សន្តិភាពមិនមែនកើតចេញពីអ្វីដែលយើងមានទេ តែវាបានមកពីអ្វីដែលយើងហ៊ានលះបង់។ ការរៀននិយាយថា “ទេ” នៅពេលត្រឹមត្រូវនឹងជួយអ្នករក្សាសន្តិភាពក្នុងភាពវឹកវរក្នុងជីវិត។ ខាងក្រោមនេះជារឿង ៣ យ៉ាងដែលអ្នកគួរតែបដិសេធ បើចង់រស់នៅដោយសុខសាន្តជារៀងរាល់ថ្ងៃ។
១.និយាយថា “ទេ” ដើម្បីផ្គាប់ចិត្តមនុស្សគ្រប់គ្នា
តើអ្នកធ្លាប់ញញឹម និងយល់ព្រមដោយសារតែអ្នកខ្លាចមិនហ៊ាននិយាយទេ ទោះបីជាអ្នកស្ទាក់ស្ទើរ? តើអ្នកធ្លាប់ព្យាយាមរស់នៅតាមការរំពឹងទុករបស់អ្នកដទៃ ទាល់តែធុញទ្រាន់នឹងការបាត់បង់ខ្លួនឯងទេ? មនុស្សជាច្រើន ជាពិសេសមនុស្សស្រីដែលធំឡើងមានជំនឿថាខ្លួនគួរតែមានភាពទន់ជ្រាយ និងមានចិត្តទូលាយដើម្បីឲ្យគេស្រឡាញ់។ ប៉ុន្តែពេលខ្លះ នោះហើយជាអ្វីដែលធ្វើឱ្យយើងមិនមែនជាខ្លួនយើងទៀតទេ។
តែងតែព្យាយាមផ្គាប់ចិត្តមនុស្សគ្រប់គ្នាអាចធ្វើឱ្យអ្នកក្លាយជា “ទាសករនៃអារម្មណ៍” ។ ការរស់នៅដោយសន្តិភាពទាមទារឱ្យអ្នកហ៊ានកំណត់ព្រំដែន មិនមែននៅឆ្ងាយពីខ្លួនឯងទេ ប៉ុន្តែដើម្បីរក្សាការចង់បានរបស់អ្នកឱ្យធំជាងការរំពឹងទុករបស់អ្នកដទៃ។
២.និយាយថា “ទេ” ដើម្បីប្រៀបធៀបខ្លួនអ្នក
យុគសម័យឌីជីថលធ្វើឱ្យការប្រៀបធៀបកើនឡើងមិនគួរឱ្យជឿ។ តាមពិតទៅ នៅលើការបង្ហោះក្នុងបណ្តាញសង្គម អ្នកគ្រាន់តែឃើញអ្វីដែលគេចង់បង្ហាញប៉ុណ្ណោះ វាមិនមែនជាការពិតទាំងអស់នោះទេ។ នៅពីក្រោយស្នាមញញឹមទាំងនោះ ប្រហែលជាមានថ្ងៃមិនល្អ ការឈឺចាប់ និងសម្ពាធដែលពួកគេមិនដែលបានបង្ហាញ។
ការប្រៀបធៀបគ្រាន់តែនាំយើងចូលទៅក្នុងអន្ទាក់នៃការសង្ស័យខ្លួនឯង និងមានអារម្មណ៍ថាខ្លួនអន់ជាងអ្នកដទៃ។ មនុស្សម្នាក់ៗស្ថិតនៅលើដំណើរតែមួយគត់ តាមល្បឿនផ្ទាល់ខ្លួន និងនិយមន័យនៃសុភមង្គលខុសៗគ្នា។ ជំនួសឱ្យការសម្លឹងមើលជីវិតអ្នកដទៃយកមកប្រៀបធៀបជាមួយខ្លួនឯង ចូរចំណាយពេលយល់ពីខ្លួនឯង ស្តាប់នូវអ្វីដែលខ្លួនចង់បាន និងចង់ធ្វើ។
៣. និយាយថា “ទេ” ចំពោះទំនាក់ទំនងមិនល្អ
មានមនុស្សចូលមកក្នុងជីវិតរបស់អ្នក មិនមែនដើម្បីធ្វើអោយអ្នកសប្បាយចិត្តទេ តែធ្វើអោយអ្នកមានអារម្មណ៍ថាតូចទាបជាងគេ និងគ្មានសុវត្ថិភាព។ ពួកគេប្រហែលជាវិនិច្ឆ័យ សង្ស័យ ឬ ធ្វើឱ្យអ្នកមានអារម្មណ៍ថាអ្នក “មិនល្អគ្រប់គ្រាន់”។ មិនថាជាសមាជិកគ្រួសារ មិត្តរួមការងារ ឬ ប្តីឬប្រពន្ធទេ ប្រសិនបើទំនាក់ទំនងនោះធ្វើឱ្យអ្នកឈឺចាប់ វាគឺជាសញ្ញាច្បាស់លាស់នៃទំនាក់ទំនងមិនល្អ ឬ ហៅថា Toxic Relationship។
អ្នកសមនឹងទទួលបានការស្រឡាញ់ គោរព និងធ្វើជាខ្លួនឯង។ ការកាត់ផ្តាច់ទំនាក់ទំនងដែលលែងមានភាពវិជ្ជមានមិនមែនមានន័យថាអ្នកគ្មានបេះដូងនោះទេ វាមានន័យថាអ្នកមានភាពចាស់ទុំគ្រប់គ្រាន់ក្នុងការជ្រើសរើសអ្វីដែលប្រសើរជាងសម្រាប់សុខភាពផ្លូវចិត្តរបស់អ្នក។
យោងតាមចិត្តវិទូ ទំនាក់ទំនងអវិជ្ជមានអាចប៉ះពាល់ដោយផ្ទាល់ទៅលើអរម៉ូនស្ត្រេស ដែលបណ្តាលឱ្យមានរោគសញ្ញាដូចជា គេងមិនលក់ បាត់បង់ចំណង់អាហារ ឬ សូម្បីតែជំងឺធ្លាក់ទឹកចិត្ត។ ដូច្នេះ “ការសម្អាត” ទំនាក់ទំនងមិនល្អគឺជាជំហានដំបូងដើម្បីស្ដារថាមពលជីវិតវិជ្ជមាន៕
