Adelbert Waldron ទាហានបាញ់ស៊ីបក្នុងសង្គ្រាមវៀតណាមផ្ដាច់ជីវិតសត្រូវ ១០៩នាក់ដោយកាំភ្លើងម៉ាកM-14
ក្នុងឆមាសទី ១ នៃឆ្នាំ ១៩៦៩ បុរសម្នាក់អាយុ ៣៦ ឆ្នាំឈ្មោះ Sgt Waldron កាន់អត្តសញ្ញាណប័ណ្ណលេខ ៩ របស់កងទ័ពសហរដ្ឋអាមេរិកក្នុងសង្គ្រាមនៅវៀតណាមត្រូវបានគេទទួលស្គាល់ថាទាហានបាញ់ស៊ីបម្នាក់ផ្ដាច់ជីវិតសត្រូវ១០៩នាក់ ដែលធ្វើឱ្យគាត់ក្លាយជាអ្នកបាញ់ស៊ីបរបស់អាមេរិកច្រើនបំផុតរហូតដល់លោក Chris Kyle បំបែកកំណត់ត្រារបស់នៅឆ្នាំ ២០១១ ។
ទាហានបាញ់ស៊ីបបានក្លាយជាផ្នែកមួយនៃកងទាហានក្នុងសមរភូមិសម័យទំនើប គិតតាំងពីសម័យសង្គ្រាមបដិវត្តន៍អាមេរិកាំង នៅពេលដែលលោក Timothy Murphy ទាហានលបបាញ់សម័យនោះ ត្រូវបានគេស្គាល់ថាបានសម្លាប់ទាំងលោកមេញ្ជាការកងទ័ពអង់គ្លេស Sir Francis Clerke និងឧត្តមសេនីយ៍ Simon Fraser ដោយការលបបាញ់ពីចម្ងាយ។ ២០០ឆ្នាំក្រោយមក! ទាហានបាញ់ស៊ីបបានក្លាយជាផ្នែកមួយនៃកងទ័ពជើងគោកអាមេរិក។ ក្នុងសង្គ្រាមវៀតណាម! សាលាទាហានជាច្រើនបានបង្វឹកអ្នកលបបាញ់វ័យក្មេងដែលមានប្រសិទ្ធិភាពជាច្រើននាក់ ហើយអ្នកដែលល្បីជាងគេមានដូចជាកងម៉ារីន Charles Mawhinney, Eric របស់ប្រទេសអង់គ្លេស និង Gunnery Sgt Carlos Hathcock Snr របស់អាមេរិកជាដើម។
ទោះយ៉ាងណា! ទាហានបាញ់ស៊ីបដែលទទួលបានជោគជ័យបំផុតក្នុ្ងជម្លោះវៀតណាមខាងជើងរវាងអាមេរិកនិងវៀតណាមខាងត្បូងទាហានសហរដ្ឋអាមេរិកម្នាក់ឈ្មោះថា Aldelbert“ Bert” F Waldron III ។ Adelbert Waldron កើតនៅថ្ងៃទី១៤ខែមីនាឆ្នាំ១៩៣៣ ក្នុងតំបន់ Syracuse រដ្ឋ New York ហើយបានចំណាយពេលភាគច្រើនក្នុងជីវិតមុនពេលធ្វើទាហានជាព្រានប្រមាញ់សត្វព្រៃ។ គាត់បានចូលធ្វើទាហានជើងទឹកក្នុងឆ្នាំ១៩៥៣ហើយចាកចេញពីទាហានជើងទឹកនេះវិញ បន្ទាប់ពីរៀនចប់នៅឆ្នាំ១៩៦៥។
Waldron បានចុះឈ្មោះនៅក្នុងជួរកងទ័ពនៅក្នុងខែឧសភាឆ្នាំ ១៩៦៨ ក្នុងឋានៈពលបាលដែលជាឋានៈស្មើដែលគាត់បានកាន់នៅក្នុងកងទ័ពជើងទឹក។ Sgt Waldron ស្ថិតក្នុងកងទាហាន Company B នៃកងវរសេនាតូចទី៣ ចំណុះឲ្យកងវរសេនាតូចថ្មើរជើងលេខ ៦០ នៃកងពលថ្មើរជើងលេខ ៩ ហើយបញ្ជូនទៅវៀតណាមខាងត្បូងក្នុងឆ្នាំដដែល។
ដោយមានជំនាញ់បាញ់ស៊ីបនិងចេះប្រើប្រាស់កាំភ្លើងវែងច្បាស់លាស់ លោកត្រូវបានគេជ្រើសរើសឲ្យទៅចូលរៀននៅសាលាបង្រៀនលបបាញ់ក្នុងជួរកងទ័ពជើងគោកទី៩ដែលគ្រប់គ្រង់ដោយសមាជិកនៃអង្គភាព Marksmanship Army ហើយលោកទទួលបានការកោតសរសើរនិងប្រសិទ្ធនាមពីមេបញ្ជាការកងពលធំឧត្តមសេនីយ៍ឯក Julian J. Ewell ។
