ចាប់អារម្មណ៍តែបទចម្រៀងនិងសំនៀងតារា តែអ្នកនិពន្ធវិញ គ្មាននរណាចាប់អារម្មណ៍ចង់ស្គាល់ឡើយ (មានវីឌីអូ)

អ្នកនិពន្ធរស់នៅខេត្តបាត់ដំបង ជ្រកក្រោមផលិតកម្ម ទីក្រុងភាពយន្ត (Town Production) លោក ខេ រី មាន facebook ឈ្មោះ K-ry Town ជាអ្នកនិពន្ធដ៏មានសមត្ថភាពមួយរូប តែមិនសូវមានអ្នកចាប់អារម្មណ៍ឡើយ។

អ្នកនិពន្ធទំនុកច្រៀងមានដុងពីកំណើត កើតក្នុងត្រកូលអ្នកមានជីវភាពសមរម្យល្មម រូបនេះបានដាក់ចិត្តដាក់កាយធ្វើជាអ្នកនិពន្ធឲ្យផលិតកម្ម ទីក្រុងភាពយន្ត (Town Production ) ប្រមាណជាពីរឆ្នាំមកហើយ។

បទចម្រៀងជាច្រើនដែលលោកបាននិពន្ធ សុទ្ធសឹងតែជាបទដែលទទួលបានការគាំទ្រខ្លាំងពីសំណាក់មហាជនទូទាំងផ្ទៃប្រទេស ដូចជាបទ “មើលរំលងស្រីម្នាក់” ជាដើម។

លោក ខេ រី មិនត្រឹមតែមានសមត្ថភាពខ្លាំងខាងនិពន្ធទំនុកច្រៀងតែប៉ុណ្ណោះទេ លោកក៏អាចនិពន្ធមេឡូឌីបានយ៉ាងល្អថែមទៀតផង។

បន្ថែមលើសពីនេះទៅទៀត លោក ខេ រី ក៏អាចលេងនូវឧបករណ៍តន្ត្រីមួយចំនួន ដូចជា ហ្គីតា និង ព្យាណូបានយ៉ាងពិរោះផងដែរ។

ហើយនាពេលថ្មីៗនេះ លោក ខេ រី ក៏បាននិពន្ធទំនុកច្រៀង រួមជាមួយមេឡូឌី ចំនួនបួន បទ យ៉ាងពិរោះសម្រាប់តារាចម្រៀងដែលជ្រកក្រោមទ្រនំផលិតកម្ម ទីក្រុងភាពយន្ត (Town Production) ដើម្បីច្រៀងអបអរពិធីបុណ្យចូលឆ្នាំថ្នីប្រពៃណីខ្មែរ ខាងមុខនេះ ដោយមានដូចជាតារាចម្រៀងលោក ម៉ៅ ហាជី, កញ្ញា បាន មុន្នីល័ក្ខ, លោក សិទ្ធ រួមជាមួយកញ្ញា ដា សុម៉ាវត្តី។

កុំឲ្យខាងពេលវេលាយូរទស្សនាបទចម្រៀងដែលលោកបាននិពន្ធទាំងបួនបទទាំងអស់គ្នា

សូមទស្សនាវីឌីអូខាងក្រោម៖

១/ បទ ក្រមុំតែងកាយ ច្រៀងដោយ លោក ម៉ៅ ហាជី

២/ បទ ក្រញ៉ាញ់នាងប្រែ ច្រៀងដោយ លោក ម៉ៅ ហាជី

៣/ បទ សុំម៉ែកែសម្ភស្ស ច្រៀងដោយ កញ្ញា បាន មុន្នីល័ក្ខ

៤/ បទ កន្ទ្រឹមស្ទាយ៍ថ្មី ច្រៀងដោយ លោក សិទ្ធ និង កញ្ញា ដា សុម៉ាវត្តី

អត្ថបទដោយ៖ Mr. Fun Cambodia