលខ្សាច់នេះសីតុណ្ហភាពឡើងដល់ ៥៥ អង្សាសេជាមួយខ្យល់ក្តៅខ្លាំង ដូច្នេះប្រជាជនក្នុងទីក្រុងត្រូវសង់ផ្ទះពីភក់ក្រាស់។
#6
តំបន់ Kebili ប្រទេសទុយណេស៊ី
Kebili គឺជាវាលខ្សាច់មួយនៅក្នុងប្រទេសទុយណេស៊ីហើយវាត្រូវបានគេបោះបង់ចោលអស់រយៈពេលជាង 200.000 ឆ្នាំមកហើយដោយសារតែអាកាសធាតុក្តៅខ្លាំងរហូតដល់ ៥៥ អង្សារសេ។
#5
តំបន់ Rubulal Khali ឧបទ្វីបអារ៉ាប់
តំបន់នេះគឺជាវាលខ្សាច់ដ៏វែងបំផុតនៅលើពិភពលោក។ គ្របដណ្តប់បីភាគបួននៃឧបទ្វីបអារ៉ាប់ វាពោរពេញដោយកំដៅ និងគ្រោះរាំងស្ងួត។ សីតុណ្ហភាពឡើងដល់ ៥៦ អង្សាសេ។
#4
ជ្រលងភ្នំ Death Valley សហរដ្ឋអាមេរិក
វាជាកន្លែងក្ដៅខ្លាំងបំផុតនិងស្ងួតបំផុតនៅអាមេរិក។ សីតុណ្ហភាពគឺ ៥៦,៦ អង្សាសេ។
#3
តំបន់ The Flaming ប្រទេសចិន
តំបន់នេះមានទីតាំងស្ថិតនៅជួរភ្នំវាលខ្សាច់ Taklimakan និងភ្នំធានអានមេន។ ហើយវាគឺជាកន្លែងក្តៅបំផុតនៅក្នុងប្រទេសចិន សីតុណ្ហភាពឡើងដល់ ៦៦,៧ អង្សាសេ។
#2
តំបន់ Badlands ប្រទេសអូស្ត្រាលី
វាគឺជាកន្លែងមួយក្នុងចំណោមកន្លែងដ៏ល្បីបំផុតរបស់អូស្ត្រាលី។ ផ្កាយរណបបានកត់ត្រាកំដៅនៃកន្លែងនេះឡើងដល់ ៦៩,២ អង្សាសេ។
#1
តំបន់ Dasht-e Lut Desert ប្រទេសអ៊ីរ៉ង់
វាលខ្សាច់វែងជាង 321 គីឡូម៉ែត្រហើយវាជាកន្លែងដែលគ្មានសារពាង្គកាយរស់នៅបានឡើងសូម្បីតែបាក់តេរី។ ដោយសារតែតំបន់នេះគឺជាតំបន់ដែលក្តៅបំផុត។ ហើយវាមានសីតុណ្ហភាពរហូតដល់ ៧០,៧ អង្សាសេ។
ដោយ៖ វីរៈ | ប្រភព៖ businessinsider