ដូចដែលបានដឹងហើយថា អ្នកនាង ស្វែង សុជាតា ជាតារាជើងចាស់មួយដួង ដែលមានសមត្ថភាពដ៏អស្ចារ្យ អាចសម្ដែងបានគ្រប់ចរិតនៃតួ ហើយសុទ្ធតែសក្តិសមឥតខ្ចោះ។ យ៉ាងណាមិញ អ្នកនាងក៏ធ្លាប់បានសម្ដែងក្នុងខ្សែភាពយន្តឱ្យហូលីវូតទៀត ដែលដឹកនាំដោយកំពូលតារា គឺ អេនជេលីណា ជូលី ក៏ដូចជារឿងជាច្រើនទាំងក្នុង នៅក្រៅស្រុក។
មួយរយៈចុងក្រោយនេះដែរអ្នកនាង ស្វែង សុជាតា ហាក់ដូចជាត្រូវប៉ាន់ជាមួយនឹងការថតរឿងជាច្រើន ហើយថ្មីៗនេះ អ្នកនាងក៏ស្រាប់តែបង្ហាញរូបជាច្រើនសន្លឹក ជាមួយកំពូលតារាហុងកុងគឺលោក ERIC TSANG CHI-WAI ដែលធ្វើឱ្យមហាជនហាក់ភ្ញាក់ផ្អើល កើតជាចម្ងល់ និងចង់ដឹងថា តើអ្នកនាងនឹងស្ដែងរឿងអ្វីជាមួយតារាហុងកុងរូបនេះ។ ចំពោះចំណងជើងភាពយន្តដែលអ្នកនាងសម្ដែង គឺនៅជាអាថ៌កំបាំង អ្នកនាងមិនទាន់បានបញ្ជាក់ឡើយ៕
