តោះ! សាកល្បងមើលជតារាសី និងអត្តចរិតពីកំណើតរបស់អ្នក តាមរយៈឆ្នាំកំណើតដែលយើងរាប់តាមខ្មែរ តើអ្នកកើតឆ្នាំអីដែរ?
១. ឆ្នាំជូត (ធាតុទឹក ពង្សទេវតាប្រុស)
ជាមនុស្សរួសរាយរាក់ទាក់ មានភាពទាក់ទាញ ងាយចូលចំណោមគេចុះ ជាមនុស្សដែលពូកែខាងផ្នែកទំនាក់ទំនង។
២.ឆ្នាំឆ្លូវ (ធាតុដី ពង្សមនុស្សប្រុស)
ជាមនុស្សមានសមត្ថភាពទប់ទល់ជាមួយនឹងបញ្ហាគ្រប់កាលៈទេសៈ ពួកគេតែងតែទទួលបានជោគជ័យ និងការគោរព ដោយសារតែទំនុកចិត្ត និងសមត្ថភាពដ៏ខ្លាំងពូកែរបស់គេ។
៣. ខាល (ធាតុឈើ ពង្សយក្សស្រី)
ជាមនុស្សចូលចិត្តឯករាជ្យ ភាពស្មើគ្នា និងមានទំនួលខុសត្រូវខ្ពស់ក្នុងរឿងការងារ។ ពួកគេអាចគ្រប់គ្រងខ្លួនឯងបានពេលជួបបញ្ហា ហើយតែងតែផ្ដល់កម្លាំងចិត្តឱ្យខ្លួនឯងជានិច្ច។
៤. ឆ្នាំថោះ (ធាតុឈើ ពង្សមនុស្សស្រី)
ជាមនុស្សប៉ិនប្រសព្វក្នុងរឿងការងារ និងពូកែយកចិត្តអ្នកដទៃ និងមានមនុស្សស្រឡាញ់រាប់អានច្រើន។ ពួកគេជាមនុស្សដែលចេះរីករាយជាមួយខ្លួនឯង តែក៏ឯកាខ្លាំងណាស់ដែរពេលខ្លះ។
៥. ឆ្នាំរោង (ធាតុមាស ពង្សទេវតាប្រុស)
ជាមនុស្សមានមន្តស្នេហ៍ និងពោរពេញដោយ ថាមពល។ ពួកគេក៏មានភាពឆ្លាតវៃ ប៉ិនប្រសព្វ និងមានគោលដៅផ្ទាល់ខ្លួន ដោយជឿជាក់ថា គ្មានអ្វីអាចបញ្ឈប់ពួកគេបានឡើយ។
៦. ឆ្នាំម្សាញ់ (ធាតុភ្លើងពង្សមនុស្សប្រុស)
ជាមនុស្សដែលមានសន្ដានចិត្តល្អ ចូលចិត្តធ្វើបុណ្យ និងជួយដល់អ្នកដទៃ។ ពួកគេសប្បាយចិត្តជាមួយនឹងអ្វីដែលគេបានធ្វើ ប៉ុន្តែមនុស្សនេះក៏ពូកែប្រចណ្ឌណាស់ដែរ។
៧. ឆ្នាំមមី (ធាតុភ្លើង ពង្សទេវតាស្រី)
ជាបុគ្គលខំប្រឹងធ្វើការដើម្បីទទួលបានភាពជោគជ័យ ចូលចិត្តឯករាជ្យ និងពូកែវោហាសព្ទ ប៉ុន្តែបុគ្គលនេះ ក៏មានចិត្តឆេវឆាវណាស់ដែរ។
៨. ឆ្នាំមមែ (ធាតុទឹក ពង្សទេវតាស្រី)
ជាមនុស្សចិត្តល្អ ចេះជួយអ្នកដទៃ និងមានគំនិតច្នៃប្រតិដ្ឋខ្ពស់។ ប៉ុន្តែពេលខ្លះមនុស្សនេះ ក៏អាចក្លាយទៅជាមនុស្សអាត្មានិយមបានដែរ។
៩. ឆ្នាំវក (ធាតុដែក ពង្សយក្សប្រុស)
ជាមនុស្សវៃឆ្លាត រហ័សរហួន និងប៉ិនប្រសព្វក្នុងការធ្វើការងារ ប៉ុន្តែពេលខ្លះ ពួកគេមានទំនុកចិត្ត និងមោទកភាពលើខ្លួនឯងខ្លាំងពេក នឹងអាចធ្វើឱ្យពួកគេក្លាយទៅជាខកបំណងទៅវិញ។
១០. ឆ្នាំរកា (ធាតុដែក ពង្សយក្សប្រុស)
ជាមនុស្សឧស្សាហ៍ព្យាយាម សង្វាតនឹងការងារ មានភាពស្មោះត្រង់ចំពោះខ្លួនឯង។ ប៉ុន្តែពួកគេក៏ជាមនុស្សមានចិត្តឆេវឆាវ និងប្រកាន់ច្រើនផងដែរ។
១១. ឆ្នាំច (ធាតុដី ពង្សយក្សស្រី)
ជាមនុស្សយុត្តិធម៌ ច្បាប់វិន័យត្រឹមត្រូវ ចូលចិត្តដោះស្រាយបញ្ហា និងរកដំណោះស្រាយជួយដល់អ្នកដទៃ។ ប៉ុន្តែបុគ្គលនេះ មិនងាយលើកលែងទោសឱ្យមនុស្សដែលគេស្អប់ងាយៗឡើយ។
១២. ឆ្នាំកុរ (ធាតុទឹក ពង្សមនុស្សស្រី)
ជាមនុស្សចេះអត់ឱន ចិត្តល្អ មានចិត្តស្មោះសរ។ ពួកគេតែងតែមានភាពឆ្លាតវៃក្នុងការប្រកួតប្រជែង និងព្យាយាមធ្វើឱ្យអស់ពីសមត្ថភាព ដើម្បីក្ដីសុខខ្លួនគេ៕
រក្សាសិទ្ធិដោយ៖ ក្នុងស្រុក