កងពលតូចថ្មើរជើងលេខ ៩ គឺជាអង្គភាពប្រយុទ្ធរបស់ កងទ័ពសហរដ្ឋអាមេរិកដ៏ធំតែមួយគត់ ដែលធ្វើប្រតិបត្តិការនៅតំបន់ដីសណ្ដមេគង្គជាកន្លែងដែលវាជាផ្នែកមួយនៃកងកំលាំងទន្លេ (MRF) ។ ក្នុងប្រតិបត្តិការនោះ ក្រុមទាហានមួយនេះ បានសម្អាតអង្គភាពបះបោរជាច្រើនដែលកំពុងប្រតិបត្តិការនៅក្នុងតំបន់ដែលសម្បូរទៅដោយទាហានវៀតកុងខុសច្បាប់។ នៅក្នុងបរិស្ថានគ្រោះថ្នាក់ដ៏ខ្ពស់នេះ Waldron ត្រូវបានឲ្យធ្វើជាអ្នកបាញ់ស៊ីប។
ក្នុងចំណោមកំពូលអ្នកបាញ់ស៊ីបល្បីសម័យនោះ មានដូចជាលោក Chuck Mawhinney ទាហានអង់គ្លេសផ្ដាច់ជីវិតសត្រូវ១០៣នាក់ លោក Eric England ៩៨នាក់ និង Carlos Hathcock ផ្ដាច់ជីវិតទាហានយៀកកុង៩៣នាក់ ដែលសុទ្ធតែប្រើកាំភ្លើងបាញ់ស៊ីបដែលមានស្នូលរុដេករុះគ្រាប់ ប៉ុន្តែលោក Waldron ជាទាហានម្នាក់ដែលប្រើកាំភ្លើងពាក់កណ្ដាលស្វ័យប្រវត្តិ M-14 ដែលគេល្បីតមកទៀតថា M-21។
M-21 ដែល Waldron ប្រើគឺជាកាំភ្លើងដែលមានគុណភាពមួយបំពាក់កែវឆ្លុះ Leatherwood 3-9X ហើយកាំភ្លើងនេះប្រើប្រាស់សម្រាប់អ្នកបាញ់ស៊ីបនិងបញ្ជូនទៅវៀតណាមនៅឆ្នាំ១៩៦៩។ វាក្លាយជាកាំភ្លើងលបបាញ់របស់ទាហានអាមេរិករហូតដល់ឆ្នាំ១៩៨៨។ M-21 អាចបាញ់ចំគោលដៅបាន៨០០ម៉ែត្រដោយប្រើប្រាស់គ្រាប់ M118 standard NATO ទំហំ៧.៦២មីលីម៉ែត្រ។ ពេលខ្លះ Waldron ប្រើប្រាស់កែវឆ្លុះ AN/PVS-2 Starlight night vision scope ដែលអាចមើលឃើញពេលយប់ដើម្បីការពារការវាយឆ្មក់និងការពារខ្លួនឯងផង។
នៅចន្លោះខែធ្នូឆ្នាំ ១៩៦៨ ដល់ខែឧសភាឆ្នាំ ១៩៦៩ ក្រុមទាហានបាញ់ស៊ីបក្នុងកងបាញ់លបបាញ់លេខ៩ បានផ្ដាច់ជីវិតទាហានសត្រូវ ៩៣៤ នាក់ ដែលភាគច្រើនពួកគេប្រមាញ់នៅក្នុងទីងងឹត និងពេលយប់។ យោងតាមរបាយការណ៍បានឲ្យដឹងថាជាង ១១ ភាគរយនៃចំនួនទាំងនេះគឺជារបស់លោក Waldron ។
Waldron បានបញ្ចប់ដំណើរទស្សនកិច្ចរបស់គាត់នៅប្រទេសវៀតណាមដោតបានទទួលមេដាយផ្ដាយប្រាក់មួយ ផ្កាយសំរឹទ្ធ២គ្រឿង សញ្ញប័ត្រពីអង្គភាពប្រធានាធិបតីមួយ ស្លាកសញ្ញា Distinguished Service Crosses ២គ្រឿង និងថវិកាចំនួន ៥ ម៉ឺនដុល្លារ។ គាត់បានមកបង្រៀននៅអង្គភាព Marksmanship នៃកងទ័ពសហរដ្ឋអាមេរិកមួយរយៈពេលខ្លីក្នុងនាមជាគ្រូឧបទ្ទេសជាន់ខ្ពស់មុនពេលចាកចេញពីជួរកងទ័ពនៅឆ្នាំ ១៩៧០ ។
លោកទទួលមរណភាពនៅថ្ងៃទី១៨ខែតុលាឆ្នាំ១៩៩៥ ក្នុងវ័យ៦២ឆ្នាំ។ សពរបស់បានបញ្ចុះនៅទីលាន Riverside National Cemetery, Riverside, រដ្ឋកាលីហ្វញ៉ា៕
រក្សាសិទ្ធដោយ៖ ក្នុងស្រុក
ព័ត៌មានថ្មីៗ
