ទូរស័ព្ទស៊េរី Iphone ត្រូវគេដឹងហើយថាជាទូរស័ព្ទដែលពេញនិយម និងមានតម្លៃមិនថោកនោះទេ ជាពិសេសក្រោយស៊េរីថ្មីចេញ iphone12 iphoner12 pro max បានចេញថ្មីរឹតតែធ្វើឱ្យអារម្មណ៍អ្នកប្រើទូរស័ព្ទអន្ទះអន្ទែងចង់ក្លាយជាម្ចាស់ទូរស័ព្ទស៊េរីទំនើបចុងក្រោយមួយនេះ។
សម្រាប់ប្រទេសកម្ពុជាវិញ ទូរស័ព្ទ iphone12 នេះមានតម្លៃខ្ទង់ ១ពាន់ក្រាស់ ដែលជាតម្លៃញាក់សាច់ មិនធម្មតានោះទេ អាចនិយាយបានថាអ្នកមានលុយល្មមៗក៏មិនចង់ស្រវាលុយទិញវាដែរ តែសម្រាប់អ្នកស្រលាញ់ស៊េរីថ្មីៗប្រាកដជាខ្វារកទិញជាមិនខាន។
យ៉ាងណាមិញទូរស័ព្ទ iphone12 iphoner12 pro max ត្រូវបានគេដឹងថាមានការចេញលក់ស៊េរី limited edition ផងដែរ ដែលជារៀងរាល់ឆ្នាំតែងតែមានការផលិតបែបនេះដូចៗគ្នា ជាទូរស័ព្ទស្រោបមាស និងដាំពេជ្រមានតម្លៃកប់ពពក។ ដោយឡែកសម្រាប់ IPhone 12 Pro Max ដាំពេជ្រ ធ្វើពីមាស 18K Limited Edition វិញ ក៏ត្រូវបានអ្នកមានលុយនៅស្រុកខ្មែរបញ្ជាទិញផងដែរ ដែលម្ចាស់ទូរស័ព្ទមួយនេះត្រូវគេស្គាល់ថាជាលោកឧកញ៉ា និងជំទាវឧកញ៉ាំស្រុកខ្មែរតែម្តង ដោយតម្លៃមួយគ្រឿងគឺមានតម្លៃដល់ទៅ ១២៥០០ដុល្លារ ឯណោះ។
ចុះអ្នកវិញហ៊ានទិញទេ?
