កាលពីខែតុលា ឆ្នា២០២០ ក្រសួងបរិស្ថាន សហការជាមួយនឹង AMS បានរៀបចំការប្រកួតវីដេអូខ្លីស្តីពីបរិស្ថាន ក្រោមប្រធានបទ៖ «សម្រស់ស្រុកយើង» ដោយការចុះឈ្មោះទទួលពាក្យប្រព្រឹត្តទៅកាលពីថ្ងៃទី២៨ ខែកញ្ញា រហូតដល់ថ្ងៃទី២៨ ខែតុលា ឆ្នាំ២០២០។ ដោយការប្រកួតនេះ គឺសម្រាប់មនុស្សទូទៅ ជាពិសេសអ្នកដែលស្រឡាញ់បរិស្ថាន និងចូលចិត្តផ្សព្វផ្សាយអំពីទេសភាពធម្មជាតិ គឺអាចបង្ហាញស្នាដៃតាមរយៈវីដេអូខ្លីស្តីពីបរិស្ថាន ដែលត្រូវបានសហការរៀបចំឡើងដោយក្រសួងបរិស្ថានសហការជាមួយ AMS។
ការផលិតវីដេអូឯកសារខ្លី គឺត្រូវមានរយៈពេលចាប់ពី ៣នាទី ទៅ ៥នាទី ជាវីដេអូស្នាដៃថ្មី ប្រកបដោយការច្នៃប្រឌិត មិនមែនជាការចម្លងខ្លឹមសារ ឬ ផ្នែកណាមួយធ្លាប់ផ្សព្វផ្សាយតាមអនឡាញ និងផ្សាយតាមទូរទស្សន៍ ឬជាស្នាដៃដែលធ្លាប់ទទួលបានជ័យលាភីរួចហើយនោះទេ។ ដោយអត្ថន័យ គឺដើម្បីចូលរួមលើកកម្ពស់ការចូលរួមការពារ និងអភិរក្សធនធានធម្មជាតិ ព្រមទាំងជីវភាពរបស់សហគមន៍តាមរយៈទេសចរណ៍ធម្មជាតិ។
ក្នុងការប្រកួតនេះ ជ័យលាភីលេខ១ នឹងត្រូវទទួលរង្វាន់ជាថវិកាចំនួន ៨ ០០០ ០០០ រៀល លេខ២ ទទួលរង្វាន់ជាថវិកាចំនួន ៥ ០០០ ០០០ រៀល លេខ៣ ទទួលរង្វាន់ជាថវិកាចំនួន ៣ ០០០ ០០០ រៀល ខណៈបេក្ខជន ឬក្រុម Top 10 នឹងទទួលបានរង្វាន់ជាថវិកាចំនួន ១ ០០០ ០០០ ររៀល និងរង្វាន់ឧបត្ថម្ភផ្សេងៗទៀត។
ជាក់ស្តែង សម្រាប់តែវិច្ឆិកានេះ ផងដែរ ក្រសួងបរិស្ថាន ក៏បានធ្វើការជ្រើសរើសវីដេអូដែលល្អ និងមានភាពលេចធ្លោមួយចំនួនធ្វើការបង្ហោះលើគណនីហ្វេសប៊ុកផេក ក្រសួងបរិស្ថាន ជាផ្លូវការ ដោយវីដេអូដែលត្រូវបានគាំទ្រខ្លាំងជាងគេ ត្រូវបានគេមើលឃើញថាជាស្នាដៃរបស់ក្រុមបេក្ខជន United Media មានចំណងជើងថា៖ « I am Cambodia ខ្ញុំគឺជាកម្ពុជា » ដែលមានលេខកូដសម្គាល់៖ #C026។ ដោយវីដេអូនេះផងដែរ បានធ្វើការសម្រិតសម្រាំងយ៉ាងប្រណីតនូវទស្សនីយភាពតំបន់ទេសចរណ៍កម្ពុជាជាច្រើនកន្លែង និងស្ទើរគ្រប់ខេត្តក្រុង សុទ្ធតែមានភាពស្រស់ស្អាតទាក់ទាញខ្លាំង ដោយមានអត្ថន័យខាងក្រោមដូចតទៅ៖
ការប្រកួតវីដេអូខ្លីស្តីពី បរិស្ថាន ឆ្នាំ២០២០
ក្រោមប្រធានបទ «សម្រស់ស្រុកយើង»
បេក្ខជន៖ United Media
លេខកូដសម្គាល់៖ #C026
ចំណងជើង៖ I am Cambodia
សេចក្តីបរិយាយពីវិដេអូ៖ សម្រាប់វីដេរអូលក្ខណៈឯកសារនេះយើងខ្ញុំបានដកស្រង់ទិដ្ឋភាពស្រស់ស្អាតតាមតំបន់មួយចំនួនដូចដែលបានរៀបរាប់ខាងលើ។ ចង់អោយអ្នកទស្សនាបានឃើញទិដ្ឋភាពដែលកម្រនៅកន្លែងមួយចំនួនដែលពួកគាត់មិនធ្លាប់ទៅដល់ឬមើលឃើញ។
ខ្ញុំគឺជាកម្ពុជាក៏បានចូលរួមលើកស្ទួយដល់តំបន់ទេសចរណ៍មួយចំនួនដែលអ្នកទេសចរជាតិ និងអន្តរជាតិមិនធ្លាប់បានឃើញហើយជំរុញអោយពួកគាត់មកលេងនិងចូលរួមថែរក្សារអោយបានល្អរាល់សម្បត្តិធម្មជាតិ និងសម្បត្តិមនុស្សជាតិដែលមាន។
យើងខ្ញុំមិនអាចមានលិទ្ធភាពបង្ហាញអស់នូវសម្រស់ វប្បធម៌ និង ភាពអសា្ចរ្យដែលកម្ពុជាមានដ៏ច្រើនតែក្នុងវីដេរអូខ្លីមួយនេះទេតែសង្ឃឹមថាវាជាការចាប់ផ្តើមមួយដ៏ល្អសម្រាប់អោយគេស្គាល់ប្រទេសកម្ពុជាបន្ថែមតាមរយះវីដេរអូនេះ។
សូមចូលរួមធ្វើការ Like និង Share ដើម្បីគាំទ្រដល់បេក្ខជន ឬ ក្រុម ដែលលោកអ្នកពេញចិត្ត ដើម្បីទទួលជ័យលាភីនៃការប្រកួត៕
សូមទស្សនាវីដេអូខាងក្រោម ដោយចុចទស្សនា និង Share វីដេអូនេះជាការគាំទ្រ ៖
