ភ្នំពេញ៖ តារាចម្រៀងស្រី ស្រស់ស្អាតប្រចាំផលិតកម្មរស្មីហង្សមាស ម្ចាស់បទ គេមិនស្រលាញ់យើងទេ កញ្ញា សួស វីសា បានសម្រេចចិត្តភ្ជាប់ពាក្យជាមួយគូស្នេហ៍ជាទីស្រលាញ់របស់នាង លោក Tommy ហើយក្រោយប្រកាសពីទំនាក់ទំនងគ្នាមក។
លោកប៊ុនថុល ប៊ុនថង (Tommy) និងកញ្ញាសួស វីសា បានប្រកាសពីទំនាក់ទំនងលើបណ្ដាញសង្គមថា ពួកគេបានយល់ចិត្តថ្លើមគ្នាអស់រយៈពេលយូរណាស់មកហើយ ហើយក៏ទទួលបានការដឹងលឺ និងឯកភាពពីមេបាទាំងសងខាងដែរ ទើបពួកគេសម្រេចចិត្តប្រកាសពីទំនាក់ទំនងស្នេហារបស់ពួកគេ ខណៈកាលពីប៉ុន្មានខែមុន ពួកគេក៏បានសម្រេចទិញផ្ទះ និងរៀបចំពិធីឡើងគេហដ្ឋានផងដែរ ដែលកម្មវិធីនេះ ត្រូវបានអញ្ជើញតែមិត្តជិតស្និទ្ធ និងគ្រួសារទាំងសងខាងតែប៉ុណ្ណោះ។
ថ្ងៃនេះ ពួកគេទាំងពីបានសម្រេចចិត្តរៀបចំកម្មវិធីភ្ជាប់ពាក្យ ជាកម្មវីធីដែលធ្វើឱ្យមេបាទាំងសងខាង មានសេចក្ដីទុកចិត្តលើពួកគេទាំងពីរ ប៉ុន្តែថ្ងៃរៀបការ ថ្ងៃណាមិនទាន់ត្រូវបានប្រកាសនៅឡើយទេ មានតែជូនពរគូស្នេហ៍មួយគូនេះ ជួបតែសំនាងល្អ និងសុភមង្គលតរៀងទៅ។
