២០២០ ជាឆ្នាំគ្រោះ ឆ្នាំដ៏អាក្រក់មិនធ្លាប់មាន ដោយត្រឹមរយៈពេលជិត ១ ខែនៃខែមករានេះ រឿងរ៉ាវជាច្រើនបានកើតឡើងឥតឈប់ ធ្វើឲ្យប៉ះពាល់ដល់ការរស់នៅរបស់មនុស្សរាប់លាននាក់ទូទាំងសកលលោក។ ក្នុងនោះមានទាំងករណីភ្លើងឆេះព្រៃនៅអូស្រ្តាលី បន្ទុះភ្នំភ្លើងនៅហ្វីលីពីន គ្រោះទឹកជំនន់នៅឌូបៃ&ឥណ្ឌូណេស៊ី និងវីរុសវូហ្វានជាដើម។
ហេតុការណ៍អាក្រក់មួយទៀតដែលខកខានកើតមានអស់រយៈពេល ៧០ ឆ្នាំទៅហើយនោះ គឺនៅអាហ្វ្រិកខាងកើតដូចជាប្រទេសសូម៉ាលី អេត្យូពី និងកេនយ៉ាកំពុងជួបប្រទះនូវការរំខានពីហ្វូងសត្វកណ្តូលវាលខ្សាច់ដ៏ច្រើនលានក្បាល ចូលមកបំផ្លាញដំណាំរបស់អ្នកស្រុក មានតាំងពីចម្ការពោត ស្មៅផ្អែមជាដើម។
តាមរបាយការណ៍ពី The Guardian និង ABC News បានឲ្យដឹងថាការកើនឡើងដ៏ច្រើននៃសត្វកណ្តូបវាលខ្សាច់នេះ គឺដោយសារតែបម្រែបម្រួលអាកាសធាតុ រុញឲ្យសត្វល្អិតបង្កាត់ពូជកើនឡើង ៥០០ ដងឯណោះមុនពេលកើតមានអាកាសធាតុស្ងួតនាខែមិថុនាឆ្នាំទៅ។
នៅប្រទេសកេនយ៉ាបានរងផលប៉ះពាល់ពីករណីដ៏ចម្លែកនេះ ដោយដីចម្ការប្រមាណ ៧០ ០០០ ហិតាត្រូវបានបំផ្លាញដោយហ្វូងសត្វកណ្តូបវាលខ្សាច់។
Kenya as been invade by desert locust
these are the effects of climate change we aren’t ready to deal with.nor are we ready to mitigate or prevent the unimaginable cruelty that will be done to people fleeing them #ClimateChangeIsReal @AlexandriaV2005 @Earth_Uprising pic.twitter.com/KarTd2iEme
— Nancy wahome (@Nancy_wahome23) January 27, 2020
បញ្ជាក់ថាអង្គការសហប្រជាជាតិបានធ្វើការព្រមានថ្មីៗនេះថាហ្វូងកណ្ដូបវាលខ្សាច់អាចនឹងរីករាលដាលដល់តំបន់មជ្ឈិមបូព៌ា និងអាស៊ីភាគខាងត្បូង (មានប្រទេសអាហ្វហ្គានីស្ថាន បង់ក្លាដេស ប៊ូតាន់ ឥណ្ឌា ម៉ាល់ឌីវ នេប៉ាល់ ប៉ាគីស្ថាន ស្រីលង្កា) ខណៈតំបន់អាស៊ីអាគ្នេយ៍នៅមិនទាន់លេចលឺការអាចរងផលប៉ះពាល់នៅឡើយ៕
