មិនថាបុរសឬស្ត្រីទេ ការមានប្រជ្រុយទាំងនេះត្រូវបានកំណត់ថា ជាអ្នកមាន និងសម្បូរលុយកាក់ ហើយប្រសិនបើមានអាជីព នឹងមានតែទទួលបានជោគជ័យ៖
ប្រជ្រុយនៅក្លៀក
តាមនរវិទ្យា ប្រជ្រុយលាក់គឺជាប្រជ្រុយនៅទីតាំងដែលអាចមើលឃើញលើដងខ្លួនដូចជា ក្លៀក កំពូលក្បាល កន្លែងឯកជន ឬហៅថាប្រជ្រុយសម្ងាត់។ ប្រជ្រុយសម្ងាត់ទាំងនេះភាគច្រើនមានអត្ថន័យល្អ សំណាងល្អ ហើយត្រូវបានចុះក្នុងបញ្ជីប្រជ្រុយដែលនាំមកនូវទ្រព្យសម្បត្តិ។ មិនថាបុរសឬស្ត្រីទេ ការមានប្រជ្រុយនៅក្លៀកមានទាំងលាភសំណាងល្អខាងលុយកាក់។
ម្ចាស់ប្រជ្រុយនៅក្លៀកមានរបៀបរស់នៅថ្លៃថ្នូរ មានចរិតម៉ឺងម៉ាត់ ធ្វើការដោយយុត្តិធម៌ និងសុចរិតភាព ហើយត្រូវបានសហការី និងមិត្តភ័ក្តិស្រលាញ់ និងគាំទ្រអស់ពីចិត្ត។ ជារឿយៗមនុស្សដែលមានប្រជ្រុយនៅក្លៀកមិនចាំបាច់ព្រួយបារម្ភអំពីប្រាក់នោះទេ បើរៀបការឆាប់ហើយជ្រើសរើសមនុស្សឲ្យបានត្រឹមត្រូវ នោះគ្រួសារនឹងពោរពេញដោយសុភមង្គល។
ប្រជ្រុយនៅលើថ្ងាស
បុរសឬស្ត្រីដែលមានប្រជ្រុយនៅលើថ្ងាស ជាប្រភេទមនុស្សដែលមានចរិតល្អ ធ្វើការដោយប្រយ័ត្នប្រយែង មានចិត្តស្វាហាប់ និងរហ័សរហួន។ មិនថាតែនៅតាមសាធារណៈ តែងតែត្រូវបានមនុស្សជាច្រើនស្រឡាញ់ និងរាប់អាន។ លើសពីនេះ ប្រសិនបើស្ត្រីប្រជ្រុយនៅលើថ្ងាស គឺមានភាពក្លាហាន ប៉ិនប្រសប់ មុននិងក្រោយរៀបការ តែងតែនាំលាភសំណាង ទ្រព្យសម្បត្តិ ដល់គូស្នេហ៍ ដៃគូជីវិត។
ប្រសិនបើបុរសជាម្ចាស់ប្រជ្រុយនេះ គាត់ប្រហែលជាមិនមានសំណាងក្នុងសេដ្ឋកិច្ចដូចមនុស្សស្រីនោះទេ ប៉ុន្តែផ្លូវ និងកិត្តិនាមតែងតែបើកចំហ មានអនាគតគឺភ្លឺស្វាង។ រំពឹងថាក្នុងវ័យ ៤០ ឆ្នាំ នឹងអាចកសាងអាជីពនិងទ្រព្យសម្បត្តិផ្ទាល់ខ្លួនបានច្រើន។
ប្រជ្រុយជុំវិញផ្ចិត
ជាទូទៅ អ្នកដែលមានប្រជ្រុយនៅជុំវិញផ្ចិតមានភាពស្វាហាប់ មានរូបរាងគួរឱ្យទាក់ទាញ នាំលាភសំណាងណាស់។ ជាធម្មតាអ្នកដែលមានប្រេជ្រុយនេះ ក៏ជាមនុស្សមានការសន្សំសំចៃ និងឆ្លាត អាចមើលថែគ្រួសារបានយាងល្អ។ ទោះជាយ៉ាងណាក៏ដោយ ពួកគេក៏មិនសូវចេះខ្វល់ខ្វាយនោះទេ ច្រើនតែងាយនឹងចាញ់បោកគេ។
តាមហោរាសាស្ត្រ បុគ្គលនេះមានអាយុប្រហែល៣៥ឆ្នាំ គ្រួសារនឹងបានលាភសំណាង ការងារខ្ពង់ខ្ពស់ មានលុយកាក់ហូរហៀរ ។ ប្រសិនបើគ្រួសារមានសុភមង្គល និងសុខសាន្ត ក្រោយអាយុហាសិបឆ្នាំ នឹងទទួលបានចំណុចរបត់ដ៏សំខាន់មួយនៅក្នុងសំណាង ដែលនាំមកនូវជីវិតដ៏ពេញលេញដែលមនុស្សតិចតួចមាន។
ប្រជ្រុយនៅលើត្រចៀក
អ្នកដែលមានប្រជ្រុយនៅគល់ត្រចៀក តែងតែនាំមកនូវទ្រព្យសម្បត្តិ និងលាភសំណាង។ ក្នុងពេលជាមួយគ្នានេះ ជាធម្មតាគឺជាមនុស្សដែលមានសុខភាពល្អ នឹងមានជំងឺតិចតួច។ មិនថាប្រុសឬស្រីនោះទេ បើមានប្រជ្រុយនៅត្រចៀក ជាមនុស្សមានតែការសប្បាយចិត្ត មានសុទិដ្ឋិនិយម ស្វាហាប់ ចូលចិត្តធ្វើអំពើល្អ និងជួយមនុស្សយ៉ាងសកម្ម។ ដូច្នេះក្រោយអាយុ ៣៥ឆ្នាំ បុគ្គលនេះងាយនឹងមានលាភ មានជ័យ ទទួលបានជំនួយពីថ្នាក់លើផ្ទាល់ ឬមិត្ដជិតស្និទ្ធដោយអស់ពីចិត្ត ដើម្បីឈានទៅមុខក្នុងអាជីព។
ប្រជ្រុយនៅលើបាតដៃ
ប្រជ្រុយនៅបាតដៃក៏ត្រូវបានគេចាត់ទុកថា ជាលក្ខណៈដ៏ថ្លៃថ្លា បុរស និងស្ត្រីដែលមានប្រជ្រុយនេះច្រើនតែជាប់ពាក់ព័ន្ធនឹងសំណាង។ ជាទូទៅពេលនៅក្មេង មនុស្សទាំងនេះ ត្រូវធ្វើការនឿយហត់ និងប្រឹងប្រែងធ្វើការខ្លាំងបំផុត។ មួយវិញទៀត បុគ្គលនេះស័ក្តិសមសម្រាប់ការធ្វើអាជីវកម្មឯករាជ្យ ឬធ្វើកិច្ចការពាក់ព័ន្ធនឹងការគ្រប់គ្រងប្រាក់ដូចជា គណនេយ្យករ ហិរញ្ញិក ឬជំនួយការ ទីប្រឹក្សាហិរញ្ញវត្ថុ ជាដើម។
ប្រភព៖ បរទេស
