មនុស្សគ្រប់គ្នាមានអារម្មណ៍ខឹងដូចគ្នា ប៉ុន្តែមានមនុស្សខ្លះអាចគ្រប់គ្រងបានល្អ ខណៈដែលមនុស្សខ្លះវិញ ឆាប់ខឹង ងាយប្រតិកម្ម និងបង្ហាញអារម្មណ៍ច្បាស់ៗ។ ការខឹងមិនមែនជារឿងអាក្រក់ទេ ប៉ុន្តែបើគ្មានការគ្រប់គ្រង វាអាចបំផ្លាញទំនាក់ទំនង និងឱកាសល្អៗក្នុងជីវិតបាន។ យោងតាមការទស្សន៍ទាយហោរាសាស្ត្រ ក្នុងចំណោមឆ្នាំទាំង ១២ មនុស្សដែលកើតក្នុងឆ្នាំទាំង ៥ ខាងក្រោមនេះត្រូវបានគេចាត់ទុកថាជាមនុស្សដែលឆាប់ខឹង ងាយប្រតិកម្ម អារម្មណ៍ឆេវឆាវខ្លាំងណាស់។
១/ ឆ្នាំខាល៖ មនុស្សឆ្នាំខាលនេះមានចរិតក្លាហាន ស្មោះត្រង់ និងនិយាយត្រង់។ ពេលអ្វីមិនត្រឹមត្រូវ ឬមិនពេញចិត្ត ពួកគេនឹងបង្ហាញអារម្មណ៍ភ្លាមៗ មិនសូវលាក់លៀមឡើយ។ ការខឹងរបស់ពួកគេមកលឿន ដូចភ្លើងឆេះ ប៉ុន្តែភាគច្រើនក៏បាត់ទៅលឿនដែរ។
២/ ឆ្នាំមមី៖ ពួកគេជាមនុស្សសកម្ម និងមានអារម្មណ៍ឆេវឆាវខ្លាំង។ ពេលជួបស្ថានការណ៍ដែលមិនសមស្រប ឬមានអ្នករំខានអារម្មណ៍ ពួកគេច្រើនប្រតិកម្មភ្លាមៗ ដោយមិនសូវគិតច្រើនឡើយ។ ទោះបីឆាប់ខឹងក៏ដោយ បេះដូងពួកគេមិនអាក្រក់ទេ ហើយអាចត្រឡប់មកធម្មតាវិញបានឆាប់រហ័ស។
៣/ ឆ្នាំរកា៖ អ្នកឆ្នាំនេះក៏ជាប្រភេទមនុស្សដែលខឹងងាយដែរ ព្រោះពួកគេចូលចិត្តភាពត្រឹមត្រូវ និងល្អឥតខ្ចោះ។ ពេលអ្វីមួយមិនដូចដែលគេរំពឹង ពួកគេច្រើនមានអារម្មណ៍មិនសប្បាយ និងអាចបង្ហាញការខឹងចេញមក។ ពួកគេចូលចិត្តនិយាយត្រង់ ដូច្នេះពេលខឹង អាចនិយាយចេញដោយមិនគិតអារម្មណ៍អ្នកដទៃ។
៤/ ឆ្នាំវក៖ អ្នកឆ្នាំស្វាក៏ជាមនុស្សដែលឆាប់ខឹងដែរ ប៉ុន្តែការខឹងរបស់ពួកគេភាគច្រើនមកពីអារម្មណ៍លេងសើច ឬការមិនពេញចិត្តតិចតួច។ ពួកគេចូលចិត្តសេរីភាព ហើយពេលមានអ្វីមកកំណត់ ឬបង្ខំ ពួកគេច្រើនមានប្រតិកម្មភ្លាមៗ។
៥/ ឆ្នាំច៖ មនុស្សឆ្នាំនេះស្មោះត្រង់ និងប្រកាន់ខ្ជាប់យុត្តិធម៌។ ពេលពួកគេឃើញអ្វីមិនត្រឹមត្រូវ ឬមានអ្នកធ្វើអ្វីមិនសមស្រប ពួកគេច្រើនតែខឹង និងមិនអាចស្ងៀមបានឡើយ។ ការខឹងរបស់ពួកគេមកពីចិត្តស្មោះ និងការពារអ្វីដែលពួកគេជឿ៕
