គិតត្រឹមថ្ងៃទី ២៥ មករា ឆ្នាំ ២០២០ នៅប្រទេសម៉ាឡេស៊ីមាន ៤ ករណីជាក់លាក់បានកើតឡើងពាក់ព័ន្ធនឹងអ្នកឆ្លងវីរុសកូរ៉ូណា ខណៈនៅកម្ពុជានាថ្ងៃទី ២៧ មករានេះ បានកើតឡើង ១ ករណីដែរនៅឯអាកាសយានដ្ឋានទីរួមខេត្តព្រះសីហនុ។
ថ្មីៗនេះការិយាល័យរដ្ឋាភិបាលប្រទេសម៉ាឡេស៊ីបានចេញសេចក្តីថ្លែងការណ៍មួយជុំវិញការប្រកាសបិទជាផ្លូវការ លែងឲ្យជនជាតិចិនដែលមានដើមកំណើតរស់នៅទីក្រុង Wuhan និងទីក្រុងផ្សេងទៀតក្នុងខេត្ត Hubei ក៏ដូចជាខេត្តដែលពាក់ព័ន្ធនឹងជំងឺនោះ ហោះចូលក្នុងដែនអាកាសនៃប្រទេសរបស់ខ្លួនទៀតហើយ និងរង់ចាំរហូតដល់គ្រប់យ៉ាងត្រូវបានដោះស្រាយទើបបើកដំណើរការជាធម្មតាវិញ។
តាមសេចក្តីថ្លែងការណ៍របស់រដ្ឋាភិបាលម៉ាឡេស៊ីបានឲ្យដឹងថា៖ “រដ្ឋាភិបាលបានអនុវត្តតាមនីតិវិធីរបស់អង្គការសុខភាពពិភពលោក និងទទួលបានការណែនាំក្នុងការប្រឈមមុខនិងដោះស្រាយនូវការរីករាលដាលនៃវីរុសកូរ៉ូណា”។
សារបន្ត៖ “ជាមួយនឹងព័ត៌មានចុងក្រោយ រដ្ឋាភិបាលបានសម្រេចផ្អាកបណ្តោះអាសន្ននូវរាល់កន្លែងសម្រាប់ជនអន្តោប្រវេសន៍ដែលរួមមាន Entry (កន្លែងគ្មានទិដ្ឋាការ), Visa On Arrival (VOA), ទិដ្ឋាការអេឡិចត្រូនិកនិងដោយដៃ ពីជនជាតិចិនទាំងអស់ក្នុងទីក្រុងដែលមានឆ្លងមេរោគនិងតំបន់ផ្សេងទៀតក្នុងខេត្ត Hubei ហើយការធ្វើអន្តោប្រវេសន៍នឹងដំណើរការជាធម្មតាវិញ ពេលស្ថានភាពប្រែមកធម្មតា”៕
