ភ្នំពេញ ៖ ក្រោយពីមានពត័មានជាច្រើនផ្សាយទាក់ទងនឹងជនជាតិជប៉ុនដែលបានឆ្លងជំងឺCOVID-19 កូរ៉ូណា ក្រោយឆ្លងកាត់ប្រទេសដទៃទៀត ជាពិសេសប្រទេសកម្ពុជានៅឯខេត្តសៀមរាប ដែលរួមមានអ្នកដំណើរជាច្រើន ដែលកំពុងស្ថិតក្នុងការឃ្លាំមើលពីរោគសញ្ញា។
ទៀតសោត នៅឯភ្នំពេញឯណោះ នៅព្រឹកថ្ងៃទី៦ ខែមិនានេះ យោងតាមគណនីហ្វេសបុករបស់ Sorn Sopheak-ស៊ន សុភក្រ័ បានធ្វើការបង្ហោះជាមួយរូបភាពជាច្រើន ដែលបង្ហាញពីប្រជាជននាំគ្នាសម្រុក ផ្អើលឈូរឈរ ទិញមី និងគ្រឿងបរិភោគជាច្រើននៅឯផ្សារMakro ក្នុងការត្រៀមខ្លួននូវបញ្ហាផ្សេងៗដែលអាចនឹងកើតឡើងនៅថ្ងៃមុខ។
ក្នុងនោះផងដែរ ឥវ៉ាន់មួយចំនួនក៏ត្រូវបានលក់អស់ផងដែរ ដែលក្នុងនោះផងដែរ មានអ្នកលេងហ្វេសបុកបានធ្វើការបង្ហោះទាក់ទងនឹងបញ្ហាទាំងអស់នេះថា តើក្រោយពីមីត្រូវលក់អស់យ៉ាងនេះ តើទៅថ្ងៃខាងមុខ មីអាចឡើងថ្លៃដូចម៉ាសដែលកំពុងផ្អើលដែររឺទេ? ៕
រូបភាពដោយ ៖ Sorn Sopheak-ស៊ន សុភក្រ័
រក្សាសិទ្ធដោយ ៖ ក្នុងស្រុក
